ابي اخذ حقي تعالوا ساعدوني !!!!

[قُـمـر دنيــآي]

؛
مرحبا بناات

انا مشكلتي اني موعاارفه شلون اتصرف مع حمولتي

بنات الطيبه الزايده شالعه قلبي واهي اللي موديتني بداهيه يعني اتحسس من اي شي واطوف شغلات وايد

مثلا انا انزل تقريبا بشكل يومي لازم في الغالب اسمع نغزااات ورده فعلي جني ماسمعت شي او ابتسم

ودي اتجرأ نغزه بنغزه بس مابي المشاكل خصوصا ان الحموله يدورون الشاره ومرات تصير مواقف ينربط الساني ماعرف ارد

مع اني مومقصره فيهم بس مادري شيبووون

وعندي مرت حماي الكبيرر عوبه والسانهاا طويل يعني مرات احس تطول لسانهاا بالسوالف وتبدي رايهااابطريقه عوابه

تبي تبين انها موقليله شر ومادري شقصدهاوواصلني كلام عنها متحجيه فيني وحاشه ومطنشه ولاجني سمعت شي

وكذا مره حشت بخالتي ام زوجي وبمرت حماي الثالثه عندي وماقلتلهم ولاجني سامعه

واحس اهم يحبونها ويحترمونها وحاسبين لها حساااب ومرات احسهاا تحتر مني بس ماتبين يعني من النظرات

بنااات والله انا احلى منها مومدح بس عشان لاتقولون انتي محتره يمكن احلى منج او شي:eh_s(22):

وهم لاحظت شغله ثانيه بنات انا وزوجي نحب بعض واحس هالشي مبين عليناا من حركاته جدام اهله

ولما يطلعني ولا يوديني مشاوير احس عيونهم عليناا وهالايام كل مابغيت اطلع لازم خالتي تسأل وين بتروحين !!

يعني ثلاث او اربع ايام ورى بعض اول ماانزل وين بتروحين !!!:krkrkr:

لازم اقول يعني ؟ يمكن عندي شغل خاص وانا بصراحه ماودي اجذب اقولها الصج

والله قامت تصير بينا مشاكل احس من عيونهم وانا مشكلتي فيني لقافه اسولف رحت جذي وسويت جذي وزوجي مره يابلي هديه فلانيه بنات يكونون اهم يسولفون عن هالشغلات كل وحده شجابلها ريلها وانا اقول عاد موتفاخر ولما اروح شقتي ويوصل ريلي لازم نتهاوش لو على شي تافه :eh_s(4):

إشرايكم باللي اسويه صح ولا غلط و

الحين ودي اتجرأ واخذ حقي بدون لا استحي فلانه تزعل وعلانه وابي حمولتي تحسبلي حساب

إشرايكم شلون اتصرف واترك هالطيبه الزايده اللي ماوراها الا المشاكل:eh_s(11):

وكل وحده تقولنا شلون تتعامل معاهم حزه النغزات والمشاكل وهل صادفها هالمواقف

وياارب يوفق كل وحده ترد ويرزقها اللي في بالها :yaaaaaarb:

واذا قعدنا وجابوا طاري زوجي تقووول ايه ولدي مسحووورر سحرتيه على بونه ضحك وانا احتر حيل موناقصه عين

والعين حق وومذكوووره وخواته المتزوجات بس يتشكون عندي عن رياييلهم وكل مكان طبوووه كل هذا وريايلهم مايودونهم واهم مايقعدون بالبيت وانا ياحليلي قبل مصدقه طلعوا يجذبون حسبالهم بحسدهم

​

 

[قُـمـر دنيــآي]

اووووووباا

 

[الأميرة جوري]

لاتنزلين واااايد....واذا نزلتى قعدي شوي وروحى ...علشان يحترمونج ومايقطون نغزات..

 

[BiiShOoO]

لا تحتكين فيهم وياد و خلج رسمية و لا تطيحين الميانه هذا اهم شي عشان ما يتجرئون عليج

 

[نجدية2011]

1-ماتسمعين بالمثل اللي قول خلك بعيد غلاك يزيد !
2-حافظي ع خصوصاصيتك مو كل شيء تقولينه ومو لازم تقطين وتقولين بعد زوجي جابلي كذا وكذا وطلعني المكان الفلاني
3-خليك قريبه من خالتك وكثري من الهدايا لها ونبهي ع زوجك ينزل معك لما تنزلين لها خصيصا وكل شهر او شهرين طلعيها عشاء معاكم او روحي معاها للأقاربها وصليه لهم وتقهوي معاهم صدقيني بتكبري بعينها وبتحبك أكثر وبتكوني أقرب لها
4- أحرصي ع وضع هالكلمتين بأذن ام زوجك (لانك غاليه وجبتي لي الغالي فخليني أدلعج ومن هالكلام)
وكمان زوجك قولي ماتبيني انتبه للأمك الغالية واحرص عليها يكفي جابتلي أعز وأقرب شخص لي غير أنها أمك)
5- أنتبهي تصيرين قدام حريم حموانك مو ذربه او تقولين ماعرف اسوي الطبخة الفلانية وبرضوا عند أم زوجك وبناتها
خليك قريبة منهن واذا حابه تكسبين خوات زوجك مدحي عيالهن وجيبي لعيالهن هدايا واتصلي قولي بنسير عليك الليله
وأرجع وأقولك خلك قريبة منهن بحدود خصوصايتك ماحد يدري عنها الا لشيء ضروري مثال اخت زوجك محتاجه دكتورة بشرة وانتي مسويه عند دكتورة زينة ببشرتك وودك تخبرينها حتى تروح لها: انا اعرف الدكتورة الفلانية سويت بشرتي عندها روحي جربي او حتى تقدرين تقولين رفيقتي عالجت بشرتها عند هالدكتورة جربي تروحين لها
هذا اللي عندي واعتذر اذا مافهمتي بعض كلامي لاني سعودية وماعرف احكي كويتي كثير ^_^

