ابي اشعر بالسعاده والراحه مع عيالي

[تحرير @]

السلام عليكم بنات بقول لكم مشكلتي وباختصار انا عندي طفلين ميننيني مطلعين الشيب برأسي وماعندي خدامه ومن الصباح لما الليل وانا اشتغل واتضايق لما يخربون شي لدرجة اضربهم وأاعمارهم صغيره أحس بعض الاوقات باحساس استغفر الله أتمنى لهم شي العدو مايتمناه بعدوه اعاملهم بقسوه خاطري يوم من الايام ماتنرفز منهم خاطري. أحس بالامومه خاطري يرتاحون معي خاطري أعيش بسعاده مع عيالي اللي تييب لي حل الله يسعدها دنيا واخره

 

[Tom ♥ Jerry]

,

بنقل موضوعج الى قسم الحياه الزوجيه
هناك امهات آكثر و يفهمون بخصوص التربيه :*
آن شاء الله يفيدونج

 

[Perfume]

هدي اعصابج حبيبتي
جم اعمارهم بالضبط ؟
اذا يفهمون علميهم ينظفون ويرتبون بعد مايحلصون لعب
ولا تحرين عمرج
كل اليهال حركيين ويخربون
اذا في امكانية تييبين خدامة يكون افضل عشان تساعدج

 

[أم بتول*]

طالما كتبتي مشكلتلك معناها حابة تتغيري تجاههم وهاد شي كتير منيح
لازم تحسسيهم بالحب والحنان حتى يتغيرو ويتجاوبو معك يعني أول شي لازم تغمريهم بالحنية والحب وكل شي بدك ياه تعلمي كيف تتعاملي معهم على حسب أعمارهم في مواقع كتير بتساعدك بهالشي ولا تضربيهم الضرب ما بيعلم بالعكس بيزيد العناد عندهم
وبالنسبة للشغل والله يا عزيزتي كلنا عم نهلك بعيالنا الله يحفظهم ويحميهم في متل بيقول (ما بيربى جسد لا يفنى جسد) وهيك عم يصير معنا
الله يعينا جميعاً والله يحفظهم ويخليلك ياهم

 

[رنيم الروح]

حبيبتي لا طقينهم لانه الاطفااال مو مثل اطفال قبل الحين اطقينهم يروح يعاندك ويخرب
كل الاطفال نفس الشي ويبي من يتحملهم ومستحيل تتحكمين فيهم وتجبرينهم على نظام يريحك
على قولت خالتي (اطفالنا الحين فيهم طفرة النشاط والشقاوه )
يعني الموضوع كله في جميع الاطفال اذا مو اغلبهم
اتحمليهم اجذبيهم حق العاب معينه اذا يفهمون
حاولي اتفرغين طاقتهم لو في العب معاهم
لكن اسلوب الطق والعصبيه ابتعدي عنه
وكل ماعصبتي ادعي لهم بالهداية لا تدعين عليهم بشي مو زين ممكن تستجاب وتتحسفين عليه

 

[modern]

الله يهدي بالك

 

[ضــمــاد]

طبيعي تصرفهم لانهم ( أطــفـــــــــــــــــال )

وحرام اللي تسوينه فيهم , أنتي أم , بهالطريقه قاعده تبين حاجز بينج وبينهم ,

بهالعمر يحتاجون للحضن والحب والاحتواء , وفريه لهم , قبل لا يكبرون ويكبر هالحاجز ويدورون هالشي عند غيرج

مو ذنبهم انه امهم ماعندها خادمه , عشان ترتاحين هيئي غرفتهم نسقيها ع اساس تكون غرفة نوم وغرفة العاب

بوقت واحد , اذا تقدرين تشركينهم بنادي مثلا بوكسنق او سباحه , بحيث يطلعون كل طاقتهم بالرياضه وانتي تتاحين

 

[مالك صاحب]

حبيبتي الله يحفظهم ويخليهم لج



اذا اعمارهم صغيرة يبيلهم صور تركيب تكون كبيرة او لعبة التركيب او البيت اللي فيه كور وايد تحطينهم بالغرفة وهلهم يلعبون ليمه تخلصين شغلج بعدين حياتي انتي قلتبها يهال

 

[Koko7taty]

Up

Up

Up

 

[قلب الزعابي]

والله نفس عيالي
ماشاء الله عليهم
بس عندي خدامه تساعدني
ام زوجي اذا شافت الاطفال حركيين وايد
أتيب شيله وتربطها بطرف الكرسي او الطاوله
وتربط ألياهل من ريله ماترص طبعا
وتيمع الألعاب وكل شي وتخليه يالس غصبن عنه ويلعب
فالبدايه يكره الشي ويصيح
بس يرضى بالواقع ويتعود
وجي تسوي مع عيالي
وأشوف الوضع وايد مريح
لان ولدي مايا كل الا اذا رابطتنه ولا ماشاء الله عليه مايقعد
والحين تعود جزة الأكل هو يقعد ويمد ريله لي عشان أربطها
هههه
بس طبعا بوجودي وما اروح عنه مكان
يمكن الحل يفيدك

 

[attoosh]

عندناً و عندج خير انا ودي ساعات اذبحهم

 

[granted]

ترى فيه وايد متمنيين ياهل ومو محصلين وانتي تتمنين لهم شي مو زين
الله يهداج ربي بيحاسبج ترى

 

[انصاريه قمره]

