ابي اشوفه .. يقولون ملقوفا :\ .. انتاو شرايكم؟

[mi corazon]

بنات خلاص بكلمه يوم الفحص .. بس شلون اقول حق اخوي؟

ولو خلاني اكلمه فشله .. مابي جدام اخوي عاد اخوي بيكون منتبه اكثر من المعرس لول شهالبلشه؟

مشكورين حبيباتي كل اللي دعولي .. تمو ادعولي لأان الملجه اخروها لي بعد رمضان :\

 

[sweet dashttya]

رد : ابي اشوفه .. يقولون ملقوفا :\ .. انتاو شرايكم؟

تبين تشوفينه شوفيه يعني احنا شنو بنسوي ؟؟؟

بس هذا زواج لازم من حقج تشوفينه وتكلمينه يمكن طريقة تفكيره ما يعجبج

 

[هيبة ملك]

من حقج تشوفينه خل يتطمن قلبج

 

[@ام ضاري@]

رد : ابي اشوفه .. يقولون ملقوفا :\ .. انتاو شرايكم؟

بالفحص الطبي تمقلي فيه مو شرط تسولفين

باجر تشبعين من الشوفه

خليها جذي احسن دام كل شي اوكي

والله يوفقج يارب

 

[كويتيه مذهله 87]

يعني انتي بتشووفينه وتسمعين صوته ولا كلش ماتعرفوون اخلاقه وطباايعه

اذا زين وسألتوا عنه كل شي تمام ماله داعي حبوبه تشووفينه

 

[اميره1980]

ذكرتيني بنفسي
اول مره يه خطبني كنت مستحية و نسيت اساله جم سؤال بس الفرق بيني و بينج اني خزيته عدل
بعدين طلبت من اهلي اني اشوفه مره ثانية اهلي متفهمين بس اهوه ما رضا و كلمته بالتلفون صج انا عوووووووبه كاك لا و كان ما يعطيني ويه بعد و ثقيل حيييييييييييل

 

[Un-6be3iya]

عآدي طلبي انا بنت عمتي جذي طلبت تشوفه مرة ثانية والحمدلله صار نصيب بينهم والحين صارلهم سنة متزوجين الله يرزقهم بالذرية الصآلحة : )

 

[Om_Ksha]

لا عادي من حقج هالشي ..
انا كنت بموقف نفسج انخطبت واول مره احس ماقدرت اسئله شي لاني مستحيه وطلبت اني اشوفه ثاني مره وقعدت معاه وسبحاااااااان الله ماصار بينا نصيب .. والحمدالله اني شفته مره ثانيه لانه تعرفت على افكاره وصدمني فيها مبجر قبل لا اتوهق

والحين الله رزقني بواحد يسواه ويسوى اصله .. بس شنو همن ريلي لمن خطبني انا وياه صمن بكمن وسبحان الله مافرقت معاي ولا قلت ابي اشوفه مره ثانيه بعدها تمت المكالمات بينا تلفون وارتحت له حيل وعلاطول ملجنا ..

 

[mi corazon]

امبيه بنات ..

ام كشه قريت ردج وتحمست ابي اكلمه بشوف شلون يفكر

بنات اهما اهلي سألوا عنه عدل والكل قال عنه انه خجووووووووووول " مايندره" .. وهادي حيل

بس مادري .. لمن ايو يخطبون بس اهوا وابوه ما ايو عمامه او خواله معاه .. ولمن امي سألتهم قالوا اكو مشاكل بينهم

آنا اهني قلبي انقبض .. وقتها فكرت اني ابي اعرف شلون طبعه .. لا يكون حقود او معقد

ىنا مابي اشوفه علشان اتمقل بويهه آنا عندي خطط ابي اسويها بالمستقبل ومادري جان اهوا من النوع المتفتح ولا لأ !! وقلت حق امي قوليله اني ابي اسوي جذي وجذي .. بس تعرفون عاد الامهات لي ايا النصيب ما يصدقون .. ولا قالت ولا شي :\

اميره آنا اهلي متفهمين وعادي اشوفه مره مرتين عشر وحتى لو نقعد بروحنا .. بس المشكله آنا استحي شلون افاتح امي بالموضوع؟ واهوا بيقول وين اللي تستحي الحين متشفقه تب تشوفني :$

المهم الحين شلوووووووووون؟ شلوووووووووون؟

 

[الا انــــــا]

