ابي اتعلم اللغه الانجليزيه بطلاقه....

[A7bni_1]

للرفع

 

[طالبة1990]

والله حبيبتي مادري شقولج

بس انا كللش سالفة المعاهد مو هاضمتها

احس مو شي

يعني لو نقول معهد طول العمر وقعده وسوالف بالانجلش نفس الدوانية ممكن

اما قاعدة ع الكرسي وواحد فوق راسج يقرق احس مو شي

اوكي الاساسيات صح يبي لها معهد

اكو احنا 12 سنة بالمدرسة يقرقون فوق روسنا ونشد حيلنا ومع هذا مافي مخرجات سنعة للغة عندنا


احس تعلم اللغات يبي له ممارسة اكثر من انه يكون تلقين

يعني اللغة اللي نستخدمها وتفيدنا صدقيني عن تجربة الافلااااااام

والثقة يعني لاتستحين اذا طلعتي انج تقطين كلمتين في محل او مستشفى او اي مكان

اساسا الواحد يشلون يتعلم اذا ما حاول وغلط

اساسا مع كل غلطة ترجعين البيت وتدورين عن معنى الكلمة بالديكشنري وتثبت بعقلج

وانتي عندج الدافعية والارادة لاتوقفيين ابد

في البداية شوفي افلام ترجمة عربية مو مره مرتين بالاسبوع لا ع الاقل فلمين باليوم

ولا تنسين البرامج طقة د.فيل واوبرا هذي بعد لغتهم بسيطة

وبعدها اشتري الافلام دي في دي عشان الترجمة تحولينها انجليزي

وصدقيني الانجليزي تعلمه ماتحسين فيه يعني فجأة تكتشفين انج وصلتي لمستوى حلو

وترا القواعد مو كل شي بالانجليزي

اساسا الاجانب موليين بالقواعد

واعرف بنات واااايد ممتازين بالقواعد بس مساكين مو لي هناك بالانجليزي

صدقيني عودي اذونج على انها تسمع انجليزي حتى لو ماتفهمين ع الاقل تسمعين

ومع الوقت والايام تحسين انج قاعده تميزين شنو يقول حتى لو مو عارفة المعنى

ولا تتوقعين انه بسنة تصيرين فلللته

لا الشغلة يبي لها فتره

واتمنى من ربي يوفقج في تعلمها

وتستفيدين من النقاط اللي ذكرتها لج

 

[فرتوكه]

السلام عليكم :tek أنا حابة اتعلم انجليزى من كل قلبى بس أحس ماكو عزيمة القوية عندى الدراسة عندنا بالأنجليزى وانا

مثل الأطرش بالزفة:dddds: أتصلت على معهد كاونسل فى المنصورية قالوا 3 أسابيع الدراسة والسعر 185 دينار

مو غالي احد أستفاد منة:e3: على فكرة أول مرة ادخل معهد

 

[G.U.C.C.I]

انا اقولج اذا تبين تتعلمين

اقري ثم اقري ثم اقري ووهم اقري

لو كل يوم تقرين اربع صفحات بس

راح تتقوين بالانجلش

موفقه

 

[فرتوكه]

راح اجرب مشكورة يالغالية

 

[ميونة الحلوة]

أهم شي أهم شي اذا بتاخذين دورة لا تاخذينها عند عرب و اخذيها مني

لان لو ما فهمتي كلمه و لا صارت اي مشكله بيتفاهم معاج بالعربي

يعني خل مدرسينج يكونون اجانب انجليز او امريكان عشان تتجرأين و راح تلاحظين نفسج انج ما قمتي تخافين و تتفشلين مثل قبل

بس حطي ببالج انتي اول ما تدخلين وايد راح تغلطين بس المهم انج تحاولين

و الله يوفقج حبوبة

 

[فرتوكه]

:e3:

 

[فوشية]

يمدحون معهد السفاره البريطانيه حابه اشترك فيه باذن الله

 

[موزة ام فارس]

الأفلام الأجنبية والمسلسلات تلعب دورها
لأن فيها حوار بين اشخاص وهذا الاساس بتعلم اللغة

سمعي انجلش قد ماتقدرين حتى لو ماتفهمين
واقري اي شي بالنت مثلا بالانجلش
وسمعي بنفس الوقت

شوفي هالموقع روووعة

http://www.voanews.com/specialenglish/

 

[saroona-84]

انا نفسج بالضبط .. بخاطري اتعلم .. انشالله بدور بهالمواقع وبشتري لي جم كتاب وبحاول اسمع برامج وافلام واركز على كلامهم
وبحاول اتكلم مع خوااتي لانهم شطااار بالانجلش مااشالله .. والله كريم
بس صج اهم شي يكون عندج رغبه قووويه وما تيأسين..

