ابي اخت لي وتكون كويتيه فاهمه ومتزوجه

[pusy cat]

نصيحتي خلج على ذوقج وستايلج وخلج واثقه من نفسج

لاتمسحين شخصيتج وتقلدينهم وتحسسينهم انج ناقصه وقاعده تقلدينهم

اهو ماخذج من آخر الدنيا ليش ما خذى كويتيه دام عاجبه ستايلهم ؟

حطي فبالج ماجاج من آخر الدنيا الا انج لؤطه واذا على الذوق والدراريع روحي العربيد فيه دراريع الدنيا اشتري اللي يعجبج مو اللي يلبسونه

 

[manoooram]

الدراريع روحي البلوكات فوق عند الخياطين طبي وتخيري بالديرة
وعندج المعارض اللي يسوونها البنات
مجمع العنود بالفحيحيل
مجمع العربيد بالفروانية

تقليد الماركات عندج محل Trendy بسوق المعلم بسيتي سنتر السالمية
تلقين بمجمع المغاتير بالفروانية

 

[ربيع_الروح]

وحي مجمع الأوقاف في درارسع ونفانيف قصيرة وطويلة وأسعارها مناسبة بس لازم تدورين

 

[الكوويت حره]

نصيحتي خلج على ذوقج وستايلج وخلج واثقه من نفسج

لاتمسحين شخصيتج وتقلدينهم وتحسسينهم انج ناقصه وقاعده تقلدينهم

اهو ماخذج من آخر الدنيا ليش ما خذى كويتيه دام عاجبه ستايلهم ؟

حطي فبالج ماجاج من آخر الدنيا الا انج لؤطه واذا على الذوق والدراريع روحي العربيد فيه دراريع الدنيا اشتري اللي يعجبج مو اللي يلبسونه

حبيبتي أتمنى ما تزعلين من الكلام اللي راح أقوله والاختلاف لا يفسد للود قضيه :eh_s(7):

أنا أعرف كويتي طلق سعوديه على سوالف لبس ومالبس ! احنا نشوفها سخيفه وما تسوى لكن عند الزوج هالسوالف مهمه جدااا
في وحده زوجها كله ينتقد لبسها ويشوف خواته يلبسون ع الموضه وأنيقات وزوجته لا ويقارن ويتضايق وهالشيء يطيح زوجته من عينه ويخليه يشوفها ما تعرف بالموضه , أعرف وحده والله ما تعرف حتى قمصان النوم وزوجها يترجاها تلبس ويشتري لها واهي تقول لا , وتلبس له بالليل بنطلون وبدي أو دراعه ما تعترف بشيء اسمه قميص أو بجامه وأشياء أكثر خليني ساكته بس

بالعكس حلو الوحده تلبس على ذوق زوجها وبنفس الوقت ما تلغي شخصيتها تلبس اللي تحب مره جذي ومره جذي

والمثل يقول (اترك ماتشتهي والبس ما يشتهي الناس )

 

[الكوويت حره]

حبيبتي صاحبة الموضوع حياج الله بيننا أخت وعزيزه وكلنا خواتج

ترى بكل مكان في اللي كشخه وفي اللي مو كشخه يعني بالمختصر مو كل الكويتيات ذوقهم واحد وكشخه الناس أذواق

وأنا أتوقع أهل زوجج من الناس اللي ماشين ع المشاغل والتفصال ,إذا هم من النوع هذا اعرفي ان الجاهز عندهم يعني هلاقه فلا تشترين جاهز

أنا أبكلمج بالنسبه لعايلتنا اللي تلبس جاهز يضحكون عليها ويستهزؤون فيها لأن اللي يلبس جاهز بعايلتنا هم الخدم بس , باستثناء بعض المحلات الراقيه وفي بعض المناسبات , أما من ناحية العزايم والمناسبات نلبس بدل مو شرط اوفر أحيان ناعم وأحيان فخم ع حسب المناسبه
روحي المعارض النسائيه وفصلي أو روحي للمشاغل النسائيه اللي بالبيوت واختاري جم بدله مو شرط دراريع وفصلي جم دراعه للحموله

وياليت توضحين شنو نوع البدل اللي تبينها وشنو المناسبه ؟ علشان نساعدج

 

[قاهره عذالي]

الكويت حره

المشاغل والحريم اللي بالبيوت نصابات

مره شريت دراعه من وحده

لقيت نفسها بالسوق عند خياط هندي وسعرها ب7 دك

وانا شاريتها من المراه ومفصلتها لي ب50

والله نصابات الحريم

والمشاغل نهب فلوس ع الفاضي

اللبس على لباسه مو على سعره

وبعدين المراه سعوديه ومن الحفر

واهل الحفر مو متعودين على اسعار الكويت اللي شابه ضووو

اذا عايلتكم اغنياء وعندهم مقدره وعادي عندهم يقطون ميات على مشاغل وحريم

فمو كل الناس نفس حالتكم

السوق مليان الحلو والشين

السالفه على الذوق وهم الوحده تعرف الموديل اللي حلو لجسمها واللون اللي حلو عليها

 

[الكوويت حره]

