ابي اشتري شقة عندكم عروض؟

[mesho0o]

مرحبا كويتيات



فيه وحده من رفيجاتي بتكسن بالكويت ان شاء الله
وقالت لي اسالي لنا عن شقه بالكويت

تكون بمنطقة مرتبة وهاديه ومو غاليه وايد
تبي شقة متوسطة الحجم


قلت مالي الا كويتيات عشان يساعدونها

بليز اللي تعرف ياليت تعطيني سعر تقريبي وكيفية التفاهم

ومشكورين ياغاليات

 

[hnooy]

واللة كل اجاراتنا غالية نار واذا شقة رخيصة يعني بتكون قديمة ويبيلها تعديلات وايد

 

[ذهب الروقي]

اولا حياها الله في بيتها وديرتها الثانيه الكويت

واذا ماشالتها الشقق تشيلها عيونا

بالنسبه للشقق والله اللي اشوفه وايد في عمارات وشقق فاضيه وبالعكس قاعد يدللون عليها اصحابها بس عشان تنسكن وتتأجر

في وايد في منطقة المهبوله وابوحليفه اسعارها جدا معتدله يعني مو ذاك الغلا

يعني مو شرط السالميه وداخل الديره بالعكس تبتعد عن الزحمه وشلها بعوار الراس والزحمه خل تبعد عن الديره افضل

وبس حبيت افيدج

وسامحونا عالقصور

 

[mesho0o]

مشكورين حبيبااتي ماقصرتووو

هي ماتبي تستأجر شقه
تبغى تشتري

فيه بالكويت شقق للبيع او لا؟

 

[مو عايشة بالدنيا]

انا سمعت في شقق ب 27 الف يناسبها هالسعر والا لا؟

 

[مو عايشة بالدنيا]

انا سمعت في شقق ب27 الف يناسبها هالسعر والا لا؟

 

[mesho0o]

ايه حلووو السعر
يعني تقريبا حوالي 300 الف ريال سعودي
وايد حلو

بس مكانها شلون ؟؟ لايكون مكان مو زين
هي تبي مكان مرتب ومو غالي وايد

وشقه نظيفه
بليزز اختي اذا عندك معلومات اكثر قوليلي

 

[مو عايشة بالدنيا]

اتاكد اكثر واعطيج خبر
لان حماتي كانت تبي تشتريها وماقدرت على السعر

 

[mesho0o]

مشكورة ماتقصرين

 

[مو عايشة بالدنيا]

حياج حبيبتي
واذا تبين دشي على مكاتب العقار وراح تحصلين اللي يسرج وان شالله يفيدونج اكثر مني
ونحصلين سعر ارخص بعد