ابي اسافر شهر عسل بس محتاره وين ??????

[أم حسون]

روحي ماليزيا 10 ايام والعشر ايام الثانيه روحي مكان خاطرج فيه
بس انصحج ماليزيا تهبل

 

[noorednia2]

روووحي فينا حده عجيبه وطبيعه حلوة ...

والف مبروك عالزواج وربي يوفقج ....

 

[*مارلين_مونرو*]

اذا بتروحين بالصيف (( باريس - لندن )) يهبلووون و جوهم ايننن ..

اذا بتروحين هالحزه (( ميلانو ترى حاارة بعد الحين بس اخف من الصيف - ملغا او برشلونه ))

والله يسعدكم و يوفقكم ياااارب

 

[OmYousif]

نصيحة مني اخذيها لا تروحين ديرة جوها حار و البحر ما راح يفيدك
روحي ديرة جوها بار مناظرها حلوة و فيها سوقة
عندك رحلات اوروبا و يفضل يكون فيهم سيليمزي جنيف-باريس

 

[am -3'ayeb]

روحي اوربا احسن شي لان 20 يوم على شرق اسيا وايد

 

[مســـــافره]

استراليا وناااااااااااااااااااااااااااااااسه رحلات طبيعه جو كلللل شي ولاخلصتوا مروا تايلند تسوقولكم يومين

اوربا حلوه بس ممله نوعا ما وحق ترزز وقهاوي مادري ما حبيتها كشهر عسل

شرق اسيا حرررررررررررر ومو ذاك الزود


عموما الميزيانيه تحدد كل شي الله يهنيكم وشهر العسل لو حتى يكون بالكويت بيكون غيييييييييير لانه احلى ايام بالعمر

 

[كلودين]

انصحك تروحين النمساءفينا و زلامسي تجننننننننن وساسبورغ ومروعلى المانيا تسوق

 

[@سنووايت@]

مبروك اول شي على الزواج والله يهنيج
ويعتمد اذا في ميزانيه زينه روحي الدول الاوربيه فرنسا او فينا او سويسرا صراحه شي مو طبيعي
واذا الميزانيه يعني تمشي الحال ماليزيا فيها طبيعه حلوه واماكن سياحيه واااااااااايد

 

[bride collection]

سويلج جوله بين فرنسا و لندن

حلوة اوروبا هالحزة

 

[~ عز ~]

اهم شي نصيحتي اذا بالصيف لاتقربين لا ماليزيا ولا تايلند

انا رحتها من سنتين كسروا خاطري المعاريس اللي هناك

اشوفهم واقول مساكين اي شهر عسل هذا رطوبه و زحممممه

حتى كرسي باللوبي في الفنادق كلها ماتحصلين .. فوضى و يهال و غوشه .. يعني الوضع كلش مايصلح لشهر عسل

ماليزيا واللي حولها ماتنفع الا بوقت غير سياحة الخليجيين ..

روحي اوربا .. هولندا جوها خرافه .. بااارد يرد الروح ..

زيلامسي تصلح حيل لشهر العسل بس هم زحمه في الصيف

 

[monmoon85]

تتوقعون ماليزيا تايلند شهر 5 فيها زحمه

 

[~ عز ~]

لاء


شهر 5 مافيها زحمه ابد

 

[monmoon85]

لاء


شهر 5 مافيها زحمه ابد

مشكوووورة
تتوقعين جوها اوكي ولا تزيد الرطوبه
يعطيج العااااااااااااااافيه:ggdw:

 

[vegitto]

اختي عطينا تقريبا جم ميزانيتج ؟ عشان نشور عليج .. انا انصحج بماليزيا لأسباب وايد ..
اولا انا رحتلها شهر 5 السنه اللي طافت .. فيها " شويه " رطوبه .. و الجو غائم اغلب الوقت و مرات تطمر " ترش 5 دقايق و توقف على فترات وناسه هههههه <-- فقر مطر " ..

كنا نطلع عادي من 8 الصبح لحد 10 بالليل الوضع جداً طبيعي و آمن حييل مو مثلنا الساعه 12 الظهر خايسين بالسياره مع ان مكيفها لآخر شي خخخخخخخخ

مناظر طبيعيه بتحصلين اللي تبين .. " كهوف - شللالات - خضار - جزر - بحر " ..
الاماكن السياحيه على افا من يشيل " سفاري - حديقه فراشات و طيور و زهور و حتى حديقه البهارات عندهم هههههه .. من غير نفس المتحلف العلمي بس احلا بمليار مره اسمه اكواريوم و حديقه الحيوان تكرمين اللي تتكسر ريولج من كبرها مو مثل اللي عندنا من الحر ماتروحين لها الا المغرب و الوقت هذا الحيوانات اتكون ماكله و نايمه اهناك تفتح من 9 الصبح و الجو روعه و طبعا اكو مدينه العاب بجنتنج فوق الجبل اتروحين لها بالتلفريك رووووووعه و الجو بااااااااارد فوق الجبل و اكو الجزر هم قمه "

