ابي آرائكم فرنسا وبعد

[om wahabi08]

صباح الخير
انا اول شهر 5 بروح باريس ومن باريس ودي اسافر دوله ثانية ، برايكم وين اروح غير لندن؟
على فكره ترى بس انا وريلي يعني تقريبا شهر عسل يديد فللي عندها اماكن رومنسية تعلمني في باريس وغيرها

 

[nanosa78]

ااااااااااااه باريس دقيتي عالوتر الحساس , باريس مو مالت يهال ياحلو التمشي بالشانز بالليل ولا ايفل وليتاته وغير وغير وايد احبها بس مو بالصيف.
حبوبه تقدرون تروحون بلجيكا مدينه اسمها بروج بالسياره مع باريس فيجن تضبطونها مع الفندق تسالونهم بس الطريق طويل 4 ساعات بالسياره ,اهي مثل قريه فيها سوق وبحيره ومحلات كاكاو وين ما تمشين
او بالقطار تروحون لبروكسل اللي هي عاصمة بلجيكا ,واتوقع لهولندا , دخلي على موقع اليورو ستار وراح تشوفين الرحلات اللي تطلع من باريس وين وجهتها ومنها تعرفين الدول اللي تقدرين تروحين لها من باريس اذكر اسم المحطة (حارد دي نورد) مالت باريس
والله يسهل رحلتكم يارب

 

[om wahabi08]

بعد قلبي مشكوره على الرد الحلو
وعلى فكره انا ادلع بنتي ننوسه

 

[كعبية]

عليج بالف عافية والفال لي انا من عشاق باريس اموت فيها روحي بلجيكا عجيبة وبعدين هولندا ويم هولندا لندن لا تحاتين الطريج كافي المناظر الطبيعية اللي تزوغ القلب موفقة عزيزتي