ابي احسن كورسية للعروس لحقوا علي بسرعة

[التجارة شطارة]

بنات عندنا عرس وابي احسن كورسية ابية يشد الجسم كلة ويرسم لي خصر

انا شارية واحد من الطاهر ممتاز بس عيبة الوحيد صدرة من عند الصدر صغير

ياريت تنقذوني بسرعة

ان شاءالله لو كان كم سعرة راح اشترية لحقوا على بسرعة​

 

[حنين]

مادري والله ما عندي فكره ان شاء الله بنات يفدونج

 

[Katrina]

امممممممممممممممم والله حتى انا يلا بنات همتكم مساعدة

 

[الحب يكبر]

ولا انا بعد ما عندي فكره بس حبيت ارفع

 

[حنين]

دوري على محلات وسئليبهم عن احسن كورسيه للبدل الحفله لانهم يفهمون بهلاشياء

 

[meen_ana]

تحصلينهم في الجميع اعتقد
ولا عند شركه الاتحاد

 

[مسك الزهور]

احلا كورسيه عند انور
لا يعلى عليه ينحت الخصر ويشد البطن وسعره شوي غالي
ثلاثين الا خرده
بس ممتاز انصحكم فيه

 

[وجدان الكويت]

في محل بمجمع زهرة اعتقد اعتقد اسمة اريج او الاريج في كورسيهات زينة انا للامانة ماجربتها بس سمعت من بنات شارين منهم

 

[عادي من قلبي أشيلك]

احلا كورسيه عند انور
لا يعلى عليه ينحت الخصر ويشد البطن وسعره شوي غالي
ثلاثين الا خرده
بس ممتاز انصحكم فيه

احسن شي انور صج انه غالي بس يسوى وسعره فيه

 

[نـور الكويت]

والله الجميع كورسيهاتهم حلوه

وبالتوفيق

 

[العفاسيه]

انا شريت من الجميع يرسم الخصر جلد اسود رووعه بس مو كامل

 

[bint_q8]

الصراحه لا يطوفج كورسي باربي عند محلات انور موطبيعي يطلع الجسم عدل

اهو نوعيته اول شي مشبك تسكرينهم وفوقه سحاب ويهبل باللبس يخلي جسمج روعه

والحين منزلين نوعيات مع ستيان وبدون ستيان وفي بعد مع خلفيه اذا تبين

انصحج فيه وانا مجربته صج غالي بس يستاهل سعره

وان شاءالله اكون فدتج حبيبتي

موفقه

 

[انا مو هني]

همن انا عيل بالبس كورسيهات كووز بعد ولادتي احس ماعندي خصر صرت سيدااا خخخخخخخ

 

[كلي فرح]

كورسيه أنور حيل حلو ويسوي لك خصر وسعره فيه
أما في بالجميع شورت دانتيل أمريكي يشد البطن مع الفخوذ نظام سيور على المناطق اللي بس تبي تضبيط
وسعره حلو على 8

 

[الـــريـ 86 ـــم]

كورسيه باربي عند انور مثل ماقالوا البنات انا شفته على امي فضيع يشد الجسم ويطلع خصر ,,, روحي وجربيه

 

[لعيـــ ترخص أرقاب ـــوني]

.

 

[التجارة شطارة]

وناسة يبيلة انور


زين بنات وين انور

ابي اقرب فرع لانور انا بالفروانية

 

[نجمه الحالمه]

حبيبتي انور موجود بالفروانيه بمجمع مناووور

وقوليلي عنه اذا شرتيه ان شالله

 

[MissChoco]

مثل ماقالو البنات كورسيه انور عجيـــــب انا صارلي سنه استخدمه والله شي شي ينحت الجسم
والي ماعندها خصر يطلعلها خصر حيل .. ويشد شد عجيب

وقبل كان على 26 جذي بس الحين تقريبا 30 .. وصراحه يسوا ويسوا


واهوا مثل المشبك اتسكرينه وبعدين سحاب ..



والله مراح تحسفين اذا شريتيه

 

[MissChoco]

والي اسالو عن محلات انور..

موجود, بـشرق .. المهلـب .. النقـره