 

[قهوة بالهيل]

مشكورين عالموضوع الحلو اخت فوشية وين صاير معهد السفارة البريطانية

 

[كلكجيه]

http://www.english4arab.net/vb/showthread.php?t=9144

هذا منتدى تقدرين تعلمين منه
خاص حق تعليم الانقليزي
وفي دورة محادثه بالانقليزي
عن طريق الجات والمدرس او المدرسه
تعلمج وتسمع نقطج للكلمات
وفي للمبتدئين والمحترفين
وبس انشالله افدتج

 

[M.&A. Stuff]

اناا عندي حل نهاائي لمشكلتج بس يبيلهــ.....شغل وصبر....اناا اعرف بنااتـــ وحريمــ ماايعرفونـــ حتى حروف الهيجااء...بشهر تعلموو كل شي.....


انج تروحين تدرسين كورس لغه برهــ...وتااخذين العاايله كلهاا معااج....بس شهر...وتردين وتصيرين بلبل...حتى الهوااش...بالانجليزيــ...

اذا تبين مكااتب ثقهــ...تشوفينهمــ,,يرتبولج..هالشي هذا اناا حااضرهــ

بس صدقينيــ لاتقولين افلام وماادري شنوو....

تراا الكورس هذا يصير كانه عطله بالنسبه لجــ..

 

[hot caramel]

السلام عليكم ..

خواتي يا بعد قليبي انتوا ,, لا تقولون انه الافلام مالها دور بإنج تتعلمين انقلش !!

ولكن هم الناس قدرات .. في ناس مشاالله بسرعه يلقطون اذا تعودوا يسمعون اللغه ترنع بإذنهم دايما


بالعكس روحوا وسئلوا اي مدرس او دكتور بالأدب الانقليزي ,, وراح يقولج انه الاستماع له الدور الاكبر بتعلم اللغه الانقليزيه



ولكن قبل كل هذا ... خلج طموووووحه وعندج ثقه بنفسج و عندج رغبه واراده قويه والعزم وحتى ان غلطتي وتفشلتي عمري

شنو يعني ان غلطتي ؟! ختصير روحج رياضيه

وانتي عارفه انه محد نولد من بطن امه عالم !!



وانسي انه ماعندج وقت .. انتي خلقي هالوقت حبوبه

ماكو شي اييج بالساهل ياقليبي يبيله فراره ودواره وتبقق عيون وتبطلين عقلج عدل وتستوعبين


شوفي افلام باللهجه الامريكيه الي نشوفها وايد وارده , والبريطانيه الي هي الاهم لانها(( اللهجه الام))

وعندج السينما بعــد



اقري قصص حياتي .. قعدي انتي ويا وليدج بسم الله عليه واقروا قصص بسيطه تتماشى مع سن ولدج

ودايما حاوريه بالانقلش منها انتي تستفيدين والولد يتعلم معاج


وخلي لاب توبج يمج واي كلمه ماتعرفينها عندج قوقل ترانزليت يعني المترجم ويطلع لج المعني بالتمام والكمال

هذا لنكه http://translate.google.com/translate_t#en|ar|

وعندج برنامج الوافي حبيبتي

او اشتري الدكشنري "القاموس" من الغانم او حدى اماكن بيع الاجهزه الالكترونيه

ودشي معهد او نادي والا حتى عندج الدورات الي بالنت .. والانترنت مايقصر !


اول شي انتي علمي روحج بروحج , شلون ؟ !

يعني حفظي معاني الكلمات والخطوه الثانيه انج تركبينهم على بعض بحيث تكونين لج جمله او عباره مفيده


الخطوه الاخيره المبادئ الاساسيه الي هي القواعد عاد هذي بحثي فيها والباجي تعلميه من المعهد

افضل انج تخلينهم الخطوه الاخيره لانهم اصعب شوي من حفظ الكلمات

والقواعد الله لا يوريج .. ماي وينزرط بلمح البصر


يعني سهاااالات ان شاالله .. توكلي على ربج وماعلى الله شي بعيد يابعد دنيتي

وصيري جريئه و تيرعي وصبري مافيها شي اذا غلطتي لاهوه عيب و لا حرام بالعكس هذا دافع لج انج تتثقفين اكثر