 

[أم توتو]

خليج رسميه وقللي روحاتج لهم ولا تقولين اي شي لهم خليج غامضه

 

[Al-RoRo77]

رايي من رايي اغلب البنات لا تنزلين وايد عندهم وخلج رسميه معاهم ولا تقوليلهم دايم كل شي يصير معاج انتي وريلج يعني شنو
يابلج ووين تروحون
يارب لا يغير عليج انتي وريلج

 

[MiSS B.K]

الله يهديهم لج ان شاءالله

 

[زوجة عزيز]

شتسوين حبيبتي اكثريتهم جذي انا حمولتي من هالنوع وصرت ما اقعد معاهم كلش لانه ماوراهم الا المشاكل والمغثه

 

[_Pure_]

لا تفكرين تاخذين حقج منهم
خليج بعيد محترمة نفسج و محترمتهم
رسمية و مؤدبة

و خصوصياتج شي ما يطلع برا
لا تجذبين بس لاتقولين كل التفاصيل

انتي مبين انج خوش وحدة فا لا تنزلين مستواج لهم

والله يهنيج و يوفقك مع زوجج

 

[قُـمـر دنيــآي]

بنات المشكله انا وحريم حمواني ننزل يوميا

يعني مايصير انا اقطع واذا مانزلت يوم تبدي النغزات وانتي ماتنزلين وانتي قاطعه

وانتي نحسج غير عن الباقياااات كله ساكته وقليل تقعدين معانا مع اني انزل يوميا اقل شي ٤ ساعات اذا مواكثر واسولف اكثر من حريم حمواني

بس يوم شفت تصرفاتهم صرت احاول اسكت اكثر الوقت عشان مايمسكون علي شي

استغفر الله بس الناس لاحترمتيهم وتطيبتي فيهم قالوا مسكينه ولا صديتي عنهم قالوا قاطعه شيبون بعد اف

 

[دلوعة صلوح]

الله يهديهم يارب.

 

[سعوووديهـ]

اب

اب

 

[ام زينه المطيري]

عطيهم طاف ولا تكلمين عندهم صامت احسن ولا تنزلين كل يوم سمعي منى وطلعي مني عس الله يعينج

 

[G!RLooNa]

ماله داعي تنزلين كل يوم

خليها يوم و ترك فتره و طلعيلج اعذار اذا سألوا و عقب قللي تدريجي عشان ماتصيرين قطعتي مره وحده و فللي الوقت اللي تقعدين فيه معاهم بعد و بعدين خلي نزلتج يوم الزواره بس

و الحش و الكلام ماكو حريم ما يحشون هذي هوايتهم طوفي و طنشي مدام ما وصلت لي الغلط عليج

 

[نفهمها صح]

الله
يعينا
ويعينج

 

[غرام2]

شحقه تنزلين كل يوم....

بعدين الحش و الكلام هوايه الكويتيات ...

ماكو حريم ما يحشون هذي هوايتهم

طوفي و طنشي مدام ما وصلت لي الغلط عليج
​

 

[(*ام عهــــد *)]

ماقصرو البنات
والله يسخر لج زوجج ويبعد عنكم العين
بس حاولي تتحفظين على خصوصياتج انتي وزوجج مو شرط تتكلمبن فيها

 

[بقــآيآ جـروح]

مولازم تعآآملينهم بالمثل عآآمليهم مثل مآآتــــربيتي وقللي نزلاتج لهم وحآفظي
ع اسرآآرآج ولاتـــقولين كل شي وخلي اللي يسولف يسولف آذن من طين
وآذن من عين آحسن حل وعيشي حيآآتج
​

 

[Tulips]

شنو يعني خل يقطون نغزات دخلي الكلام من اذونج وطلعيه من الثانيه

خففي نزلاتج عندهم مو ضروري يوميا تنزلين و 4 ساعات وايد بعد ..

انتي اذا ماحطيتي حدود بعلاقتج معاهم من اول شي لا تتشكين واتحملي اللي اييج منهم

واذا كلمج ريلج بخصوص هالشي انتي مو مضطره انج تسمعين كلام يسم القلب كل يوم !

بكل بساطه !