ابي اشوفه .. يقولون ملقوفا :\ .. انتاو شرايكم؟

[mi corazon]

السلام عليكم

بنات آنا انخطبت من جم يوم

وبالنظره الشرعيه ما جفته عدل ..يعني الحين ماعرف ملامحه .. وتسألوني اقولكم ماعرف شي عنه .. صوته ماسمعته عدل

الحين تحسف .. لأني كنت ابي اسأله وايد اشياء بس ماقدرت اتحجى لساني انعقد

امس قلت حق خواتي ابي اشوفه واقعد معاه مره ثانيه قالوا لي قعدي يالملقوفه مو امي يابته لي يمج وقالت سالوا بعض سولفوا وانتوا الطرمان؟ ولا احد حاجى الثاني

الحين بنات شلون؟ مادري اقول حق امي بشوفه واقعد معاه؟ اخاف يقول شهالعوبه متشفقه تب تشوفني مره ثانيه """

ولا اقول حق اخوي ابي اكلمه يوم الفحص الطبي؟ اختي تقول ماراح يرضى اخوي .. بيحس جنه قاعد يضبطكم لول

واختي الكبيرة تقول اهوا طبيعي بيسلم عليج ويسأل عن اخبارج يعني عالاقل يخلي انطباع

بنات مادري خواتي يقولون اني حنانه من بدت السالفه .. آنا مو حنانه آنا ابي اشوفه بحجي معاه """"

احس نفسي خذوه فقلوه

 

[لـولـو الحلوه]

الله يتمم لج على خير يارب

حبوبه عادي قولي للوالده ابي اشوفه مره ثانيه مافيها شيء

قولي كنا حييل مستحيين وماعرفت شيء عنه حتى صوته ماسمعته

انا جذي اكثر من مره كنت اطلب اني اشوف الخاطب واقعد معاه مافيها شيء هذا حقج مو لقافه ولا شيء


والله يوفقج يارب

 

[ريماس21]

اول شي الله يوفقج ويهنيج ويتم كل شي على خيررر

وانا اقوول يووم الفحص اكيد بسالج شلونج ومن هالحجي وانتي عاد تمقلي عدل لوووووووول

الفحص برمضان عاااد يعني تروحين الصبح << ادري سؤال عاار بين الموووضوع

 

[للزين هيبه]

كح كح

مووودري احس فشله تقووولين ابي اشوووفه جدام اخووج وامج....

عاادي اذا بتسألين عنه سألي اخووج عنه ومولاازم تسمعيين صوووته واذا بتشوووفينه

..

واذا اهوا طلب يكلمج ذيك الساااعه قوووولي اللي بخاااطرج؟؟؟

بالتوفيق

 

[**(فـيـلا دانـتـيـل)**]

شنو السؤال المهم اللي تبين تسإلينه ؟؟؟!!

ترى حتى لو جاوب احتمال بعد سنه تسإلينه نفس السؤال يرد عليج بجواب ثاني
االواحد فينا تتغير قناعاته وافكاره كل ما كبر ونضج ..

اما بخصوص الشوفه .. فراح تشوفينه بالفحص
انتي بس استخيري
والله يتمم على خير

 

[هنـــــد]

رد : ابي اشوفه .. يقولون ملقوفا :\ .. انتاو شرايكم؟





وييييييييييييييه ! خلف الله علي أنا ما جفته الا يوم العرس ع الكوشه
وما تحجيت وياه الا من باجر الصبح .. الا انتي عووووبه ونص ^_*
نطري لين تملجون ع الاقل خخخخخ ..
حبيبتي الله يتمم لج بخير ويسعدج ويسخره لج وموفقه ان شاءالله

 

[*سحآبة*]

رد : ابي اشوفه .. يقولون ملقوفا :\ .. انتاو شرايكم؟

انا ما اقترح عليج انج تطلبين تشوفينه ..خلي كل شي يجي بوقته حلو

راح يسلم عليج يوم الفحص ..وتمقلي فيه عددددددل ههههههه

موفقة يارب

 

[حرم_طيار]

رد : ابي اشوفه .. يقولون ملقوفا :\ .. انتاو شرايكم؟

شوفي يوم الفحص والله كريم الله يعينج

 

[[[ عيون جابر ]]]

مافيها شي اذا طلبتي تشوفينه مره ثانيه

 

[*ريما*]

رد : ابي اشوفه .. يقولون ملقوفا :\ .. انتاو شرايكم؟

بالصراحة فشلة تطلبين تشوفينة مرة ثانية

 

[زهراء الركابي]

رد : ابي اشوفه .. يقولون ملقوفا :\ .. انتاو شرايكم؟

من حقج تشوفينه
هذا زواج وعمر مو يوم ولا يومين

 

[حبيبي وبس]

صح يوم الفحص اهي فرصتج

 

[blue diamond]

حبوبه دامج على البر ليلحين يحق لج انج تشوفينه مره ثانيه وثالثه ورابعه
انا رفيجتي شافته مرتين وقبل الفحص بيومين قلبها نغزها فقالت حق اهلها تبي تشوفه مره ثالثه عشان تتطمن أكثر فشافته عادي واسألته اكثر

 

[Tutti-Frutti]

رد : ابي اشوفه .. يقولون ملقوفا :\ .. انتاو شرايكم؟

عادي طلبي تشوفينه
واذا قالو لا

خليها لـ يوم الفحص

 

[ريماس 89]

رد : ابي اشوفه .. يقولون ملقوفا :\ .. انتاو شرايكم؟

فديتج ربي يوفقج بس من حقج انج اتشوفينه ترى هذي حياة عمرج كله معاه طلبي من امج وقعدي معاه وتمقلي عادي على الاقل يكون في راحه حقج بس اهم شي سالو عنه زيييييين والله يتمملج على خير

 

[نشيج الروح]

من حقج تطلبين

 

[kuwaitya_zoGaa]

عادى طلبي

 

[توفـــا]

من حقج بس يوم الفحص عندج لا تطلبين منه نطري الفحص وشوفيه عدل واذا تبين شي سأليه مافيها شي

 

[اشتياق]

لبسي نظاره شمسيه بالفحص وفيج وماتمقلتي لووووووووووووول

 

[noo7a]

من حقج تشوفينه مره و مرتين و ثلاث هذا زواج للعمر كله مو حق يومين
و تلقينه اهو بعد متحسف لان ما تكلم لانه منحرج