ابي اشتري شقه ياليت تفيدوني..

[^غلاي أنت^]

السلام عليكم ..
الموضوع مبين من عنوانه ..
ابي اشتري شقه منو عندها فكره بهالموضوع ..
يعني..
لازم الدفعه تكون جم على الاقل؟؟
الشقق تتكون كبيره ولا قراقير مثل العماير التجاريه ؟؟
جم قصدها تقريبا؟؟
يايت تفيدوني بنات والي يسلمكم ..
بانتظاركم..

 

[^غلاي أنت^]

؟؟ ؟؟
بنات ولا وحده عندها فكره؟؟

 

[**روان**]

ابوي عقاري
لين شفته اسأله لج -

 

[^غلاي أنت^]

حبيبتي اكون شاكرتلج..
يالله بنات وينكم .. >> >> متحمسه لا تكسرون مياديفي..

 

[د.شريفة]

والله انا بعد بخاطري فيدونا الله يسلمكم

 

[**روان**]

السلام عليكم ..
الموضوع مبين من عنوانه ..
ابي اشتري شقه منو عندها فكره بهالموضوع ..
يعني..
لازم الدفعه تكون جم على الاقل؟؟
الشقق تتكون كبيره ولا قراقير مثل العماير التجاريه ؟؟
جم قصدها تقريبا؟؟
يايت تفيدوني بنات والي يسلمكم ..
بانتظاركم..

على حسب وين تبين .. و مساحة الشقه و مكانها في شقق توصل لـ 70 الف
مثلا بمحافظة الفروانيه ب32 الف الى 40 الف غرفتين وصاله و حمامين و مطبخ و المساحه 70 متر
يعني الشقه تكون مقبوله بس مو كبيره .

و القسط على حسب ما تكونين دافعه للبنك .. بالدفعه الاولى
يعني دفعتي مبلغ كبير ينزل القسط .. مبلغ قليل يرتفع القسط

 

[أحلى ريماس]

يالله بنات فيدونا

 

[ثلاثينية]

عن نفسي شريت شقه سنه 2004 وبعدي ما استلمتها والدفعات كانت على مراحل
وان شاء الله شهر 11 استلم الشقه
طبعا هالشقه تابعه لشركه الارجان واهي دوبلكس وعلى البحر

 

[كويتية هيبه]

لازم تدفعين نص قيمتها يعني اذا 30 الف تدفعين 15 والباجي تقاصدينه
والقسط حسب مبلغ الشقه بس تقريبا بال 200

 

[أحب بابا جابر]

اليوم قريت بالجريدة عن شركة ( الزمردة + شي ) إذا ماني غلطانة
تعرفين المشروع اليديد في العقيلة ؟
وايد عالي المبنى
سعرها ب
20,800 kd
إذا ماني غلطانة بالكسور بس الاكيد 20 الف
بس المواصفات ما ادري شنو اهيه لأنهم مو حاطينها بالاعلان
موفقة

 

[ساره الاماراتيه]

بغيت اسأل بنات ..انا من الامارات عادي اشترى شقه عندكم ..لاني اشوف الاسعار رخيصه..يعني عادي من غير الجنسيه الكويتيه ...واذا عادي كيف الطريقه ..الله يجزيها خير الي تخبرني ...

 

[D_Stylle]

انا بعد ابي شقه تمليك بالتقسيط

 

[كيوت_25]

بغيت اسأل بنات ..انا من الامارات عادي اشترى شقه عندكم ..لاني اشوف الاسعار رخيصه..يعني عادي من غير الجنسيه الكويتيه ...واذا عادي كيف الطريقه ..الله يجزيها خير الي تخبرني ...

من قال رخيصه يا الطيبه ؟!؟!

اصلا معروفه الكويت العقار فيها ناااااااااار صلخ :eh_s(14):

و الي اعرفه انه الغير كويتي يقدر يتملك عقار بالكويت بس قبل كان ما يصير و الله اعلم

 

[مسك الجنوب]

حيل غالين بالكويت

دبي شقه فيها تمليك في نخله جميرااا ب20 الف دينارر

 

[حصوص الكويتية]

العقار عندنا نار حيل

شقة تمليك غرفتين وحمامين وصالة ومطبخ يعنى ضغيرة موكبيرة سعرها ب 28 الف وتقدرين اقساط من غير فوائد وكل شهر الف دينار تدفعين انا سئلت الشركة

 

[memy-08]

للرفع

 

[متجولة *]

بغيت اسأل بنات ..انا من الامارات عادي اشترى شقه عندكم ..لاني اشوف الاسعار رخيصه..يعني عادي من غير الجنسيه الكويتيه ...واذا عادي كيف الطريقه ..الله يجزيها خير الي تخبرني ...

اية اختي عادي تشترين ويكون ملك لج بالكويت

 

[softlady]

رفع

 

[وسمة-العبره]

عاد توني قريت اعلان من جم يوم بالوطن عن شقق تمليك بالمهبولة ب 19.950 الف ومترددة ودي اسأل محامي فيها عشان اضمن حقي

 

[كيوت_25]

عاد توني قريت اعلان من جم يوم بالوطن عن شقق تمليك بالمهبولة ب 19.950 الف ومترددة ودي اسأل محامي فيها عشان اضمن حقي

الحين اسعارهم صارت نار

هذي يمكن تلقينها قرقور غرفه و صاله

حتى انا ودي بس محتاره و خايفه