ابيكم تنقذوني شسوي معاها..

[إنسانه وأكثر]

السلام عليكم ورحمة الله وبركاته

خواتي حبيباتي

حبيت تساعدوني بشغله اللي اهي

معاي بنت بالدوام وبنفس مكتبي مضايقتني بريحتها انتوا عارفين شنو يعني ريحتها

لاتفرش اسنانها ويمكن ماتتسبح تأذيت عيوني كله تدمع وراسي كله يعورني والسبه الريحه القويه ومفعول البخور يروح بسرعه

ياريت تقولولي شسوي معاها ودي اكلمها بس اهي نوعها ماتتفاهم لسانها سليط اللهم ياكافي شســـــــوي


ترى جد فيني بجوه مااقدر اتحمل

ياربي لاتبلينا ياااارب هذا ابتلاء مسكينه بس لازم اكلمها او اوصلها انه فيها شي غلط


ساااعدوووني

ومشكوووورين حبيبات قلبي


موفقين

 

[nezgha.85]

إذا ما تبين تكلمينها حطي كتبي لها ورقه وحطيها على المكتب وما تدري ان منج وعشان لا تعرف خطج طبعيها ..واللـــــــــه يعينج

 

[قطوه دايخه]

رد : ابيكم تنقذوني شسوي معاها..

وااااااااااااااااي ذكرتيني بوحده معاي بالداوم بس الحمدلله مومعاي بنفس المكتب بالمكتب أللي قبالي قسما بالله تدري شنو ريحتها تكرمين تقولين ياهل موصخ حاولنا وحاولوا البنات يوصلونها شهالريحه يبنالها هدايا طقم عطورات تروح تعطيهم خواتها شنو انسويلها فيه الناس اللهم ياكافي ماتفهم بس شووفي أنتي أذا لج ميانه مع البنيه قوليلها فلانه شنو عطورات تستخدمين قوليلي نازل مزيل عرق من ريكسونا سبراي وفيه بودر ماجربتيه علي أبو أنها تفهم بالعطورات نفخيها شوي خليها تولع بهالأشياء ويمكن فيه أمل أو بطلي الدرايش أو ماتيين الصبح وقطي مثل انغزه واااااااااااي فيه ماي وصابون انا كل صبح أقول جذيه لما أشم ريحه وعادي رفيجاتي مايزعلون يدرون ماطيق الريحه الخايسه

 

[pretty sarona]

الله يشافيها و يعينج

 

[ام الدرر]

اذا كنتي بروحج معاها بالمكتب صعبة
اما اذا كنتو وايد
طبعي رسالة ان الوحدة لازم تتسبح يوميا وتستعمل الديودرانت ومعطرات الجسم ولازم تغير ملابسها يوميا
والملابس الداخلية اكثر من مرة باليوم
ولازم الفرشاة والمعجون الصبح واذا تعاني من ريحة بالفم تستعمل الغسول والمعطرات
يعني من هالكلام
وحطيها على سيارتها او بجنطتها
او ممكن تاخذينها بالسياسة وتقولين لها انه الكل قام يتكلم ويعلق على هالموضوع
وفي بنت ناويه تكلمج بخصوص هالسالفة فانا ما رضيت احد يجرحج بالكلام وبينت لهم انج تعانين من هرمونات وشي جذيه
وقلت لهم انا اكلمها ماله داعي احد يجرحها
بس انا افضل الرسالة لان بيكون مافيها احراج لها​

 

[shak!shoka]

رد : ابيكم تنقذوني شسوي معاها..

ههههههههههههههههههههههههه

امبيه والله الله يكون بعونج

ويع كلش ولا هالسالفه

قولي يا فلانه اشم ريحه قاتله المكتب فيه بلا

استعبطي
يمكن تحس على دمها
يبي معطر جو وخليه يمج
ورشي كل شوي قوليلي تشمين الي اشمه ولا لا ؟

 

[يـونـيـك الغـلا]

الله يشافيها يارب ....

حبيبتي حاولي تكلمينها تيبينها بطريقه حلوه بينج وبينها ...

قوليلها اسم عطور شي حلو واهيا ان شاء الله بتفهم ...

 

[i'am THE ONE]

رد : ابيكم تنقذوني شسوي معاها..

تري اللي مسحور او معيون او مس يصير فيه جذي

 

[للزين هيبه]

هههههههههههههههههههههههه

اعووذ بالله يارب لاتبلاانا

قبل اختي كانت بالثانويه

عندهم مدرسها اذا حضرت الصف البناات يحوووشهم ربــو


استخفوا من ريحتهاا

اخر السنه جابوولها كرتوون

فيه صابون +شامبو+ديوودرن+بودر= شيـره

خخخخخخخخخخخخخخخ


امبيه فشله

واول السنه البنات يقولون اختفت ريحتها

الظااهر ناسيه نفسها استغفر الله من كثر الدوامات والجهال والتعب

تنسا وماتشم نفسهاا

 

[ريمي اميري]

رد : ابيكم تنقذوني شسوي معاها..

