ابيكم تقولون لي شنو تفسرون من حركات ام ريلي!

[الكريستال]

اللي مو بالسالفة بيقول ماتسوى ومكبرتها
بس انا حاسة فيج خو الياهل ما يبي ياكل اللعبة بيلعب ويردها ولا ماخذ من مكان غريب ببيتهم
وصعبة تحبسينه يعني ياهل يبي يلعب
بس احسن حل اللي قالته الاخت اتكلمين مرت حماج تقولين له السالفة وان اي وقت بقول انا قايلتلج بيلعب فيها واردها شقتكم
مو مت زين الدفتر بس ياهل مرات يعلق على شي تافه وما ودج تكسرين فيه خصوصا من نفس البيت لو برا يمكن تفهمينه مو بيتنا بس جذي صعبة
والله يرزقكم ببيت خاص فيج يكون مملكتجويلعبون فيه عيالج على راحتهم

 

[بدووره الامووره]

بنااات انتو مو فاهمينها اهي قصدها ان ليش تفرق بين ولدها وعيال حماها
ثاني شي حبيبتي مايجوز تغلطين ع خالتج ام ريلج هذي يدة ولدج ولها الحشيمة مثل ما انتي ماترضين ع امج حتي ريلج مايرضي ع امه
انا اقول اكسبيها مره عوده ويمكن تغار منج ع ولدها
وبالنهاية اقول الله يعينج ويهديكم لبعض ..

 

[ElN00R]

عسا مو تراقبين كلمه كلمه ترى مب زين لصحتج طنشي

 

[هيفاء 966]

لا تنزلين ولدج كل يوم. طلعي وياه برى البيت

 

[دلوعه ناعمه]

انا قايله من زمان اول رد بالموضوع كلهم يقولون نفسه يعني لو اول وحده كاتبه لا مايصير وجذي جان كل اللي ردوا نفسها اللي تقولج لا انتي الغلطانه تلاقينها مسوووووووووويه زووود بس هواله والموضوع جدد يغث ليش تفرق بين ولدج وعيال ولدها الثاني. خووو كلها اللعاب من ابو ميه يشترون درزن دفاتر واقلام والصراحه الغلط ع عمتج كلهم يهــال ووو عاااادي واصلا عيب تقول مالتكم ومالتنا انا اقول عامليها زين وعطيها ع قد عقلها ووحطي اللعاب ولدج عندج واذا زهق وديه بيت اهلج عند عيال خواتج واخوانج ابررررك

 

[- BambeNo -]

أنا معااااااااااج عيب عليهاااااا بصراحه وبعدين كلهم أحفادها شهالمعامله !!!!!
فديته ياهل كيف يهون عليها يسحبون الدفتر او اللعبه عنه
شكلها ما تواطنج .. اشوف تعاملينها برسميه وماتحتكين فيها وايد والله يكفيكم
شرهااااااااااااا..

 

[ام الاسيرالشهيد]

ابنتي الفاضله احترميها كاحترامكِ لزوجكِ
واصبري وعامليها برفق
وقولي لها ان هذا طفل ولا يعيي شيء

 

[زوجة عزيز]

الله يعينج مابترتاحين الا اذا طلعتي بشقه بعيد عنهم

 

[البسمه العذبه]

الله يهدي مابينكم ويسخرها لج عليج بالدعاء وبسيطه ياختج لازم تحملين ​

 

[حلـم لــم يكتمل]

قلبي ترضين على مرة اخوج تقول عن امج نسره ومثل الثور الهايج؟؟!
عاملي خالتج مثل ماتحبين حريم اخوانج يعاملون امج
زين قالت لج هذي اللعبه مو لعبتكم شفيها ؟ قامت القيامة مثلا
يعني عشان العيال لايتهاوشون ويه بعض
انا خالتي عسى الله يرحمها ياااااااارب قبل لاتوفى عندها بنت تسوى الدنيا كلها حتى بناتها يعن حمواتي والله العظيم لاشافوني نزلت وبنتي معي مباشره قالوا يوووه بنت فلان جت لااحد يكلمها ترى امي الحين تطردنا عشانها ويضحكون بالعكس والله لايسوون منها سالفه ولا شي
والحين عقب ماتوفت عندي حماي اصغر من زوجي كل ماشاف عيالي تحت قال اذا شفتم تحت بقص رجولهم وكل ماسمع صوتهم طلع وقام يهاوش وكافي ازعاج واصوا مع ان عيالي 24 ساعه بشقتنا ماينزلون الا اذا ابوهم نزلهم
وانا اطنش ولاجني سامعه شي وبعد جم دقيقه يجي ويطق الباب ويعتذر ويجب لهم كاكو وحلويات والعاب يقول والله عشانج لانج ماقلتي شي كسروا خاطري العيال
مايخالف قلت لج قصة حياتي بس المعنى انج اطنشين اطنشين والله العظيم راح تكسبين الكبير واصغير بالتطنيش وترى هم يهال باجر يكبرون وينسون ​

 

[حلـم لــم يكتمل]

ابييييه نص كلامي بدليات
شسوي من الكيبورد خرباان ):​

 

[إم بــــرٍآك]

طنشي

 

[حلـم لــم يكتمل]

ام ريلج مو صاحيه شكلها مخرفه بس لو انا مكانج اكرهها عيشتها اجلطها

اعوووووووذ بالله منج
لاتنسين الدنيا دوراه ويوم لج ويوم عليج
اذا كنتي متزوجه الله يعين خالتج عليج
​

 

[الجوهرا]

والله ضصحكتيني لما قلتي تبي القلم ومكسور بعد هذي عقلها صغير ولاتنزلون اغراضكم وقولي لودج لاتاخذ شي من تحت

 

[om-3azo-83z]

كنت بقول نفس كلام المسك بالضبط

 

[هيبة ملك]

ليش مكبرة السالفة

لاتخلين ولدج ياخذ اي شئ مو له مهما كان بسيط

 

[خاتم ذهب]

شتسوين فيها بعد الله يهديها سالفه تغث صراحه يعني ماادري ليش بعض البنات يهاجمون العضو اللي تكتب مشكلها وتبي تستفيد من اراء العضوات الله يهديهم بس
وقت اللي تنزلين نزلي العاب ولدج معاج كل شي تلوين ودفتر والعاب سيارات وكره علشان تفتكين من المغثه

 

[@شمس الضحى@]

ام ريلج مو صاحيه شكلها مخرفه بس لو انا مكانج اكرهها عيشتها اجلطها

استوووقفني هالردد:eh_s(10):
لاحوووووووووول ولا قوووووة الابالله العلي العظيم :eh_s(1):
مدري شقوول لج عيييييييييب ولا الله يهدييييج :eh_s(4):
ترضين مرت اخووج تقول هالكلام عن امج...........

 

[njoom1]

طاف شتسوين بعد !!!
بعدي عنهم واذا نزلتي نزلي ولدج معاج ... واذا انعاد الموقف مره ثانيه قولي انشالله وانسي
والله يعينج الوحده ماترتاح الا لما تستقر فبيتها

 

[njoom1]

اللي تقول لاتخلين ولدج ياخذ اغرض غيره
ليش اهي تدوس تدقمه بمخه ويسمع الحجي؟؟؟
انا بنتي عمرها ٣ سنين والله لو اتحجي مني لي ياجر ماتسمع الحجي وتسوي اللي تبيه


وياهل عن ياهل يفرق !!!