ابي اصير ام والدكاترة حرموني اخ ياقلبي

[ديانا سبنسر]

مساء الخيييييييير بنات
شلونكم ان شاء الله باحسن الاحوال

بنات مثل ماتعرفون اني اولد بقيصريات وسبق نزلت موضوع وبعضكم طمني وقالي غيري الدكتورة غيرتها وللاسف قالولي نفس كلام الدكتورة اللي قب اني مااقدر احمل لاني ولدت بقيصريات ورا بعض مابينهم فجة انا خاطري بحمل اخير بس قالولي نسبة نجاح العملية خمسين بالمية

شرايكم باللي صار واجازف والاشنو اسوي حيل متاثرة ومومستوعبة الصدمة الحمدلله على كل حال :eh_s(11)::eh_s(11)::eh_s(11):

 

[ريح قهوه]

لا والله لاتجازفين يالله لك الحمد اللي عندج عسى الله يطرح فيهم البركه والله اتمنى لج الحمال بس كل شي بيد الله ودام الدكاتره قالو خطر هم ادرى صحتج وعافيتح اهم ماتدرين شنو راح يصير لج ادعي ربح انه يصبرج ويعوضج خير

 

[ديانا سبنسر]

امييييييين يارب مشكورة حبيبتي على الرد

 

[ام ساره 4]

لا ما انصحج تجازفين والدكاتره أدرى والحمدلله عندج خير ونعمه قولي الحمدلله

 

[بدوية بملامح كشميرية 86]

مانصحج اهم شي عافيتج وعمرج

والحمدلله دام عندج الحمدلله الله يخليهم لج

والله يفزحج ويرزقج الي بالج ويشفيج

 

["*آآآنؤؤؤقهـ*"]

اهم شي انتيييي صحتج عافيتج ديربالج

اذا اغلبية الدكاتره قالولج مايصير


احرصي ع نفسج والحمدلله عندج اعيالج الله يطرح فيهم البركه

وربيهم والحمدلله على كل حال ...

 

[طيف2006]

جم معاج وجم عمرج اعرف وحده قيصريات ورى بعض ومنو الدكاترة وشنوعمليته اللي تسوينهااعشان اقولج

 

[طيف2006]

دكاترة خاص والاحكومه

 

[مفرفشة ومنعنشة]

حبيبتي الدكاترة لايحرمون ولا يعطون
الدكاترة سبب ورب العالمين اهو الرزاق سبحانه
والحمدلله دام عندج عيال اللهم لك الحمد والشكر
الله يخليهم لج وببلغج فيهم بلاغ الصالحين
ليش تجازفين بعملية مو مضمونه
وصدقيني لو الله كاتب لج عيال غير الي عندج بتشوفينهم
بس انتي لا تتسببين على نفسح ووكلي امرح لله

ودائما رددي
اللهم أني رضيت فارضني
اللهم بارك لي بعيالي وارزقني برهم

 

[Ro00os]

حبيبتي كل شي بيد ربج خالتي كل عيالها جابتهم بقيصريه لان الحوض صغير عندها وهذي هي ماشالله عليها مافيها الا العافيه

 

[Meeesh]

خالتي جابت 5 كلهم قيصريه
انتي جم عندج؟

 

[الحــــــلا كله]

الحمدالله عندج خير من الله ..

نطري جم سنه لين ترد صحتج وعافيتج ليش تجازفين على احساب صحتج ..

 

[المها الابيض]

ماانصحج دام اكثر من دكتور قالج نفس الحجي
والحمدلله دام عندج عيال وبصحه وعافيه

انا اعرف وحده اهي مره كبيره الحين عمرها بالخمسينات
عندها ٣ وقالتلها الدكتوره لاتحملين رحمج مايتحمل
ماطاعتها وحملت بالرابع وولاده مبكره والله يكافينا الشر
شالوا رحمها
اسم الله علينا وعليج
وارتاحي جم سنه وطلبي من الله يرزقج ان شاالله

 

[((غلاي))]

حياتي الله يخليهم لج ياااااااااااااارب

الدكاتره عارفين اكثر بهالموضوع
الرحم يمكن مايستحمل خصوصن انج جبتيهم ورا بعض
الله يخليلج عيالج و يطرح فيهم البركه يارب
لاتجازفين اخاف يظرج و مو المصلحتج

 

[ديانا سبنسر]

جم معاج وجم عمرج اعرف وحده قيصريات ورى بعض ومنو الدكاترة وشنوعمليته اللي تسوينهااعشان اقولج

معاي 4 عمري 29سنة عملية قيصرية ودكاترة خاص اللي نصحوني مارحت للحكومة

 

[ديانا سبنسر]

خالتي جابت 5 كلهم قيصريه
انتي جم عندج؟

عندي 4

 

[ديانا سبنسر]

مشكورين بنات على الردود

 

[You FOR Me Only]

الحمدلله عندج عيال مو محرومه الله يبارك لج فيهم والزم ماعليج صحتج بس اذا عندج شك روحي حق كم دكتور بعد عشان يتطمن قلبج

 

[قشطة بعسل]

الله يخلي لج عيالج ويعطيج العافيه إن شاءالله
بعدج اصغيره لج طول العمر نطري كذا سنه
اللي اعرفه اللي مسويه قيصريه تنطر سنتين وتحمل عادي بس لانج يمكن يبتيهم ورا بعض الله يحفظهم لج

ودكاتره ياما يقولون وقول ربج ابرك من قولهم

والله يرزق الجميع إن شاءالله

 

[وجع قلبي]

ماشاء الله 4 نعمممه خير و بركه على بالي ماعندك و لا وااحد
الله يبارك لك فييهم