ابي اصمم عبي ... بس مو عارفه اشلون ابدري

[عيون ملكيه]

قوه بنات

انا اتعامل مع خياط ومرتاحه عليه و اصمم عبيي و شيلاتي بنفسي
و كل شي اسويه و كل ما مشيت مكان الكل بدون استثناء يسالوني عن عباتي
و لي افكار جديده و غريبه

خاطري اسوي عرض عبي

بس ابي وحده بنت حلال و شقرديه تساعدني
بكم استفسار:

اول شي متى انسب وقت للعرض؟

و كم احتاج موديل من العبي من كل موديل لو بسوي 5 او 6 موديلات ما بين ناعم و ثقيل

اسويهم جاهز و لا اخذ اوردر ؟!

وين تنصحوني اعرض؟

اشلون اسيطر عالعرض ؟

كم التكلفه اللي اقدر احطها إذا كانت تكلفة العباة مع مستلزماتها تقريبا 30 دينار شكثر اقدر ابيعها؟
لأن خام التخريجات مو من الكويت من الهند و مكلفني
بنات ابي اشتغل ملل ملل

و جزاكم الله الف خير

 

[lebanon night]

مرحبا اول شي بحيكي عهل الروح الاداعية و الفكرة الحلوة
تاني شي من معرفتي البسيطة رح جرب اعطيكي شوية معلومات

1- اول شي متى انسب وقت للعرض؟
انسب وقت خصوصا لمشروع صغير هو قبل الاعياد و المناسبات متل رمضان و الاعياد لما بيكون الطلب كبير عهل المنتجات ممكن تدخلي بمعارض قبل رمضان و تعرضي بضاعتك

2- و كم احتاج موديل من العبي من كل موديل لو بسوي 5 او 6 موديلات ما بين ناعم و ثقيل
متل ما قلتي اعملي كبداية 3 ثقيل و 3 ناعم على مقاسك واعرضيهم بالمعرض و بس يعجبوا الناس خدي مقاساتهم و طلبياتهم ويدفعوا عربون وبعدين فصلي و بيعي لحتى ما تخسري براس المال كتير

3- وين تنصحوني اعرض؟
المعارض كتيرة بالكويتي و هيدي لائحة بأفضل المعارض من وجهة نظري

White EXpo
Pretty Little Things
Hala Ramadan Expo
Yalla Shabab Expo
52 degrees
Spotlight Expo
The Beauty Spot Expo
Azziza ya kuwait Expo‏
Villa mini Boutiques Expo
Cali2me Expo
Reception2 Expo

4- اشلون اسيطر عالعرض ؟
هون بيجي دورك لازم تكوني شخص واثق ومتمكنة من نفسك وتنقي ستاف منيح سواء الخياط او البائعة اللي رح تشتغل بذمة

كم التكلفه اللي اقدر احطها إذا كانت تكلفة العباة مع مستلزماتها تقريبا 30 دينار شكثر اقدر ابيعها؟
لأن خام التخريجات مو من الكويت من الهند و مكلفني
اذا العباية فيها زخرفة وشك كتير أكيد مو أقل من 100 - 200 د.ك بس حاولي تتميزي لانوا السوق مليان وممكن يضاربو عليكي و ما تنسي انك بدك تطلعي تكلفة العمال و البائعين

بتمنى كون فدتك ... بالتوفيق

 

[سين2012]

هلا اختي انا اقدر اساعدج راسليني عالخااص ..لان انااا هواايتي تصميم العبي
وانشاءالله اقدر افيدج

 

[رحاب النعيمي]

اب اب

 

[أم سيف وسلطان]

الله يوفقج

 

[رحاب النعيمي]

اول شي وقت العرض قبل العيد او الدوامات او رمضان , ثاني شي سوي لج عالاقل 12 ديزاين و مقاسات مرتبة و بيعيهم جاهز هاي فالبداية فقط ! بعدين لي نجحتي اخذي لج خياط او ثنين و يكونون اوردر, بالنسبة للمكان اختاري مكان عليه اقبال بس فنفس الوقت مرتب و راقي و معاج مصممات ب نفس مستواج , و بالنسبة حق الاسعار حطي نسبة الربح على كل عباية 30% كبداية لان مايصير يكون وايد غالي بالبداية ولا بتكشينهم عنج , و انا ماعندي خبرة بس وايد اقرا بالبزنس و حاضرة لاي استفسار

 

[مطيريه ^ ماركه]

والله فكرة حلوة
هشي حلو تبدين فيه انصحج تبدين

احسن الاوقات
قبل العيد / نص رمضان

الاسعار لاتزيدين عن 50 لي 70

لانه اكثر من جذي احس مبالغ على عبايه
والله يوفقج ان شاءلله