الكويت حره

المشاغل والحريم اللي بالبيوت نصابات

مره شريت دراعه من وحده

لقيت نفسها بالسوق عند خياط هندي وسعرها ب7 دك

وانا شاريتها من المراه ومفصلتها لي ب50

والله نصابات الحريم

والمشاغل نهب فلوس ع الفاضي

اللبس على لباسه مو على سعره

وبعدين المراه سعوديه ومن الحفر

واهل الحفر مو متعودين على اسعار الكويت اللي شابه ضووو

اذا عايلتكم اغنياء وعندهم مقدره وعادي عندهم يقطون ميات على مشاغل وحريم

فمو كل الناس نفس حالتكم

السوق مليان الحلو والشين

السالفه على الذوق وهم الوحده تعرف الموديل اللي حلو لجسمها واللون اللي حلو عليها

هلا حبيبتي

معاج حق في حريم نصابات وغشاشات وفي العكس

ومو كل المشاغل شابه ضو , الأسعار تتفاوت , ودراريع الحموله اللي بالمعارض أسعارها حلوه على 25 وعلى 20 وموديلاتهم حلوه أبرك من شغل السوق اللي غالي ع الطل

وياقلبي عايلتنا مو أغنياء ولا هم يحزنون الله يسمع منج ويغنينا من فضله , عايلتنا وسط ولله الحمد

صح السوق مليان مثل ما تقولين بس اهي اللي طلبت مشاغل وتبي ع الموضه وتقول حمواتها كشخه وأنا حبيت أساعدها بأحسن الأماكن علشان تصك عليهم لا أكثر ولا أقل


:eh_s(17):

 

[Miss May]

حبيبتي حياج الله عزيزة وغالية بينا

كل مكان فيه الزين والشين بس حسب جسمج ولون بشرتج تختارين اللي يناسبج

1- روحي البلوكات بالمباركية فوق في اشكثر خياطين وإذا محتارة إسإلي البنات اللي يخيطون
أهم شي اختاري شي بسيط وناعم الخبة الزايدة هلاقة مو كشخة !!

2- وإذا تبين شي كششششخة عندج بالصالحية محل نسيت اسمه يم مجمع الصالحية يبيعون دراريع عالموضة
تصلح حق عيد ورمضان أسعارهم من 80 دينار وصاعد بس راقين .

3- وعندج بيت ديفا وسدرة اللي مقابل مستشفى الأميري عندهم شغلات حلوة وفناتك

4- عندج بالجابرية خياطين فياصل مقابل مستشفى مبارك سوي عندهم مغربي أو ميني دراعة أو أختاري أي موديل يعجبج.

5- بعد في تاجرات كويتيات بقسمهم بالمنتدى يبيعون بدل ذربة وناعمة جاهزين من برااا وأسعارهم مناسبة دخلي قسمهم واختاري !!

بس أرد وأقول حسب الذوق ومو عيب الوحدة إطوّر وتعدّل ذوقها
تابعي الموضة بمنتدى كويتيات


أتمنى أكون أفدتج ياقلبي
ربي يوفقج .

 

[Mrs_Orchidia]

روحي مانقو ريفر ايلاند و توب شوب زارا ..الخ
باختصار رووحي مارينا مول .. احب هالمجمع محلاته حلوة و مو كبير حيل مايضيعج

الدراريع ماعندي خبرة زايدة بس شوفي دراريع سارة بالفروانية
محل التراث الهندي بالبلوكات (سوق الاقمشة بمدينة الكويت)

 

[PuPa^^SWeeT]

شوفي بعطيج المجمعات اللي محلاتها فعلا اتينن


فيها الغالي و الرخيص و الوسط


حسب امكانياتج روحي



اول شي نبدي باول مول


الافنيوو

هذا ضام انقول 3\4 المحلات منها الماركات العالمية الغالية و الوسط

وفيها محلات رخيصة زينة


محلاته حلوة و متميزة و الاغلب يشتري منه


360 مول


هذا مجمع بجنوب السرة عالدائري السادس

متميز انه اغلب محلاته ماركات و حلوين

فيهم اللي اسعارهم وسط و فيه اللي غالي


بس الحلو فيه انه القطع المتشابهة قليلة

يعني قليل اللي بيلبسون مثلج






المارينا مول

بالسالمية عالبحر حلوو المجمع خفييف


و فيه اغلب المحلات المناسبة للكل


بس محلين بس غالين الباجين وسط






الفنار

فيه محلات غالية و فيه محلات وسط

وفيه محلات بضاعتهم تركية حلوة


اهم شي انج تختارين اللي يناسبج







مجمع زهرة السالمية


محل فيه الغالي

وبالدور الارضي فيه محلات اسعارهم وسط

وفيهم للمناسبات و العروس و الحفلات


ليلى جاليري السالمية


لبدل العرس و الحفلات و الذهب

حلوو بس انه غالي طبعا



البستان السالمية

حلوو فيه محلات صناعة فرنسية او تركية


وسط لين اقل شوي من الغالي



مجمع الربيع السالمية

هذا فيه محل واحد حلوو



سنتر بوينت السالمية


جبال الفنار بالضبط عبرة الشارع فقط






البيرق العقيلة


حلوو بعد بس روحيله بالايام العادية ترتاحين اكثر


محلاته عملية مناسة اسعاره







الكوت المنقف جنه



هذا حلوو بس اغلبه للاطفال و فيه 4 محلات للكبار



كويت ماجيك اعتقد ابوحليفة او الفحيحيل تاكدي



ممكن اتحصلين اللي تبييينه بالضبط



المهلب حولي

انا احب هالمول

فيه قمصان للدوام مريحة من زمان اخذ منه و ارتاح فيه للحركة

وعندهم سوالف التنانير و البدل راح اتحبين سوالفه








وبس

هذيل المولات اللي اعرفهم عدل

 

[DaLoo3t BaBaTii]

.



حبيبتي روحي آلآفينيوز كل شي فيه و ع آلموضة !


بس سوآلف درآريع مآ آعرف !

.

 

[أحلى قصة]

ااااااااااااااااااااب الله يوفقج وتصيرين حلوه بعينه