ابوي وقف مع زوجي وسبني ذبحني والله ذبحني

[ام الحلوااات]

اللـــه يـــعــــيـــنـــــج

 

[زوجة عزيز]

الله يعينج يمكن ابوج تعب من مشاكلكم بس مهما كان المفروض يكلمج بروحج

 

[لمى...]

حبيبتي انتي لاتنظرين لهواش ابوج جدام ريلج انه اهانه لج لانج راح توصلين هالشي لريلج

لو مثلا الموقف صاير العكس وريلج هاوشته امه او ابوه انتي اكيد ماراح تنظرين انه منكسر

لان اللي هاوش هو اقرب الناس لج يعني يمون لو شنو يسوي بيني ان موقف ابوج عادي واي ابو ممكن يسوي جذي

ويمون ................. ولاتبينين انج انصدمتي من موقف ابوج جدام ريلج لانه راح يستغل ضعفج

بالعكس بيني انج راح تسامحينه عشان خاطر ابوج وحاولي انج تصلحين علاقتج مع ريلج ترا مو لازم تصير مشاكل بين الزوجين

حنا ماذبحنا الا كلمة مشاكل تافهه وبكل بيت ................. خلاص مشاكل الريال والمرة يتزوجون عشان

يسوون اسرة صحية مو عشان المشاكل التافهه والزواج مودة ورحمة مو تحدي وفرض شخصيات ترا هذا مو عدوج

وبالاخير اذا كسبتيه فهذا الشي لصالحج ..............

وبث

 

[Sisyphus]

دامج دخلتي ابوج بالسالفة معناته اسمحيلي تستاهلين
و بعدين شنو يعني ابوي سند لي؟ و بنفس الوقت مشاكلكم تافهه؟
سند لج ضد زوجج؟ داشه معركة؟ يعني يرسل لج فرقة من الجيش يفركون راس زوجج بالتراب مثلا؟
اسمحيلي والله اقول هالكلام لمصلحتج و ادري انج مقهورة من ابوج بس ترى معاه حق
هذا اكبر دليل ان كلام ابوج صح لما قال دلع بنات
بصراحة واضح ان ابوج يبي يوصل لهالنتيجة
يعني يبيج تحسين ان مالج سند عشان مو كل شوي داقه شلاله و رايحة بيت اهلج على كل سالفة
مستحيل ابو يعامل بنته جذي الا اذا كان عارفها عدل و عارف عوااااابتها و دلعها

 

[انثى عاشقة]

قلبي نصيحة لاتهدمين بيتك بالعناد والمشاكل
عاندي صخر بس لاتعاندين رجال اعوذ بالله منهم اذا عاندتيهم
ابوك حتى لو صارخ عليك في النهاية هو سندك وتهمه مصلحتك
يمكن هو ماتمالك نفسه وزهق من مشاكلم عشان جذي هاوشك قدام زوجك
ماعليه انتي غيري اسلوبك مع زوجك تتغير حياتك ​

 

[أم عزيـز]

انا معاج باللي قلتيه المفروض التفاهم والصراخ والزف ما يكون جدام الزوج
علشان ما يقلل من قيمتها جدامه

عاد يابوج يصرخ عليج يسبج يطقج بس بروحكم ينصحج بطريقته الخاصه
اما جدام زوجج اكيد شي يحز بالخاطر لان في بعض الازواج الله يصلحهم لما يشوف الابو او الام يمصخرون الزوجه جدامه
اهو ما يحترمها ولا يحط اعتبار حق اهلها لانهم اهانوها جدامه

وهالشي صار مع بنت خالتي مسكينه من كثر ما كانوا اهلها يزفونها جدام زوجها ويوقفون مع زوجها ضدها
قام يمد ايده عليها ويغلط عليها لان يدري اهلها ماراح يوقفون معاها

فإنتي خلي الامور تهدى شويي وبعدين يا قلبي روحي حق ابوج وبوسي راسه
وقوليله انا بنتك وتحت ريولك واللي تبي تسويه فيني سوه وبكيفك
بس يبه لا تفشلني جدام زوجي علشان ما اطيح من عينه وما تقل قيمتي اذا شاف اهلي عزوتي يفشلوني جدامه

وصدقيني يمكن ابوج ماكان قصده بس انفعل وسوا جذي
اكيد يحبج ويخاف عليج بس ردة فعله خانته
والله يهدي الامور ان شاء الله

 

[-Bello-]

الله يهدي سركم

 

[عسل مرت قيمر]

انا مع بيتي بوب

مشاكلكم المفروض تظل بينكم

حاولي ماتطلعين اي شي حق احد


ومو كل ماصار شي رحتي حق اهلج


حلو مشاكلكم بغرفة نومكم



مو حلو الكل يعرف شلي يصير بينكم والله نصيحه

 

[You FOR Me Only]

البنات ماقصرو

 

[منال $]

انتي بنفسك بتقولي مشاكل تافهه

ليش تدخلي ابوكي فيها؟؟
واكيد ابوكي خاف يكبر الموضوع من ولا شي

انتي اتصرفي طبيعي مع زوجك وماكانة شي صار
بالعكس هيك ابوكي راح يكبر بيعين زوجك انة مع الحق ومو مع بنتة سوا على حق او باطل

 

[PuPa^^SWeeT]

مادري بس الظاهر انه السالفة تافهة مثل ما قلتي و ابووج تعب



وشايفج غلطانة



مادري انتي مالج شغل بريلج شنو يعني ماتطالعيين فييه ؟؟؟



ابوج وقف وياه و بس المشكلة تافهة


وريلج بيفكر الف مرة قبل لا توصل مشاكلكم لاهلج مرة ثانية


لأنه اهو غلطان اكييد باييبه طشار