اما من ناحيه التسوق " هذا تخصصنا ههههههههه " عاد مولاتهم لا يعلا عليها وربي .. احنا مستانسين بمارينا مول و الافنيوس اهناك عندهم مولات 7 طوابق هههههههه ولا اكو مدينه العاب اخر طابق بعد .. و عندهم مول اسمه " سوريا " يسوى 10 من مجمع الصالحيه من كثر الماركات العالميه اللي فيه وايد وايد وايد مولات روعه عندهم شكثرها و كل واحد احلا من الثاني .. و طبعا السوق الاشهر عندنا احنا العرب اسمه " تشاينا تاون " اللي في البضايع التقليد هههههههه تقليد ماركات ساعات جناط اقلام نظارات كل شي كل شي اهناك اهو سوق شعبي لكن الناس طق عليه اهناك حتى الاجانب اول ناس تشتري منه والله " نصيحه يقولج سعر الجنطه 10 دنانير قولي ابيها بدينارين وشوي شوي بتاخذينها بأربعه وانتي الربحانه و طبعا اهو ربحان بعد " .. اما من ناحيه الزحمه انا لما رحت 11/5 يمكن يمكن شفت 5 اشخاص عرب طوال 12 يوم قعدتها .. كللللللش فاضيه و الفنادق لاتحجزين من اهني ياخذون عليج فلوس اذا تعرفين شويه انجليزي ولا ريلج ترى اهناك وانتي واقفه اتحصلين غرفه بالفندق .. و فنادقهم سكنت بفندق اسمه جولدن هورسس اكببببببيييييييييير ورووووووعه اخذ منا 45 دينار لليله !! و اهني الميريديان الخايس و غرفه عاديه وربي 65 دينار عندنا نصب اشكره !!

ادري قرقت وايد .. بس حبيت افيدج ^_^

 

[vegitto]

اي نسيت و اهم ميزه بماليزيا اكلهم حلال .. حتى العلج والله مكتوب عليه حلال بالغلاف يعني ماتتعبين من اكل

 

[كوارين]

استراليا وبعدين ماليزيا وتايلند ودبي
او دول اوربية فرنسا

 

[toot^o^mishmish]

عندج ثلاث خيارات ...
الخيار الاول امريكا صج صج صج كل شي فيها من منتجعات من سوق من جو من جزر من تنقل من ولايه لي ولايه من كل شيييييييييييييييييييييي ...
وعندج دول اوربا جوها موطبيعي خاصة هالايام وناااااااسه
وعندج شرق اسيا ماليزيا اسبوع وعقبها تايلند 5 ايام وسنغافورة ثلاث ايام والمالدييييييييف وهذي اهم شي حق شهر العسل 5 ايام ...
وانتي وزعي الايام بالطريقة الي تناسبج ..
زموفقة يارب وعالبركة

 

[gardenia.79]

أختي أول شي لازم اتحددين وقت السفر والميزانية علشان نقدر انفيدج وعالعموم انا الصراحة أنصحج بستراليا اذا الميزانية رااااااااااااااهية وانتي رايحه قعدي لج يوم ريحي ابماليزيا ابمنتجع صن واي لاجون بس قعدي بالفلل وربي خياااااااااااااااااااااال ووناسه وهذه صورة الفيلا نفس اللي قعدت فيها بس انا امطلعتها من النت لأن صوري شخصيييية للغاية تدرين حمام سباحه والعيشة آآآآخر روئااان :eh_s(15):

وبعدين كملي الرحلة على استراليا روحي سيدني وجولد كوست وأهم شي أروع شي بالعالم روحي جزيرة هاملتون هذي من مطار برزبن تاخذين طيران داخلي واتروحين لها - الصراحه خيااااال وشي عجب وراقي ونظيف وماكو مقارنه طبعا بينها وبين جزر ماليزيا بس انا يوم رحت كان شهر آخر7 وأول 8 ابهالجزيرة الجو حلو يعني اهناك مايوهات ويطبون البحر بس احنا فينا خير انطب :s141: المااااي حده ثــــــلج :s141:واهي الصراحة حق سباحة علشان اتحللينها وههذه صور المنتجع اللي قعدنا فيه الصراحة أحلى وأرقى منتجع اهناك ويديد وكل شاليه لج سيارة غولف خاصة فيج صافطة عنده وعلى فكرة التمشي والمشاوير اهناك كله ابهالسياره وأخليج مع الصور -qualia resort- أنواع الشاليهات من الأغلى الى الأرخص :eh_s(15): 3:

آآآآآآآآآآآآخ ذكرتيني بأيام العز والهنا ------- وأي استفسار انا بالخدمه :bye22:

 

[remoo_007]

صراحه انا رحت هولندا خدها تهبل ومافيها زحمه عرب وااااااااااااااااااايد

بس من قرايتيي بل المنتديات ارشحلج سويسرا وفينا حداها تشوق

 

["ليان"]

انا انصحج روحي استراليا ...........
في قروبات استراليا وماليزيا ومدتها 24 يوم ............وتكلف السفره ............وخلي اوروبا بعدين لاطوفين استراليا
.