ابو رريل رفيجتي توفى شلون تواسيــــــه :(

[زبــــــــدة]

سلااااام





بنات رفيجتي توها مالجه يعني ماصارلها اسبوع .... وابو ريلها توفى ...

داقة علي تبجي وموعارفه شتقوووله وتدق عليه مايرد عليها ...

ودزلها مسج قالها ان ابوه توفى وان حده منهاااار ...

وتسالني شنو اقووله ادق ولا انطرة اهوا يدق شنو اسوي

انا مااااااااااااااااارعف شنو اقولها ماعرف بهالسوالف :eh_s(4):

اخر عزا كان عمري 8 سنين والحين 23 :eh_s(1):


مادري شنو يقولون يعني شتقوله بالتلفون شلون تدق ولا لا ولا تنطرة اهوا يدق

انا قتلها اسألج بكويتيات واقووولج ...



قولولي بلييييييز :eh_s(7):

 

[..Ro$e..]

لاحول ولاقوه الا بالله .. ان لله وان اليه راجعون

من وجهه نظري تكلمة وتعزي عليه وتقول له عظم الله آجركم وتواسية شوي وتصكر

وتقعد بين فتره وفتره اتطمن علية يعني يحس انها واقفه بجنبة بهالفتره

اذا عادي تروح خليها تروح عزا الحريم تعزي عليهم

 

[زبــــــــدة]

المشكله انها تقول مايرد عليها عشان تكلمه ... دزتله مسج عظم الله اجرك والله يرحمه ...

ومادري شنو بعد قالتله نسيت ...

بس تقول ان لازم تقوله كلاام يخفف عنه لانه مرته فتبي تحسسه انها واقفه يمه وماتدري شتسوي ..

 

[أحبج يمه]

آنا اشوف انها تنطر عليه شوي وما تدق عليه لأن اهو بحال ما يعلم فيها الا الله

بس تدز له مسج دعاء وتعزيه

والله يرحم جميع موتى المسلمين

 

[ام الدرر]

اول شي اكيد الحين ماراح يرد عليها من الحزن وامن الحوسة اللي عندهم ناس داخلة وطالعة
خليها تدز ادعية بحكمة رب العالمين والقضاء والقدر
والصبر على البلاء
مثل
((والذين اذا اصابتهم مصيبة قالوا انا لله وانا اليه راجعون))
دعاءاول سماع المصيبة (يعني تقوله اذكر ربك وردد )
((اللهم اجرني في مصيبتي واخلف لي خيرا منها ))
تدز له ((من خلف مامات وانت وخوانك عزوة ابوك وسند امك وخواتك الحين خلك قوي عشان امك ))
تقدر تتصل على اللي يسوون كتيبات وادعية للميت وتطلب منهم وتدزهم لعنوان العزا وتبلغ زوجها بمسج او ماي زمزم
واذا وضعها يسمح تروح العزا توقف مع خواته وامه
والله ياجرهم بمصابهم ويخلف عليهم بخير

​

 

[هنـــد]

حبيبتي ماحد يعلمها شتقول لان كلام القلب غير

اتدز له مسج انا تأثرت اكثر منك وهاذي اهيا الدنيا الخ واخر المسج متى ماحسيت انك بتكلمني دق انا ناطره اتصالك

وبس

 

[أم حموكشه]

إنا لله وإنا إليه راجعون ... ماعندي رد انا مااعرف اتصرف بهالمواقف...​

 

[اغلا ناسي]

حبيبتي ترسل له مسج وتقول له عظم الله اجركم ويعوضكم خير والحمدلله على كل حال وهاذي حال الدنيا هم السابقون ونحن الاحقون والحمدلله راح لواحد ارحم مني ومنك راح عند ارحم الراحمين والله يجبر مصابكم ويرحمه ويجعل مثواه الجنه وسلامتج ترا الكلمه الطيبه تجبر الخاطر والله يرحمنا برحمته..
​

 

[زبــــــــدة]

مشكووورين بناااات

قاعده اقولها اللي قلتوه تقول ماني قادرة اكتبله ... احس مخي مشوش ... مو عارفه تصف الحجي

وانا اخس منها بعد

 

[shshoo]

كلام البنات اووك خل تكتب خل يحس انه هي واقفه معااه وطمنينا فداتي اووك​

 

[noo7a]

لازم تباشر بعزا الحريم
و اذا كان ببيتهم تقعد لي اخر شي
تنطره يوصل تسلم عليه و تعزيه و اكيد اهو بيطلع الي بقلبه لها
لان ماراح يلقى اقرب من زوجته يفضفض لها

 

[لبنة حرم زعتر]

خليها تروح عزا الحريم
واهم شي توقف مع امه وخواته
ذيج الساعة بيعرف انها واقفة معاهم و انها ماقصرت

ما عندها غير هالشي تسوييه

وبسسس

 

[" ام حمود "]

الله يرحمه يارب ..
اكيد ماراح يرد عليهاا نفسيته تعبانه ابووه هذاا مو غريب ..
خلهاا تقوم بالواجب وتوقف مع ريلهاا وتروح عزى الحرريم وتوقف مع اممه وخواته في شدتهم
ان لله وان اليه راجعووون

 

[ابي قطوة]

الله يرحمه ..

وانا مع الاخت هند

 

[زبــــــــدة]

والله اهيا حدها محتاااره ماتدري شتسوي ...عندها امتحانااات ورا بعض هالاسبوع وعندها دوام العصر

يعني حدها مضغووطه ...والله الله يعينها

 

[Queenleo]

الريال غير عن البنت
يحب بهالموااقف يكوون شوي برووحه
وخصووصا انهم بعد مااطاحت الميانه بينهم فيستحي شوي منها

اهيا خل اتدززله مسج ووتقووله اووكي حبيبي عظم الله اجرك ووالله يغفر الله ووبليز طمني عليك وودق علي باي ووقت ناطرتك
ووبس
لااتشكل على راااسه

وخل تقوم بالواجب مع امه وخواته
توديلهم الغدى ووتقول بالحريم
ووتوقف مع امه
عشان يذكروونها جدامه وويعرف انها ماتركته وطنشت فيه

 

[BlackRose]

لازم تأجل كل شي وتروح تقعد بعزا الحريم

وما تترك امه وخواته

ولمن يرجع بالليل تقعد عنده تواسيه وبعدين ترجع بيتهم

اهوا اكثر لحظة محتاج لها فيها الحين ما يصير تتركه

 

[شندوخه]

تروح بيتهم مع امها وخواتها مع بروحها او معاج لان قريت موضوع ثاني انها بتروح معاج وانتي ماتعرفينهم
وتعزي امه وخواته وتنطر تعزي ريلها وتقوله عظم الله اجرك واخر الاحزان

 

[law love]

لااااااازم تروح العزا و امها لازم تروح و تقعد بالعزا خلاص صارو اهل حتى خواتها لازم اعزونهم
و اخوانها و ابوها كلللهم

حتى خالاتها و عماتها لازم اروحون اقومون بالواجب

و خل امها على يوم اتسويلهم غدا او عشا هاذي عوايدنا

و اهيا تكتفي بمسجات الادعيه حق ريلها

و تنطره فبيتهم عشان اتعزيه

و الله يرحمه و يمسح على قلوبهم ياارب *

 

[المرعوشه]

الله يرحمه ويصبرهم والله يبعد عنكم الاحزان