ابى خبراتكم بالنقلة حدى متوهقة ساعدونى

[ساندى]

انا بنقل لشقة :eh_s(16): وعندى عفش ومخازن واكبات العيال ومحتارة حدى :eh_s(16): بشنو ابدأ بالاكبات اول وبعدين الملابس وزوجى يقول لا اول الملابس نوديها بعدين الاكبات واللة انا بهم شلون ابدا النقل وشلون ارتب شنو اهم شى بشنو احط الاغراض حدى غشيمة :eh_s(10):
طالبتكم اللى ناقلة اغراضها شنوخبرتج بالنقل شلون رتبت ونقلتى

اللة يخليكم اللى مجربة النقلة تعطينى خبرتها بشنو تنصحنى

 

[هدوي]

هلا ياقلبي الله يعينج ان شاءالله

اذا بتاخذين اثاثج معاج خصوصا الأكبات عندي لج فكره اذا في جرارات غلفيها بأجياس بس يركبون الكبت تشيلين الجيس وتحطين الجرار بمكانه والهدوم فيه

وعندج الكراتين يعني كرتون كبير حق ملابس ولدج...

كرتون حق أغراض دارج ...وتكتبين على كل كرتون محتوياته.... وتتسهل أمورج​

​

 

[^^ ريان^^]

اولا مبروك الشقة اليديدة

ثاني شي أبتدي أفررزي أغراضج عدل عشان مايكون قشج وايد وتصدقي باللي ماتبينة
دخلي غرفة عيالج وصفطي الملابس اللي تبونها بصناديق كبار أوكي وبطريقة مرتبة وكتبي محتويات كل صندوق مثل ماقالت هدوى يعني الملابس الشتوية بصوب والملابس الصيفية بصوب وهكذا خلى شغلج منظم
وشيلي اللي ماتبينة وحطية بكيس ودقي عالجنة ياخذونة
الألعااااااااب فرزيها عدل شوفي الشي اللي يستاهل وأخذية أما الالعاب اللي ماتسوي قطيها والمكسورة قطيها لاتكثرين منهم ترى يزحمون المكان وحطيهم بصناديقم الشفافة

الشرشف صفطيهم مع بعض مه الفوط مع الكفرات والبطانيات بعد ماتودينهم المصبغة ويلفونهم لج بأجياس

خلصنا من غرفة عيالج بس باقي يفكون الاثاث وشيلونة

سوي نفس الشي لغرفتج

ملابس فرزيهاااااااا عدل وصفطيهم بالشنطة مالت السفر
ملابس الداخلية وبجامات البيت والملافع وكل شي بالشنطة
ملابسج الطلعة والملابس الكشخة اشتري اجياس تلبيستة عرفتيهم ولبسيهم بعلاقاتهم ماله داعي تسفطينهم وعلى الكبت على طووول
مكياجج كلة بشنطة كبيرة تلاقينها عن سنتر بوينت
واكسسواراتج كلها حطيها بشنطة بلاستك المقسمة
وعطوراتج بصناديق صفيفهم مع كريماتج وامشاطج والخرابيط الثانية
اللحين الغرفة فاضية شيلي الابجورات والاكسسوارات ولفيهم عدل بورق وحطيهم بصناديق وخلصنا من غرفتج

اللحين روحي للصالة شيلي الاكسسوارت واللوحات اللي فيها ولفيهم عدل عشان ما ينكسرون ويصناديق حطيهم خلصنا من الصالة

روحي المطبخ والله يعينج على حوستة
هذا يبلة فررز عدل
المقلاصات المتشابهم مع بعض الشغلات اللي تجي فردة وحدة قطيها
القفاش السكاكين المرعق بجياس صغار ولفيهم
صحون لفيهم بورق عشان ما تكسروون وهكذا حطيهم بصناديق وكتبي عليهم

والله يعينج حوسة بس ابتدي بغرفة مع التنظيم راح ترتاحين

 

[الأماكن]

ألف ألف مبرووووك الشقة الجديدة ياعساها شقة مباركة
و عمر الله بيتكم بالإيمان و طاعة الرحمن

و العايدة لي إن شاء الله

شوفي حبيبتي....أنا مجربة النقل مرتين...بصراحة ماألوووومج حوسة و حويسة و عفيسة
قبل كل شي روحي إفتري بالجمعيات دوري لج كراتين..و إذا عندج صناديق الحديد الكبار اللي الخدم يودون أغراضهم شحن عليه هم زين أنا سويت جذي و سهل علي لم الأغراض
وسوي مثل ماقالت الإخت ريووف كلامها كله صح100%
آنا سويت جذيه..
وممكن تادين خواتج يساعدووونج
أما الأثاث لا تشيلين همه العمال بيشلووونه
بس لازم توصوونهم بالحرص و هم يشيلووون
لإن مرة لقيت مكتبة التلفزيووون مشمخة
وبس
و إن شاء الله ما تحتاسين و لا تشيلين هم
المسألة كلها شوية صبر ونظاااام

 

[نظـــرات حـــائرة]

ريوف ما شاء الله عليها ما قصرت ...

الله يعينج ان شاء الله ...