ياربي استغفر الله واتوب اليه ........ طيب ليه هي مو تصلي الي تصلي طبيعي بتتوضى وتتنضف قبل الصلاة
اعوذ بالله حتى انا ما احب هيك احرااااج صراحه ياربي يشفيها ولا يبتلينا ,,
مره كانت عندي حصة على ثتني ثانوي تخيلي كبااااااااار يعني واوقف بنت منهم على السبوره عشان تحل ولا تجيني الدوووووخه بغيت اطيح من طولي واقسم بالله ما اكذب ريحة جثه ياربي استغفرك المهم البنت شخمطت شخاميططط ومو صح بس قلت لها ايه تكفين روحي مكانك بس افففففففف ولله صعبه شتقولين "" اصغر عيالي هي عشان اقول تحممي ""
بس انا اقولك اذا هي شرانيه لا يامعدة لا توديك بداهيه شوفي احد ثاني يمون عليها يكلمها وعلى قولت الاخت تكلمولها بالعطور لعل وعسى تفهمممممم ,,

 

[ktkota_we9we9]

سولفي معاها عن شاور جيل وقوليلها استخدميه يوم وترك عجيييب يسوي جذي وجذي عطيها سامبلز p;
خلطات تروح الروايح الكريهه جذي
دوري بالنت و سوي روحج تبحثين فيه واقري الموضوع معاها
قوليلها اختي رفيجتي اي شي تعاني من الريحه واستخدمت هالحل اي شي

 

[ORKDI]

قولي سالفه من خيالج

اهو مو جذبه بس نصيحه بطريقه غير مبشره

اوي يمدح شيره الصالون كذا

الديودرينت اللي انتي تستعمليه امدحيه على انه رفيجته اللي من خيالج

اهي قالت لج عنه واي تقول فلانه الديو الفلاني يهبل ما تعرقين كلاش

وفي بعد وااااااي امي شرت عطر امس حق الجسم يهبل

واي اختي قالت لي عن ماي الورد البخاخ للجسم عند الحواج يهبل

خالتي تقول عن زيت اللوز مو طبيعي يهبل

عمتي تقول البخور الفلاني حلو

اعرف وحده تخيلي شنو مسويه ليزر بس مو حق الشعر حق التعرق

تقول انه اهي تعرق واجد تعبت من هالشي

سوت ليزر التعرق في عيادة جلديه

وطبعا كل يوم قولي سالفه سالفتني سالفه سالفتين

خلي كل سوالفج عطور شامبو صالونات شيره ليزر شعر ليزر التعرق

لما تحس تشم ريحته

الله يشفيها

الحمد الله وشكر

 

[︶ м!śş ęţịκịţ︶]

الله يعينج واللهـ

 

[tbola]

رد : ابيكم تنقذوني شسوي معاها..

البنات كفو ووفوو

:d

 

[Tom ♥ Jerry]

إذا ما تبين تكلمينها حطي كتبي لها ورقه وحطيها على المكتب وما تدري ان منج وعشان لا تعرف خطج طبعيها ..واللـــــــــه يعينج

:ggdw:


صج مآكو الا هالحل !
واي ليش ليلحين في بنآت جذي !
اشدعوه مآ يعرفون حق نفسهم استغفر الله
شلون تتعامل مع الناس و اهي فيها ريحه
بس المشكله اذا كنتي انتي وياها بروحكم بالمكتب
و حطيتي الورقه على طول راح تجك فيج !
و مو حلوه بحقج بعدين و الله مآدري شقولج صج سالفه تعقد !

 

[توفـــا]

اانتي بروحج معاها ولاا معااااااااااااااج بناات ؟؟

 

[aṕriliå]

رد : ابيكم تنقذوني شسوي معاها..

الله يعينكم

مثل ماقالوا البنات ياسالفة الورقة او تجيبين سوالف اطقم الشور وجذي

,

 

[mf6nt el3lat]

الله يعنيج..!؟

يعني ان سكتي اختنقتي
وان تكلمتي جرحتيها وسببتي لج مشاكل

..!؟

بس احسن حل انج

تطبعين لها الورقه اوكي بس خليها بجنطتهاا
ومو بدواام ديري بالج هالنوع والله تصايح تقول منو اللي عطتني اياها ومن هالكلام لا خليهاا بنهاية الدوام او بدرجها
وانتي ماوصيج افتحي الدرايش

والله يعين

عاد انا بالصف عند البنات


يااااااااااااااااااابوووووووي يا الريحه تنصرعين لول
بس احنا ع الاقل بس عندنا بنيه لها ريحه نرش عليها معطرات جو كل ما مرت خخخخ لين درت وحست
وريحتها شوي صارت زينه

 

[جوانا2011]

رد : ابيكم تنقذوني شسوي معاها..

يا خواتي كل اغلب الحلول سليمه بس فيه شي مهم نسيتوه يمكن الادميه عندا مرض .. يمكن انها تهتم بس موبيدها انه رايحتها قويه الله يعافيها ولا يبتلينا..انتي يقلبي حطيلها الورقه في الشنطه على نهاية الدوام علشان تقرها في البيت على راحتها ولا تحس بالفشله لو قرتها في الدوام

 

[ام محمد 2007]

رد : ابيكم تنقذوني شسوي معاها..

الله يعينج صراحه


انا لو بمكانج اييلها بطريقه حلوه وذربه من غير احراج


اقولها انتى بمقام اختي وما ارضي عليج

حبيت اقولج انه هالشى مو زين ولازم تهتمين بنفسج وبريحتج

ااول شى عشان الناس ومن ثم نفسج الناس مالهم ذنب صراحه


وعاانج الله عليها وعلي لسانها


يعنى مكسوره وتبرد

اول مره اشوف جذى