ابي اشتري ارض بري الكويت وين تنصحوني؟؟

[جنون العشق]

والله يمعت مبلغ كويس وابي ارض بري الكويت




شنو رايكم الي مضمون الاستثمار فيها غير دبي وايد غاليه




انتظر اقتراحاتكم :ggdw:

 

[شقرديه]

مصر ام الدنيا اذا ماودج مصر عندج الطايف

 

[ذويقه و انيقه]

عندج عمان 7.250 دينار لحقي قبل لا يخلصون مساحتها 600 ويقولون في بالسعودية بس ما عندي فكرة عن اسعارهم . اذا سوو معرض عقاري روحي اخذي فكره

 

[شيهانه]

شوفي معارض العقار .. يعرضون بسلطنة عمان - لبنان - لندن - الاردن - السعوديه - مصر .. بس شلون بتابعينها ؟؟؟

 

[ذويقه و انيقه]

انا عن نفسي لا يحوشك اشتري في مصر او الاردن او لبنان - الخليج اضمن و بريطانيا بعد اراضيهم معقوله .ولما تشترين يا شيهانه يعطونج صك الملكية موثق من الدوله اللي شريتي منها وتدقين على المكتب بين فتره و فتره تسإلين كم وصل سعرها .

 

[جنون العشق]

محتاره بالسعوديه بس اي منطقه مادري؟؟



وبين عمان




اشرايكم

 

[ذويقه و انيقه]

السويق و البركاء واصله لهم الخدمات و اشعارهم تزيد شهريا

 

[عدسات ملونة]

الخفجي اراضيهم رخيصة ولها مستقبل

 

[ام خالد 78]

حبيبتي القصيم بالسعوديه اراضي زراعيه والهواء نقي انا اعرف كويتيين وايد الحين يشترون فيها اراضي ويبنونها استراحات يروحون بالاجازه واذا خلصت يردون الكويت وياجرونها بالايام العاديه واي استفسار انا حاضره انا اصلي من هناك وامي وخواتي وابوي واخواني يعني العايله كلها تشتري وتبيع بالاراضي

وممكن بالطايف تبنينها شقق تتاجر على السواح او تبنينها بيوت صغيره يعني غرفه وحمام وانتي بكرامه ومطبخ صغير وحوش صغير وتاجرينهم مثل منتزه الغمير في جبل الغمير بالطايف

اتمنى اني افدتج

 

[جنون العشق]

مشكورين حبيباتي وابي المزيد من الاراء قبل تطير فلوسي

 

[فرح الياسر]

بسم الله الرحمن الرحيم
اختي جنون العشق...
انصحج بالرياض- المملكه العربيه السعوديه..واستراحه..لأن الأستراحات ارخص من العمارة و البيت....وتأجيرها سهل و تقدرين توكلين مكتب عقاري يأجرها لج ويطرش فلوسج كل اخر شهر و انتي ببيتج...بلا مستاجرين و دوختهم!!!
وفيه كويتين كثير مسوين جذيه!!!!!!!!!!!!!

 

[nmda]

فيه بالجبيل البلد بالسعوديه فيها تزايد سكاني فضيع والعقار على ارتفاع والان تبنى فيها مدن صناعيه ومحتاجين عمارات للاجار وشقق وانتي وشطارتك والجبيل الصناعيه بعد ابني فيها فيلا واجريها دورين الشقه الوحدة تطلع لك 30 الف ريال سعودي بالسنه يعني شقتين 60 الف سنويا نعمه على فكرة الجبيل تبعد عن الدمام والخبر 45 دقيقه بالسيارة

 

[جنون العشق]

اشكركم علي الردود



اخيرا محتاره بين عمان



والسعوديه بس اي منطقه بشوف محتاره انا ودي اشتري ارض وانساها ومع مرور السنين تكون لي ذخر واذا احتجت وبعتها اكون ربحانه فيها الدبل



الف شكر علي المشاركات الرائعه حبيباتي ما قصرتو

 

[ساندى]

اللى اشتروا بالطايف بكم شروا الارض ومساحتها كم
وباى منطقة بالطايف
اللة يهنيكم ردو

 

[* تيكت ايزي *]

جنون

انا عندي نصيحه لج

اهم شي قبل لا تشترين الارض بأي ديرة كانت

انج تشوفينها بنفسج

لان فيه ناس شرو ارض

ببريطانيا و اكتشفوا اخر شي

انها اصلا منحدر قوي

ما تصلح حق اي شي

 

[جنون العشق]

اللى اشتروا بالطايف بكم شروا الارض ومساحتها كم
وباى منطقة بالطايف
اللة يهنيكم ردو

والله يالغاليه اتذكر حطو بالجرايد اراضي بالطايف ابتداء من 10 الالاف دينار بس اي منطقه ماعرف

 

[جنون العشق]

جنون

انا عندي نصيحه لج

اهم شي قبل لا تشترين الارض بأي ديرة كانت

انج تشوفينها بنفسج

لان فيه ناس شرو ارض

ببريطانيا و اكتشفوا اخر شي

انها اصلا منحدر قوي

ما تصلح حق اي شي

مشكوره حبيتبي عالنصيحه

 

[BusinessWoman]

بنااااااات انتو تشتروووون ارض وبس ولا تبنونهااا

وشنو يعني تبنوها استراحه ؟؟ مو فاهم

في قانون بلكويت اللي يشتري ارض لازم يبنيها وبعمااااان جم الارض لو نبي نبنيها

وشلون على الاستثمار بلبحرين وسوريااااا

قولو البحرين غاليه خلونها على عمار وسوريا شلون الاسعار الاراضي واسعار ان نبني عليها ؟؟؟؟؟؟؟؟

وبجم الشقق تمليك بلكويت ؟"_"؟

 

[hmama]

حبيبتيش صار عليج؟؟

وين شريتي؟

 

[قمر من شافها طمر]

انصحج باراضي بشمال الرياض وايد زينه وعليها طلب فضيع

اهلي شارين فيها بس اهم شي تتأكدين انه ماعليها مشاكل قضائيه!