 

[ساندى]

ياهلا فيج هدوى :eh_s(9): شكرا على تلبية النداء ماقصرتى يالغالية:eh_s(17): بسوى مثل ماقلتى لا خلا ولاعدم


ريوف ياهلا واللة>>> اللة يبارك فيج ياقلبى :eh_s(21): ماقصرتى واللة انج اسعفتينى بالشرح الطيب خففتى على هم النقلة وانشاللة بسوى اللى قلتية الحين بفرز واكثر الملابس صفيتها مع الصيف واللة انى حيل متخربطة بروحى <<< لاخلا ولاعدم نخدمج بالافراح:eh_s(17):


ياهلا واللة بالاماكن :eh_s(9):>>>>> الاماكن كلها مشتاقة لج
اللة يبارك فيج ياقلبى وانشااللة العايدة لج بالبيت السعيد اللى تهنين فية قولى امين:eh_s(6): شكلى بطرش الخدامة اللحين للفرع تلم الكراتين وتوصى الهندى يجمع لنا وتوصى البقالة تحفضهم لنا واللة يعين صج راسى يعورنى من هم النقل البداية صعبة صعبة يابعد عمرى يالاماكن مشكورة ياقلبى :eh_s(21): نخدمج بالافراح والليالى الملاح

الياسمين يامرحبا ومسهلا ماقصرتى ياقلبى :eh_s(21): بخدمج بالافراح والليالى الملاح

 

[bnt_kwt]

اول شي مبروك على الشقه اليديده وعساه منزل مبارك
ثاني شي الله يعينج عالنقله والتعب
انا ما صار لي شهر من نقلت وصج طلعت روحي ولي الحين تطلع لي تناتيف

طبعا البنات ما قصروا بشي بس انا بقول لج اشسويت بالضبط

انا اول شي يمعت الكراتين الكبار ملوت الكلينكس تلقينهم بالجمعيات تقول حق اي عامل يطلع لج

وشريت تيب لزاااااااق قوي

واول شي بلشت فيه المطبخ لانه مثلج عارفه المطبخ دثرته وايد مواعين واطباق وقلاصات وجدور والله يعين شلت اغراض المطبخ كلهم بعدين افتريت على باجي اغراض البيت واخر شي شلت ملابسنا انا وريلي وتعرفين بشنو حطيتهم الله يسلمج رحت سوق شعبي وشريت الجناط الكبار اللي مكتوب عليهم رحله سعيده خذيت منهم 8 على دينارين او دينار ونص هالمحاري حطيت ملابسنا والشراشف والفوط ولا يحوشهم وصخ ولا غبار ولا شي

والكراتين كل كرتون كتبت عليه يعني اللي فيه كتب
واللي فيه افلام

واللي فيه منظفات
واللي فيه مكياج

واللي فيه قلاصات وصحون كتبت قابل للكسر
والأثاث على شركه النقل ( نقل عفش الله ما كثر غيرهم )

وعقب ماركبوا اثاثي وكل شي قمت ارتب وما تعبت وايد لاني كل شي فارزته بروح

وانشالله تعجبج طريقتي

 

[انا كويتية]

ماشالله ريوووف سنعة وماقصرت بس عليج بصناديق الهنود الكبار من سوق الصفافير ... كبار ورخاص ويشيلون

 

[@ دهن العود @]

البنات ما قصروا كفوا ووفوا بس دخلت اسلم عليج يا قلبى

واقووووووووووولج مبروك الشقه اليديده والله يعطيج خيرها ويكفيج شرها

 

[ساندى]

ياهلا بنت الكويت:eh_s(9): اسعدنى مرورج الطيب والاهم اسعدنى ردج خففتى على هم النقلة مشكورة لاخلا ولاعدم:eh_s(17):



انا كويتية ياهلا فيج:eh_s(9): اسعدنى مرورج انا قمت ازهب كراتين :eh_s(15):


حياللة دهن العود:eh_s(9): شلونج ياقلبى يسعدنى مرورج واللة يبارك فيج ويهنيج بالسعادة وراحة البال وعقبالنا كلنا بالبيت ياااااااااااااااااااارب:eh_s(6):

 

[* مـذهـلـه *]

مبروك حبيبتي و يا جعلها شقه مباركه ..

ليش تعبين نفسج فيه شركه تدقين عليهم يجون يشيلولج كل شي و ينقلونه لج ما عليج الا انج تاخذين هدومج و هدوم زوجج و عيالج و تطلعين كل شي يسوونه و حريصين حيل الاشياء القابله للكسر يلفونها لج و يحطونها بكراتين مخصصه و شغلهم حيل حيل منظم و مرتب انا مجربتهم رووووعه و حتى لما تروحين شقتج يدخلون كل شي مكانه و يحطونه لج و الاجهزه الكهربائيه يركبونها لج و يشغلونها و حتى التلفزيون يحطونه و يركبونه لج يعني ما تتعبين بس ملابسج و تطلعين ..
​

 

[ساندى]

ياهلا فيج مذهلة:eh_s(9): شلونج ياقلبى انا دقيت عليهم من فترة وطلعو غالين حيل سيارتهم صغيرة ويحاسبون عالدرب ويحاسبون على التغليف بعد انا تقريبا قاعدة مع الخدم نرتب شوى شوى واللة استفدت من الخوات اللة يجزاهم خير واللحين بدق على شركة تنظف الشقة وتلمعها علشان نودى الاغراض واللة كل ماخلصت من شى يطلع شى جديد :eh_s(22):

مشكورة يامذهلة ياقلبى انا:eh_s(6):

 

[ام الدلال]

الله يكون بعونج وبصراحه خوش اقتراحات من البنات عساهم علي القوه

 

[ساندى]

ام الدلال اسعدنى مرورج ياقلبى