ابي اصير ام والدكاترة حرموني اخ ياقلبي

[ناتشوو]

الله يرزقج من حيث لا تحتسبين
اهم شي ذكري نفسج وضعج
زين
ماشاءالله
عندج٤ وبعمر حلو
يعني حتى اللي يولدون طبيعي قامو يكتفون ب٤
ولا تحسسين اهم شي زوجج
ان عندج مشكله
ترى مع الوقت
يصدق يحس ماعنده عيال
الله يبارك لج فيهم
بالعكس حسسيه انها خيرة
اربي الاربعه واهتم بعمري وارتاح وانا شابه
وبنفس الوقت
نراجع اكثر من مكان
روحي استشاريين كبار
خاص وحكومي
واعرفي شنهي مشكلتج
التصاقات في طبقات البطن اللي تنقص بالعملية تمنعج
ولا شنو بالضبط
وبالنهاية
دايما خليج راضيه بما قسمه الله لج
والحمدلله ع اي حال

 

[طيف2006]

الله يحفظلج عيالج انزين عملياتج كلها بالعرض اذا كانت بالطول لاااااازم تنطرين لانه خطر وتبين نصيحتي لوجه الله خلي الخاص يولي اعرف وحده ورى بعض وخامس عمليه قالولها الخاص واهي حامل بس خلاص لازم ربط موزين وانحاشت راحت العدان وسولها خامس عمليه وحملت وجابت السادس عقبه وللحين ماربطوها خلج بالحكومه واحسن قيصيريات بالحكومه ويراعون مشاعر المرا لاتاخذين كلام الخاص وعسى ربي يرزقج قلت افيدج بالتجربه وخلج بالعدان والله عندهم استشارينيمدحونهم

 

[ايمانو حلوة]

دام عندج خير من الله قولي الحمدلله بس اذا مو قاااااااادرة كلش وتبين بيبي خلاص حملي وربج يسهلها وييبيلج خادمة خاصة للبيبي لانج بتكونين تعبانة من القيصري

 

[[[ عيون جابر ]]]

الف حمد وشكر لك يارب عندج عيال لا تضايقين عمرج وسمعي كلام الدكاتره اهم ادرى بحالتج لا تجازفين على حساب صحتج

 

[طراد*]

ولا تلقوا بايديكم للتهلكه وعسا ان تكرهوا شيئاً وهو خيرٌ لكم .... والحمدلله عندج خير وبركه اهم شي الصلاح مو العدد الله يبارك لج فيهم ويخليج لهم وهذا اهم شي وتربينهم خير تربية

 

[أم خديجة]

انا خالتي والده سبع قيصرياااات ومافيها الا العافيه اتكلي علي رب العباد والله يسهل امرج قلبي

 

[manoooram]

حبيبتي انتي عندج اكثر من بيبي الله يخليهم لج
لا والله لا تجازفين وقولي الله لك الحمد والشكر
لا قدر الله لو صار شي فيج اسم الله عليج

 

[بندووشه المطيري]

خرعتيني على بالي ماعندج عيال كللش

لآ آلحمدآلله دآم عندج أكتفي فيهم وآلحمدآلله على كل حآل

وآلله يخليهم لج ولآ تجآزفين بعمرج

: )

 

[مشتطـه]

هذا وانتي عندج 4 لا اله الا الله

وتبين تجافين
توقعت بتقولين ماعندي الا واحد

!!!!!!!!!!!!!!!


صرتي ام وخلصتي


وكل بيد الله شكو الدكاترة ؟!!!!


بصراحه لي غامرتي ماعندج ساااااااااااااالفه


4 كفايه ونعمممممممه

 

[! بــدويه وآآيــد !]

،


قريت بصير ام عبالي ماصرتي للحين حبيبتي ماشاءالله 4 خير وبركه ونعمه
عسى الله يطرح فيهم البركه
لاتجازفين بحياتج

 

[L O V E]

انصحج ماتجازفين
دام خطر عليج
والحمدلله عندج عيال

 

[عاشقة لندن]

انتظري جم سنه واحملي مدامج توج صغيره بس اذا اسمحولج الاطباء

وحده من اهلنا جابت 5 ورا بعض واخر حمل لها مارضو يستقبلونها المستشفيات الا مستشفى واحد بس والحمدلله عدت على الخير

 

[حظ من عنده انا]

الرزق من منو ..؟؟

من الله


لا يرد القضاء الا الدعاء الا رب العالمين

ادعي وتصدقي

قال صلى الله عليه وسلم ((داوو مرضاكم بالصدقه ))


انتي داوي نفسج بالصدقه وقيام الليل

والله يفرج لج يارب

 

[princess89]

قريت العنوان وراح بالي بعيد ..,

اللهم لك الحمد عندج عيال والله يخليهم لج ويطرح فيهم البركة
لا تجازفين بصحتج

 

[انا لها شمس]

قولي الف حمد وشكر 4 وتبين تجازفين فيهم ؟؟
لا صار لج شي لاسمح الله وين يروحون عيالج؟

تركدي وربي عيالج وكبريهم والله يطرح فيهم البركه*

 

[Joy close]

الله يخلي لك الاربعه حبيبتي لا تجازفين بصحتك انتي الحمدلله جايبه عيال غيرك يحلم بطفل الله يسعدك اهتمي بعيالك هم محتاجينك اهم شي صحتك

 

[ديانا سبنسر]

مشكورين بنات على الردود
الحمدلله انا سويت سونار داخلي وكل شي عندي اوكي ودورتي منتظمة بس يقولون لاني جبتهم ورا بعض
لما قلت ابي اصير ام قصدي اكررهالمشاعر يكون عندي بيبي جديد واعيش التجربة من جديد
الحمدلله على كل حااال واللهم لااعترااض

 

[فـراوله]

نصيحه لا تجازفين دام عندج عيال حمدي ربج عليهم

ما يندرى شيصيرلج بالولاده

وعيالج محتاجينج


​

 

[توست محمص]

لا تجازفين حبيبتي صحتج اولى وربي يخليج ليعيالج
لا يصير فيج شي لا سمح الله وتضيعين عيالج
ارضي بكتبة الله غيرج ما عندهم ولا ياهل وراضين وقانعين
قولي الحمدلله

 

[يفداك قلبى]

حبيبتى فى اسباب طبية على اساسها الاطباء ينصحون الوحده انها ما تفكر بالحمل
وحسب معرفتى ان الى مثل حالتج نصحوها الدكاتره ما تحمل يكون عندها التصاقات بالرحم
وهذى اكبر مشكله ممكن تواجه الحامل
لان الدكتور وقت اللى يشق الجرح عشان يطلع البيبي ممكن يجرح الامعاء او المثانة او اى جزء ملتصق بالرحم وهذا اللى يتخوف منه الاطباء
وتلاقين كل حالات القيصرية اللى من 4 وفوق يتحول ملفها لاحسن جراح طبعا بالحكومه مالى علاقة بالخاص
والرحم بعد كل عمليه ينكمش اكثر من اللى قبلها حتى ما يصير يتحمل وزن بيبى واصل السابع
فليش تعرضين نفسج للخطر
الجراح نظرته غير اهوا اللى ساعة ما يفتح البطن يشوف المشاكل كلها
احنا نتكلم وما ندرى ليش اهما ينصحوننا بعدم الحمل باختصار لان الرحم لا يتحمل
والله يرزقك بر اولادك