ابي احد يعرف شفيني؟؟!!!

[بدلية]

بسم الله الرحمن الرحيم

يابنات انا مادري شقول الصراحة سالفتي سالفة وحدي متكدرة ابي احد يطمني:cxxxp:

الله يسلمكم انا مشتركة بنادي رياضي ولي بغيت العب العب مثل المينونة ماوقف اجهد عمري بالرياضة حييييل

ويوم من الايام كنت قاعدة اتسابق مع بنت والا ايدي اليسار اتشنج, الاصابع بس

انا هني ويهي صار جذي


شالسالفة شفيني!!

تمت دقيقة او دقيقتين وراح التشنج صرت جني جذابة

وبس انا نسيت السالفة

اوبعدها كل ماله ويزيد لين صار اكو الم ووصل لي كوعي اليسار وعقبها ريلي اليسار بعد قامت تعورني وقت التشنج


الحين باليوم اتشنج ايدي اكثر من 15 مرة ووقت التشنج تعورني ريلي وايدي لي الكوع واصابعي تصك على بعضها ماقدر اتحكم فيها تتم ثواني وتروح وهذي حالتي

مابقى مكان مارحتله حتى تخطيط مخ سويت خافوا ان يكون اشتباه بحالة صرع

والمشكلة مافيني شي !!

تخطيط المخ سليم

تحليل الدم سليم

اشعة بالرقبة سليمة !!

شالسالفة ؟؟؟؟؟؟!! شفيني بالضبط؟؟؟

دكتور يقول يمكن لانج تشدين بالرياضة

ودكتور يقول يمكن لان فيج نقص فيتامين د < مع العلم ان الكالسيوم عندي طبيعي حدده

ودكتور يقول حالة نفسية

ودكتور يقول اعصاب وتوتر وقلة نوم


والحل !!؟؟ ماكو للاسف

انا اشوفه كل يوم قاعد يزيد

الي تعرف او سامعة باحد صارله جذي ياريت تعلموني وتقولونلي شسوي؟؟!!!

او شنو تعتقدون فيني ؟؟

في مرة احد تعرفونه صارله هالشي؟؟

علما بان التشنج في نصفي الايسر فقط ايدي وريلي

وان شاء الله ماتشوفون مكروه قولوا امين

وياريت ماتخلوني

 

[رحيل المرافيء]

رد : ابي احد يعرف شفيني؟؟!!!

يمكن انتي تشدين بالرياضة يعني شدعضلي
حاسبي على حركاتج شوي شوي
او يمكن نقص كالسيوم او منجنيز او مغنسيوم
شوفي فيه مكملات غذائية للتشجات جربيهم

 

[بدلية]

شنو اهما ووين احصلهم اذا ماعليج امر يعني

بس ترا انا سويت تحليل دم شااامل وكل شي تمام ماعدا فيتامين د بسسسس

عشان جذي انا مستغربة !!

 

[شندوخه]

رد : ابي احد يعرف شفيني؟؟!!!

نقص فيتامين د ممكن يسبب التشجنات البسيطه
بس ترى عادي كلنا اذا سوينا رياضه او تحركنا حركه زايده وعرقنا يصير جذي
يصير من نقص السوائل دامج تسوين رياضه على طول عوضي بالماي او اشتري من مركز سلطان ماي الملون مال الرياضين اسمه باور ايد
او كول ايد
هذا وايد زين

 

[♥ąϻᴑŁ♥]

ماعندي فكرة ..

ان شاء الله ماكو الا العافيه والبنات ان شاء الله ماراح يقصرون معاج ..

 

[shoO shoO 95]

يمكن من العين يمكن احد حاسدج على نشاطج ( نصيحة اقري وايد معوذات و تعوذي من عيون اللي تشكين فيهم ) و ترا الحسد و العين مذكورين بالقرآن
و هم بعد يمكن مثل ما قالوا من نقص فيتامين د
و من قوة ممارستج للرياضة
انا نفسج و هم يصير فيني جذي
ما تشوفين شر ان شاء الله
و ماكو الا الخير

 

[عسووووولة]

رد : ابي احد يعرف شفيني؟؟!!!

اب اب اب

 

[قطوة@@]

رد : ابي احد يعرف شفيني؟؟!!!

الله يشافيج

 

[بدلية]

تسلمووووووووووووووون كلهم على ردوودكم ومشاركتكم يعطيكم الف عافية

 

[cherry67]

فيه حبوب للشد العضلي وبسرعة يروح العوار اسمها نورفلكس عجيبة يصرفها مستشفى الاحمدي او تقدرين تشترينها من الصيدلية والله يشافيج واحتمال ماعندج لياقة بس عادي يروح لا تخافين ما كو الا العافية انشاءالله

 

[بدلية]

خلاااص عرفت السبب

فيني ام اس



الله يشفي الجميع

الرياضة طلعت بريئة

 

[زهره الجلنار]

الله يشافيج يارب

 

[اللاندكروز]

حبيبتي فيه دكتورة تعالج بلسع النحل لجميع الأمراض حتي"" الام اس "" اللي الطب مالقاله علاج ..اعرف وحده عالجه عندها وخف الألم حيل عنها بس انها ماكملت جلساتها