ابوي مدمن خمر وعصبي وامي ماتبي تتطلق؟!!

[أم الفناتك]

الله يكون بعونكم يارب وادعو للوالد بالهدايه مهما كان هذا ابوكم سبب وجودكم والوالده الله يخليها لكم اتشوف انها صبرت كل هالسنين وبعد هالعمر تتطلق ولاتتوقعين انها اذا توفت بعد عمر طويل انها ماعاشت حياتها بالعكس اهي مأجوره بصبرها والله راح يعوضها بالاخره وانتو بعد اكيد الله بعوضكم بصبركم وبركم لوالدتكم وخلو هالضروف اتقويكم ماتضعفكم كملو دراستكم واشتغلو ونفعو نفسكم وامكم والله يوفقكم

 

[فطوم 84]

الله يفرج همكم. وتفكيرك صحيح تطلعون بشقه بروحكم وتعيشون مرتاحين وتطلق امك وترتاحون شنو هالحياه. شايب يعني مافي رجا يتغير وماثر عليكم بمشاكله الله يساعدكم وتطلعون بسكن خاص فيكم الله يسهل وييسر اموركم ويهدي ابوك لنفسه لانه وراه عذاب اذا مات واهو بهالوضع الله يهديه

 

[منيره آل ثاني]

حبيبتي أنا قطريه مثلج وحابه أقولج مافي بيت مافيه مشاكل

دايما استغفري وادعي ربج في قيام الليل ان يهدي ابوج

انا مثلج بس عكس امي قاسيه الله يهديها

ولاتنسين الدراسه بتفيدج في المستقبل

بالتوفيق حياتي​

 

[لمى الهاجري]

هلا انا من قطر ومن حقكم تشتكون عليه بالمحكمة خاصة انه يضربكم وعندكم الاستشارات العائلية روحوا ومو لازم طلاق تطلب خلع وتدفع له ويهيش بروحه وهو بروحكم

 

[تحت ظلك]

بنات هذا ابوها

لاتقسون قلبها عليه

أنا بقولج ياأختي البر يلين الحديد

بري في والدج وتعاملي معاه زين

وفهميه وخلج معاه لينه هينه

وبتشوفين شلون يتغير

أنا بس بقولج من تجربه في أشياء رغم انها متعبه ماتقدرين تفتكين منها

ولهذها اسحبيها لصالحج وتعاملي مع ابوج تعامل حلو سولفي معاه وشوفي اهتماماته ويتغير بأذن ربي

أدعي له أدعي له أدعي

والله يصلح الحال ياختج الدنيا مو مطوله لأحد فنسوي فيها الخير أفضل

 

[غراوي]

الله يهدي بعض هالعوايل
الحين امج اهيا ساس البلا من اول اعرفت انه سكير ليش استمرت معاها وجابتكم وعلتها خايفه من الطلاق
شدعوه الديره فيها قانون وبيت جدج ابو امج موجود

الحين مو وقت عتب
قولي لامج انتي من البدايه ظلمتينا مع هالابو والحين بس زهقنا ونبي نرتاح وبالقانون غصب عنه يعطيج نص البيت
اذا ماوقفتوا بموقف حازم وجدي عمركم ماراح تتغيرون وترتاحون
ومالكم حل بعدين الاتنطرون ابوج يموت

 

[Sweet Angle]

بالغلط ردي تحت هالرد ><

 

[Sweet Angle]

ادري انه اللي ابوج يسويه مايرضي الله
وادري ان العيشة ما تنطاق
وادري ان الهموم زادت عليكم وانكم تتمنون عيشة هانية مع امج وابوج

لاكن جذي النصيب وهاذا المكتوب ... عدل ؟

الحين .. سؤالي لج هل جربتوا تقومون انتي وخواتج الله يخليكم لبعض .. لقيام الليل وتدعون دعوة من قلب وتقولون يارب تهديه ..

ماتدرين .. ربج اذا أراد أن يتم الشيئ قال له كن فيـكون .. ف يمكن في ليلة وضحاها حال ابوكم ايتغير 180 درجة .. علشان جذي جربوا تدعون الله و تطلبونه انه يهدي الوالد و يسخره لكم ويجعل بيتكم عامر بالافراح و السعادة والراحة .. اللهم امييين

ومهما يكون حاولي انج وخواتج ما تعصون ابوكم ... و تصرخون عليه وتغلطون عليه .... ترى يمكن ورى العصبية ابوكم يحمل جرح كبير او حزن كبير .... هو انسان مثلنا ماتدرين شنو بقلبه مهما سوى ومهما يكون ....


الله يهديه لكم ويسخره لكم يارب ...

والطلاق مو حل بالعكس بيزيد الوضع أسوأ و باجر والله وبعد عمر طويل لو توفى الوالد او الوالدة بعد عمر طويل يارب الله يحفظهم بتتمنين لو يرد واحد منهم ولو ثانية ... المشاكل مو جذي تنحل ... فكروا عدل ياقلبي والله يسخر لكم اللي فيه الخير

 

[روانتي 12]

سلام عليكم . .

حبيبتي تبين تنقذين امج و خواتج . . ماكو حل الا انج تكملين دراستج و تتوظفين على طول . .
وبعدها سددي ديون أمج كلها . . وانقذي أمج من إللي اهيا فيه . . و أبوج . . خلي احد من خوالج يأدبه
يعني من خوان أمج . . خليه يحط حدود ان مايعتدي ع امج . . وترا طلاق مو حل . . و أبوج ادعوله بالهدايه . .
عسسسسسسى الله يفرجلكم همكم وييسير اموركم ويهدي ابوج لصراط المستقيم . . و يرزقكم الازواج صالحه الي يحبونكم و يخافون عليكم و يرزقكم اعلى الوظايف يارب .

 

[بيلسسان]

بوبه اهم شي دراستج
دامكم ماكلين وشاربين وعايشين
دراستج لاتخلينها
هي اللي ترزكم وتعزكم
اذا امج ماتقدر تتطلق لاتجبرنها هي من نفسها تتطلق ..

والله يعينكم ويعين امج
وعسى ربي يهدي ابووج