ابني والتوحد

[امراة من زمن الحب]

ولدي اسم الله عليه كمل ثلاث سنوات
شخصوا التطوري حالته بانها اعاقه ذهنيه توحد
ومازالت الدكتوره عبير مصره انه متاخر في اللغة والمهارات ومو توحد
ولدي فيه من صفات التوحد مايلي
تاخر الللغه
الضحك احيانا بدون سبب
حساسية القمح والحليب
فطريات الامعاء
التسمم بالرصاص

لكن اخصائي التخاطب والسلوك اللي شافوه يقولون مو توحد
ولدي يقلد
ويحب الضم والتقبيل
ويلعب مع الاطفال


هل فيكم وحده ولها مثل ولدي او كان مثله
لاني اعوذ بالله احيانا افقد الامل في ان ولدي بينطق يوما ما

 

[Break Time]

اب لعيووووووووونج

ان شالله البنات يفيدوووونج

والله يشفيه لج يا رب


انا اعرف واحد تاخر بالنطق دش الروضة و هو ما يتكلم اخير شي اكتشفت ابلته تخيلي من شنو ؟؟؟؟؟؟؟؟؟؟



ما يسمع عدل


اي سمعه حيل ضعيف فتلقينه ما يلقط الكلام فما يقدر يقلده


و لمن تنادينه يطالعج بس ما يرد لأنه مو سامع فيتهيا لج انه ما يفهم مبلم او انه يعاند
وهو يا عمري مو سامع

امه ما لاحظت تقول عنيد لمن اناديه ما يرد فهذا اللي كان مخليها ساكته

بس ابلته الله يجزاها خير انتبهت له و توقعت انه ما يسمع وفعلا طلع ما يسمع



افحصي سمع ولدج


و اتمنى البنات يفيدوووووونج بخصوص التوحد


و الله يشفيه يا رب

 

[امراة من زمن الحب]

اكيد اول ششي فحصناه السمع
وطلع تخطيط السمع سليم

 

[حوري2004]

مرحبا اختي انا اولدي تم الخمس سنوات وداس بالست سنوات يعني عسى الله يحفظه السنه الجايه اولى ابتدائي
حالة اولدي نفس حالة اولدج
بس سعودي كان ما يحب الضم ويحب القعده بروحه اكثر
والتطوري شخصوه توحد والدكتوره عبير شخصته تاخر باكتساب اللغة وعند
صح سعود عنييييد
ولله الحمد ما طلع معاه حساسيه من الحليب ولا القمح والدكتوره عبير قالت سوي له حميه بس صج سويتها تقريبا شهرين بس تعبة وتازمة نفسيتي ما ادري شنو اوكله
ولله الحمد اعطيه فيتامينات اصرفتها لنا من ريزالس ومستمرين عليها وصارلي تقريبا 3 اشهر مستمره معاه على حليب الابل اجيبه كل 3 ايام من اسواق القرين
وكنت مدخلته كويت دريم ولله الحمد الولد تجاوب وصار يتكلم e تقريبا قعد في كويت دريم سنه ونص والولد تغير حليييييييل مع جلسات تعديل السلوك مع الاستاذ ابراهيم خليل
وحاليا اهو بمدرسة ام القرى اقرب والولد صار يتكلم عربي مكسر شوي بس احسن من قبل
ومازلت مستمره معاه على جلسات التخاطب بس الحين عند الدكتوره مدينه صادق
وعسى الله يفتح عليهم ويبلغنا فيهم واي شي تبين انا بالشوفه

 

[امراة من زمن الحب]

الله يجزاج خير اختي عالرد
يعني في امل يتكلم.؟
طيب مادام ولدج اسم الله عليه يتكلم بشنو تشرهين عليه يعني ليه تعطينه حليب ابل
ولدي ما يتكلم ولا حتى يفهم اغلب الاوامر

 

[الصابرة المحتسبة]

بشريني عن وليدج

 

[ديمــــــــــه]

الله يفرحتس بعافيته وابداا لاتقولين صار ماعندي أمل خلي املك كله في الله
والله العظيم اعرف طفل كان معاه استسقاء براسه وايامه معدوده والدكاتره قالوا لامه وابوه ترى مافيه امل لكنهم اصروا وطلعوه من المستشفى مايبونه يتعذب عندهم وماقطعوا الامل بالله والله والله العظييييم ولدهم اصبح طفل طبيعي وصار يدرس بعد تخيلي سبحااااااااااانك رربي ماأعظمك
هو ولد الشاعر المعروف ناصر الدوسري وقصته موجوده في النت ونازله يوتيوب تقدرين تشوفينها عشان يتجدد الامل بداخلك
كثري الحمد وقولي ياااااااااااااااااارب والله يجبر بخاطرك وخاطر كل ام تعاني يااارب

سامحيني عالاطاله
موفقه