والله نفس عيالي
ماشاء الله عليهم
بس عندي خدامه تساعدني
ام زوجي اذا شافت الاطفال حركيين وايد
أتيب شيله وتربطها بطرف الكرسي او الطاوله
وتربط ألياهل من ريله ماترص طبعا
وتيمع الألعاب وكل شي وتخليه يالس غصبن عنه ويلعب
فالبدايه يكره الشي ويصيح
بس يرضى بالواقع ويتعود
وجي تسوي مع عيالي
وأشوف الوضع وايد مريح
لان ولدي مايا كل الا اذا رابطتنه ولا ماشاء الله عليه مايقعد
والحين تعود جزة الأكل هو يقعد ويمد ريله لي عشان أربطها
هههه
بس طبعا بوجودي وما اروح عنه مكان
يمكن الحل يفيدك

استغفر الله العلي العظيم هذا بني ادم حاله من حالكم مؤ حيوان تربطونه دام كم مؤ. قد العيال ليش تريبونهم خافي ربج ليكون يوم كنتي صغيره ما كنتي تلعبين واتحركين ترا الطفل بطبيعته حركي اتقي الله بعيالج علشان يبرونج بأجر

 

[انصاريه قمره]

اتقوا الله بعيالكم انا بناتي ٣ يبتهم ورا بعض اكبرهم عمرها ٣ سنوات ونص وكنت بروحي محل كان يساعدني ما يبت خدامه إلا قبل ٥ شهور لأني حامل وادرس حاليا ما عذبتهم وربطتهم أوكي اعصب واطلق بس مؤ الطق اللي يموت انتوا أمهات ولا شنو وو الناس أتمنى ظفر ياهل وآنتوا مؤ أعجبكم الوضع ومنزعجين طبيعي إلياهل بطبعه حركي ويحب يستكشف إذا انتي وياها مؤ قد العيال لا تفرخون وتظلمون هاليهال الفقاره

 

[Sohai]

السلام عليكم بنات بقول لكم مشكلتي وباختصار انا عندي طفلين ميننيني مطلعين الشيب برأسي وماعندي خدامه ومن الصباح لما الليل وانا اشتغل واتضايق لما يخربون شي لدرجة اضربهم وأاعمارهم صغيره أحس بعض الاوقات باحساس استغفر الله أتمنى لهم شي العدو مايتمناه بعدوه اعاملهم بقسوه خاطري يوم من الايام ماتنرفز منهم خاطري. أحس بالامومه خاطري يرتاحون معي خاطري أعيش بسعاده مع عيالي اللي تييب لي حل الله يسعدها دنيا واخره

ادعي من ربك الله يهديهم لا تدعين عليهم دعي دعاء ان الله يهديكم حتى يكون مسوي شئ قلط لا تدعين عليهم عاقبيهم بل حرمان يعني مثلا لا توديهم الجمعيه قولي لهم ما في العاب ما في ملاهي مافي مطعم ألي يحبون اتشوفين يركضون عليكي يبون يرحون معك يبون رضاك بأي شئ لكن العقار صدق تسوين علشان ما يعيدها ادعي من ربك يغيرهم من حال إلى حال من الاسوء إلى الاحسن ادعي ان يبرو فيكي عوديهم على الصلاه حتى مهما كان صغار يتعودون ان يصلون معك عوديهم ان يقبلو راسك ويحبونك ويلموكيوالله يسعدك دنيا واخر

 

[تحرير @]

الله يسهل علينا لو مو مضطره ما ييت اكتب موضوعي لو راضيه في اللي اسويه فيهم ماييت ادور حل لسالفتي يزاكم الله خير اللي فادوني بجرب وبضغط على نفسي من اجل راحتي وراحت عيالي

 

[ناتشوو]

انصارية قمرة
مايربطون حيل مثل عزج الله الحيوان
قصدها فترة معينة
وبعدين في فعلا اطفال عبارة عن رعب
حركيين بزوود
.... ان هذه العضوة قد اعجبتها الفكرة
ههه
بس حسافة عيالي
كبار ع الربط

ماعلينا
تحرير
اتوقع سالفتج
اكبر من شطانة عيال
اشلون علاقتج مع الابوالاهل
احس انج مضغوطة
او حيل مخنوقة منهم
مافي متنفس
فالسالفة انج تحطين الحرة فيهم
واستعيني بالخادمة
صج تشيل عنج التنظيف والبيت
حتى نفسيتج تتغير مع العيال
لانهم يكونون همج الاوحد
وع ماتطلبين
استعيني بالمؤقتات
يغسلون يمسحون اوتي غسيل ويتوكلون

 

[قلب زوجي وولدي]

صدقيني اذا في امكانيه للخدامه هذا أفضل حل اهي تشيل شغل البيت كله
وانتي بس تجابلين عيالج وتلعبين معاهم وتعطينهم كل وقتج


​

 

[ري777ما]

عيالج مافيهم شي طبيعين بس انتي اللي فيج غضب وعصبيه وضيقه فجذي حطيتيه بالجهال احنا ساعات او ايام وشهور تمر علينا ضغوطات مانتحمل فيها نفسنا فما بالج اعيالنا. اقولج علي حل شغلي سورة البقره بالبيت. واستغفر الله. وكل ماسو شي غلط عاقبيهم اول اشتري لهم حوض سباحه يهد حيلهم فيهم نشاط وطاقه وانتي حاكرتهم

 

[الـجـميلة]

حطيهم عند اهلك ولا اهلة