حبيبتي بتشوفينه بيوم الفحص وطبيعي اقل شي راح يعزمكم على عصير

في هالحاله لازم وحده من خواتك تفهم اخوك انه مايصير يقعد وياكم يقعد قريب منكم
واذا اخوك متزوج راح يكون متفهم اكثر

والله يتمم لك على خير

 

[ريتااجي]

رد : ابي اشوفه .. يقولون ملقوفا :\ .. انتاو شرايكم؟

من حقج تشوفينه مرة مرتين ثلاث عشر

هذا زواج مولعبة وعشرة عمر مو يوم او يومين

وربي يوفقج

 

[ساندريلا]

من حقج تطلبين هذي حياتج
انا حماي تقدم حق وحده والله قعدت معاه يمكن 4 مرات علت جبده وبالاخر رفضته بعد لوول
بس نقدر نقول الي سوته غلط لا طبعا هذا من حقها لانها بتعيش معاه طول عمرها ولازم ترتاحله
الله يوفقج ويتمم عليج انشالله

 

[شقرا كويتيه]

رد : ابي اشوفه .. يقولون ملقوفا :\ .. انتاو شرايكم؟

مثل البنات بيوم الفحص نظاره ولاتنزلين عيونج منه لين تملين هههههه موفقه

 

[روئ الايام]

رد : ابي اشوفه .. يقولون ملقوفا :\ .. انتاو شرايكم؟

حبييبتي شباب الوقت حريصين اكثر من على الشوفه والجلسه انتبهي لاتطابين الجلسه معاه لانه راح يطلب من اهلك والركاده زينه .

 

[mi corazon]

بعطيه فرصه .. ولو ماطلب وحتى بعد الفحص بطلب اشوفه قبل الملجه .. الله يسهل

 

[جروح الزمن 3]

الله يوفقج بس لاتطلبين هالطلب من اخوج اثقلي وبعدين اكيد في ملجة اهني اتحجو على كيفكم

 

[مهفهفة]

احنا بعايلتنا لي خطبوا البنت

من حقة شوفة اولى وثانية وثالثة جان بغت

لانه ما توضح كل الامور من شوفة وحدة

مو شفاحة ولا شي .. من حقج

طلبي من امج تكلم امه تقولها البنت ما استوضحت لها وايد امور بالقعدة الاولى تحتاج شوفة ثانية .. ماشوف فيها شي

والي شاريج ماراح يوقف على هالامور

احنا الشوفة عندنا مو بس هدفها اشوف شكله ويصير قبول نفسي

احنا الشوفة نتكلم ونسئل بعض ونستفسر فمن جذي يمكن نطلب شوفة ثانية

واصلا طبيعي هالشي عندنا ولا احد ينقد عليه

مادري يمكن طريقتكم غير عنا

 

[mi corazon]

مهفهفه امبلى حبيبتي احنا بعد نفس الشي .. بس آنا مستحيه .. اخاف ينعقد لساني مره ثانيه عاد اهني تمصخ السالفه

عالعموم اليوم اطهر ان شالله واصلي استخاره مره ثالثه واقول حق امي بشوفه علشان ارتاح نفسيا ولو مارضت " خو امي دايمن تقول انتي عوبه ولسانج طويل .. خايفه افشلها يكون !!" .. المهم لو مارضت بخليها بعد الفحص وقبل الملجه

بس ادعولي حبوبات

 

[LuLiTa]

اي خوو عاددي هذا من حقج ,,, و بالفحص الطبي يمكن ما تقدرين اتشوفينه و لا تكلمينه عدل ,,, يمكن اهوو و اخووج يقعدوون بصوب الرياييل و يخلونج صووب الحريم ,,, حزتها شنو استفدنا ؟؟؟

طلبي اتشوفينه مرة و اثنين لحد ما يطمن قلبج لانه الزواج عمر مو يوم ,,, و الله يوفقج ,,,

 

[ام كوشه منكووشه]

رد : ابي اشوفه .. يقولون ملقوفا :\ .. انتاو شرايكم؟

الله يوفقج انشالله ويسعدج
حبوبه اذا كانت الاشياء اللى ودج تسألينه عنها مهمه وممكن تأثر على قرارج لا طلبى من اهلج انج تقعدين معاه لكن اذا كانت مجرد دلع بنات وعياره اقول ثقلي لين موعد الفحص والله يتمم عليج انشالله