ابي اشعر بالسعاده والراحه مع عيالي

[أأأميرة الورد]

الله يهديهم لج

لازم تجبين خدامه تسااعدج وتخفف الضغط عنج

 

[جذابه بنت ذيابه]

حبووبه


نصيحه خليهم يساعدونج بالبيت طلعي الطاقه اللي فيهم انا اعيالي اسم الله عليهم حيل حيل حركيين ودايم ابجي من تصرفاتهم
ومابقا لعبه ماشريتها لهم صرت اخليهم يساعدوني بالبيت و اعطيهم كل شوي شغله اشغلهم فيهاا لدرجة مايحبوون الققققعده كله يتحركون الله يصلحهم

بس حاولي مره ومرتين وثلاث

 

[ريتااجي]

حبيبتي حاولي لما تعصبي منهم

تستغفري ربج وتعدي لين العشرة

ليين تهدئ طبيعي الطفل حررركي

بالعكس المفروض تفرحين عيالج

حوااليج وحركتهم ونشاطهم

انهم طبيعين انا عندي ولدين

واحد ست سنوات وشوي والثاني

ست شهور ربي يحفظهم

طبعا الكبير يعفس الشقة

الصالة وغرفته كلها العاااب

اخليه براااحته اذا مالعب في

الشقة وين اخليه يلعب

فيعفس لي الشقة من العابه

مااقول مااعصب الا اعصب

بس ماادعي عليه لو شنو

فصرت اتبع معاه اسلوب

اذا بنظف اقول له مين الحلو

اللي بيساعد مامته طبعا

يقول لي انا فيقوم ويشيل العاابه ويرتب غرفته

وانا بس علي انظفها وامسحها وهذي سالفتي

معاه يوميا حاولي تتعاملي معاهم باسلوب

التحفيز ولاتطقينهم الا اذا خلااص استنفذتي

كل الطرق

 

[نـعـومـه]

جم اعمار عيالج الله يحفظهم




استغلي وقت فراغهم

او ححزي انتي وريلج شاليه استرخاء

 

[أم مجاهد]

الله يخليهم لك ويخليك لهم ويبلغك فيهم معاريس

نصيحتي لك وعن تجربة
الرمل جيبي لهم سطل رمل ويكون نظيف وخل يلعبون فيه
لأنه معروف انه يحول طاقتهم السلبية الى ايجابية وله فوااائد كثييير واذا تلاحظين انها موجودة في رياض الاطفال ولها حصص بعد من قوة تأثيرها على الطفل سوي بحث بالنت وشوفي

وانا قلته لك من تجاااارب ناس أعرفهم والله تغيروا عيالهم حيل
بس انتي اصبري واحتسبي الله يكتب أجرك

والأولاد نعمة من رب العالمين ونشكره عليها بتربيتهم على طاعته كم شخص محروم منها ويتمناها ؟؟

وأحسن شي دخليهم في حلقات تحفيظ عشان يحفظون القرآن وينفعه بالدنيا والآخرة والبنات بالتربية الصالحة يكونون لكم ستر من النار يا رب لك الحمد على هالنعمة أجرها عظيم ولا أحصيه بالكتابة أعتذر ان طولت بس حبيت أذكر خواتي ..​

 

[اذوب بكلامه]

ياقلبي كلنا نعصب من عيالنا بس نستغفر ونتعوذ من ابليس
وانا دايم اقول تنقطع ايدي ولا امدها على بنتي ربي يحفظها من كل شر
ومثلا اذا بنتي خربت الغرفه ورمت العابها بكل مكان اعصب بس اتعوذ من ابليس واتذكر ان عمرها عشر شهور حرام ماتفعم اقوم والعب معاها واعفس الدنيا اكثر واطلع عصبيتي ههههههههه

 

[اقماري]

والله نفس عيالي
ماشاء الله عليهم
بس عندي خدامه تساعدني
ام زوجي اذا شافت الاطفال حركيين وايد
أتيب شيله وتربطها بطرف الكرسي او الطاوله
وتربط ألياهل من ريله ماترص طبعا
وتيمع الألعاب وكل شي وتخليه يالس غصبن عنه ويلعب
فالبدايه يكره الشي ويصيح
بس يرضى بالواقع ويتعود
وجي تسوي مع عيالي
وأشوف الوضع وايد مريح
لان ولدي مايا كل الا اذا رابطتنه ولا ماشاء الله عليه مايقعد
والحين تعود جزة الأكل هو يقعد ويمد ريله لي عشان أربطها
هههه
بس طبعا بوجودي وما اروح عنه مكان
يمكن الحل يفيدك

هههههههههههههههههه يالبى ريله اللي يمدها حبيبي مت ضحك من حركته مقتنع بالامر الواقع.

تحرير حبيبتي هدي اعصابج توج اصغيره اكيد وام جديده مو متأقلمه مع الوضع عاااااادي حبيبتي كل الجهال حركيين مزعجين انتي علميهم لعبي وياهم ونسيهم وعقب مايلعبون قومي وياهم رتبي وعلميهم ع الترتيب وشجعيهم.
الطفل ذكي يفهم ابسرعه بس لازم تعليم اللحين ولدي الصغير عمره سنه وشهرين يمشي اذا قعدنا ع السفره مااعطيه اكل ليما يقعد لما يقعد لازم هيااااا وصفقه يستانس مع انه توه نتفه اذا قط اكل اقوله لا لا لا كخه واشيله واعلمه ايشله صار اللي يطيح اهو يشيله قبل كان ايقط قلاصه مع التعليم صار يعطيني اياه او ايحطه بالصينيه ولازم تشجيع وصفقه حيل يستانس ..
اللعب لازم تخلينهم يلعبون عشان يكبرون ويتطور مخهم ويتفتح عقلهم لازم تشاركينهم باللعب لاحقه ع الشغل خليهم ابراحتهم تره عيالج ارحم حييييييييييل من غيرهم شفت جهال الحمدلله الذي عافانا كانهم ماتربو بدل مايلعبون بالالعاب يلعبون بأنفسهم ..
لا تحكرينهم وتطقينهم تره تتغير ميولهم ايصيرون مهزوزين مكسورين انتي امهم مالهم غيرج احد يتحملهم.
اخليلهم مكان معروف للعب دارهم او زاويه بالصاله وحطيلهم صندوق للألعاب لي خلصو شجعيهم ايحطونها فيه واعتمدي العاب تنمية الذكا والالعاب التربويه اكثر.
عقب العشاء سبحيهم ونوميهم من السبع احسن شيء والوقت الباقي تقعدين فيه تشوفين فلم تسوين لج عشاء براحتج اذا ريلج موجود تقعدون مع بعض تعزمين رفيجتج جارتج خلي هالوقت لنفسج ..

كلها فتره ويكبرون وايروحون الروضه ويكون عندج وقت اكثر وترتاحين.

 

[* Snow White *]

غيري نفسج بالآول، عشان ترتاحين. الاطفال مالهم شغل باللي قاعد يصير،
الله يعين اليهال اللي جي امهاتهم حرام لاتعقدونهم