ابيه للحين طاقتني البوهة من اللي شفته !

[LuLiTa]

سلااام :eh_s(22):​

بقولكم اليوم عن موقف صار لما كنا بـ السوق ... كنا طالبين وجبات تيك اوت و اكلناهم بـ السيارة و انا ظل من وجبتي البطاط لاني فولت و انسدت نفسي من الصمونة ... فـ عزلت الزبايل عزكم الله بـ جيس ...و خليت بطاطي بـ نظافته في جيسه ... عاد مرينا ماركس سبنسر السالمية و صفطنا بـ المواقف اللي يكونون من ورا عند المارينا بـ موقف عند الخمام بـ الضبط .. عاد انا قطيت الزبالة داخل الحاوية بس جيس البطاط خليته بره على صوب ....و نزلنا تسوقنا و انا اول شي خلصت جان اطلع من السوق و اروح صوب السيارة ... و انا بـ نص الطريج من بعيد شفت بين سيارتنا و اللي يمنا واحد اسمراني لابس تيشرت ابيض و بنطلون رمادي و قاعدة القعدة العربية عـ الرصيف و قاعد ياكل شي صغير و معطيني ظهره .. انا عبالي انه سايق و ناطر معازيبه و هم كنت شاكه يكون من جنسية عربية .. ما اهتميت له جان اطق فوق تحت و اروح عند راعي البرد اشتري ماي ...​

عاد لما خلصو اهلي رحنا كلنا للسيارة ... و انا لاحظت انه الاجياس اللي قطيتهم مو على حطتهم .. يعني الجياس مبطلة و الاغراض منثرة حتى جيس البطاط كان مشقق و فاضي !!! و العفسة عفسة بني ادم شاق الجياس مو شغل قطاوة !! ​

اهني انا استوعبت انه الريال كان ياكل البطاط مالي !! و علي
عليه كسر خاطري :eh_s(2):.. تحسفت اني ما كملت طريجي حق السيارة عشان اشوفه اذا محتاج شي او يبي شي :eh_s(16):... ​

امبيه ما تصورت انه ممكن يكون في ديرتنا ناس مو لاقيين ياكلون و يدورون فـ الحاويات ... يعني اصدق انه هـ السوالف اتصير في دول بره لاني شفت بـ عيني .. وكنت اسمع قصص انه هـ الشي موجود بـ الديرة لكن الحجي شي و الشوف بـ عيوني شي ثاني ... ابيه للحين طاقتني البوهة من اللي شفته ! ​

 

[أإلع ـشق دلع ـهـأإ]

يآقلبي

يمكن جوعآن ومآعندي شي يآكله .. أو شآف البطآط وأشتهآه

عسى تكون صدقه لج يآآرب

 

[زوجة عزيز]

وعليه كسر خاطري اشلون جذي ؟

 

[منو انت]

صج في ناس تحصلين الماي عليهم بالحسره عسى الله يرزقهم يارب ويرزق الجميع

 

[.. آبيك لي ..]

يَ ربيييـه
قآعده آتخيل كسسر خآطري معقووله من آلديره ؟

آلله يفزع لكل محتآج يَ رببي

 

[الأيـــام]

الله يعين .. عسا الله يحسن احوال المسلين

ويرزقهم ..

 

[LuLiTa]

ما قصرتو بنات .. و انا متحسفة لاني مو طالبه الوجبة الكبيرة جان عـ الاقل نصيبه صار اكبر

 

[فيونكه..~!]

ي قلبي حزني ..,

الله يععينه ةة

 

[! هُوْ وِينِه !]

يآ عمري أكيد جوعآن
وأغلب آلنآس بس فآلحين بآلتبذير حرآم

 

[شغآف الروح]

يـآحرآم الله يكـون بعونهـم يـآرب

لو نتصدق علي النآس اللي ديرتنآ هم آولـى بصـدقة ...,

 

[@ كويتيه @]

يَ ربيييـه
قآعده آتخيل كسسر خآطري معقووله من آلديره ؟

آلله يفزع لكل محتآج يَ رببي

مي تووووو

 

[ϻʟǎƙ ཞǿ7ყ*]

آلله يگون بعونهمم !¡|~

 

[~.ąvȍƈaȚ.~]

حرااام

والله بعض المرات يأنبني ضميري

ناس مو لاقيه تاكل... و احنا ماركاتو كماليات و كل شي متوفر عندنا اهمها البيت و المسكن و الملبس و المأكل و موو عاجبنا و نبي أكثر صج طماعين

هالمناظر محتاجين نشوفها عشان نحمد ربنا زيادة على النعمة اللي احنا فيها مو نتفقق و مو عاجبنا و كل ما خذينا نبي زيادة


الحمدلله و الشكر على النعمة

الله يعطيه انشالله

 

[مس قطريه]

الله يعطيه ان شاء

 

[تباعدناااا]

:eh_s(2)::eh_s(2)::eh_s(2)::eh_s(2):

 

[NORO]

الحمدلله عالنعمه احناا اذا ماكلينا من احسن المطاعم قمنا نتحلطم علي عيشتنا

زين تسوين والله يرزقج بأكثر من هالبطااط وتتصدقين فيه

ماقصرتي والله يرزقه

 

[Ray.Bana =$]

واااي حرااام

الله يكون بعوونه

 

[AROORA]

الله يصبره ويعطيه

 

[- BambeNo -]

:eh_s(11): كسر خاطري..
الله يرزقه من حيث لايحتسب ..
خذيتي فيه أجر..:rerrerek:

 

[miss $_$ semsem]

يا حيااتي والله عور قلبي

عساه الله يسهل عليه حياته