وخلي الباحي على ربج والله ولي التوفيج



خذيها من مجربه كنت قوطي بالانقلش والله ميح ماافتهم كوعي من بوعي

وسويت كل هالحجي الي قلتله لج واللهم لك الحمد الحين صرت افهم واعرف ادبر اموري بالانقلش


وكل ما عرفتي اللغه اكثر حبيتها يابعد روحي وحبيتي تتعلمينها راح تسحرج بحلاتها لانها نايس و روعه

نفس ماقالوا لج باجي البنات غلاتي



وسمحولي عالطواله

لكن مابنيتي الا اني افيدكم من خبرتي

وعسى ربي يوفجج و يسهل امورج وينولج الي بقلبج


نصيحه اخيتي :حرااااام ولدج رديه حق مدرسته

العلم بالصغر كالنقش بالحجر

عالاقل بس المرحله الابتدائيه خليه يتأسس بعدين قطيه بالحكومه​

 

[hot caramel]

و ان بقيتي اي استفسار عن اي معهد بالكويت انا حاضره وبالشوفه

عندج برتش كانسل بالمنصوريه

وانفو سنتر ومعاااهد وايده​

 

[puppet]

ضغطي على نفسج وشوفي افلام مترجمة

لأنج لو حفظتي القاموس كله ودرسي في المعاهد

ما كو فايدة ، المعاهد تدرسج اللغة الاصلية english actor بس اللغة العامية غير غير native

 

[مينوووونه]

السلام عليكم .. اختي انا ادب انجليزي تخصصي وللحين ماعندي طلاقه 100% بس الحمدلله مشيت حالي مع العلم انه اساتذتي كلهم اجانب وكنت حيل استحي اتحجى مع اني اعرف بس بالنسبه لمفرداتهم كانت لغتي ولا شي وهذا اكبر عائق انج تستحين مراح تقدرين تحجين شوفي دام الشي مو دراستج ودام انه رغبه ملحه راح تعلمين بسرعه بس اهم شي حاولي اذا بغيتي تحجين انجلش تكونين جمله تخدم اللي تبي تقولينه من الكلمات اللي تعرفينها يعني لاتنحرجين حاولي توصلين المعلومه باللي تعرفينه وقصة الافلام الغير مترجمه لااااااااانتفع لانها وببساطه لغه سريعه يعني احنا لو نتكلم جدام مصاروه مثلا مع انهم عرب بس بلهجتنا وبصروه سريعه بيتدودهون ولابيفهمون شي صح فشلون على لغه غريبه بالكامل فهالقرار استبعديه الشغله الثاميه لازم تعلمين مثل الطفل لمن يتلقى الكلمات ويحاول النطق حاولي تقرين واي كلمه تمر عليج اترجمينها وعشان ماتنسينها حاولي توضفينها بحوار تحجين فيه مع اي احد حتى لو خدامتج... بس الصراحه ماودي احبطج ترا المعاهد عندنا ماتنفع في دورات بلندن مدتها 6اسابيع يمدحوووووووووووووووووووووووووووووووووووونه انا انشالله انشالله بحاول اروحها عل وعسااااااااا تنفع بس ترا سهالات دام انتي عندج طموح وتمنين هالشي كاااافي

واللي يعافيج وينها هالدورات خل نتعلم ونستفيد مادام لي سفره حق لندن هالسنة

 

[الشمس1]

عن نفسي انا بالمدارس بس استفدت منهم القواعد و كلمات جديده

انا من كنت صغيره احب اسمع الاغاني الاجنبية ... كنت اسمع الاغنيه و اطلع كلماتها من النت و اترجم الكلمات الجديده علي و اتعلم ...

مع ان في اغاني مو زينه و كلام بايخ بس هم تعلمنا منهم شي حق الهواش باجر :--)

و من الافلام بعد استفدت بس الصراحه مو كثر الاغاني والله ...

الحين اشوف فيلم مو مترجم افهمه عادي .... بس انا مشكلتي ماعرف ارد على أحد ... مادري هي من كثر ما اسمع اسمع و لاجربت اكلم احد بالانجليزي ...!

 

[viva la glam]

reading
واكثر شي قصص وطالعي افلام اجنبيه مو مترجمه وان شاءالله اتعلمين

 

[hot caramel]

خــواتي للي يبون يشتركون بمعهد السفاره البريطانيه إلي هوه " برتش كـانسل "

بالمنصوريه و هذا رقمهم 22533227

مــوفجين اجمعين يا الطيبين