سويت سويت
وين صااير لازووردي ؟؟ عندج رقمهم ؟؟ظ
انا اليوم رحت صالون كامي البااان ومن الفررراغه وهم يسوولي شغلي ما بقا شي ما سألتهم عنه بالنسبة للكيراتين وبقووولكم كل شي
اول شي تقول عندهم التملييس انواع الي اهو الريلاكس ومادري شنو نوع ثاني والكيراتين
تقول انواع التمليس الثاانيه ما تصلح للشعر الي فيه هايلات راح يحرق الشعر بس الكيراتين اهو نوع التمليس الوحيد الي عادي يصير مع الشعر الي فيه هايلايت
وعندهم نوعين نوع بالبابايا ونوع بالشوكولا نصحتنبي بالثاني نسيت ليش هههه
المهم تقول النتيجه التقريبيه نعومه من 60 الى 80 % والمدة من 4 اشهر وفوق
والكيراتين مو نفس الصبغه تنزل وتسوين الجذور لأ تقول بعد ما ينتهي مفعولها تردين تسويين شعرج كله مع اني سمعت ان فيه بنات يسوون بس الجذور
نوع الكيراتين الي عندهم برازيلي
وقالت بالنسبة لطول شعري تسويه ب300 مع العلم ان شعري تحت جتفي يعني فوق نص الظهر
وهم قالت يصير اصبغ عندهم واسوي كيراتين بنفس اليوم
بس كافي علييكم جذي واذا تذكرت شي بقوولكم ههه
