ابي اصير ام

[ام عبدالله زوزو]

انشاء الله تحملين والصبر مفتا ح الفرج عسى ربي يفرحك بالولد الصالح يلي يفرحك انتي وريك امين يارب العلمين يرزقك

 

[roona]

مشكورين بنات كلكم على دعواتكم الطيبه
و الله و أنا اقراهم دمعت عييييني

يا رب تصبرنا كلنا.... الهي أرزق كل محرومه بفرحه تدمع لها عيناها

 

[roona]

بس ميخالف يا بنات اذا وحده نفس حاله زوجي و حملت تشاركني قصتها

ابي احس بالامل ابي خيط أتمسك فيه

 

[remea]

سبحان الله ... عمــــري مافكرت ادخل هالقسم ...
تدرين كنت نايمة وقمت من النوم شربت ماي وقلت خل اشوف المنتدى
واول مافتحت مــــوضوعــــــــــــك ... وقريت قصتك
وتـــــــــذكرت واحد من أهلنا هو الحين شيبه كبير يمكن عمره بالسبعين
تزوج اربع حريم ... وكلهن طلبو الطلاق لانه عقيم ... وتعرفين وش سبب العقم
لما كان شاب كان في مقناص مع ربعه وبالغلط واحد من ربعه ظرب عليه بالشوزن بالمنطقة
الحساسة عند الرجل أسمحيلي عالجراءه بس علشان اوضح لك وضع الرجال ( يعني الخصية عنده انمحت ميح والثانية
عاجزه عن انتاج الحيوانات المنوية) وجلس على هالحال ولما طلق مرته الاخيرة قال خلاص
ماني بمتزوج حتى ما اظلم بنات الناس معاي ..... بعدين اخته كلمته قالت له فيه مره بس تبي الستر
تزوجها هي تدري ان مافيك عيال ... وافق على اساس مايجلس بروحه الفقير خصوصاً انه رجال كبير
بعد ماتزوجو بفتره قالت له مرته ... انت جربت الطب الشعبي ... قال لها كل شي جربت الطب الشعبي الحجامة علاج المستشفيات اي شي يخطر على بالك سويته ..يابنت الناس انا مافيني عيال ... قالت له بطلب منك شي واحد سوه لي وان مانفع خلاص بنسكر هالموضوع للابد... قال وشو


أدري قرقت وااااجد بس حتى افهمك الصورة كامله

قالت له مرته فيه وحده اسمها ... أم ممـــدوح شمريه تعالج بالطب الشعبي ساكنه بمنطقة حفر الباطن (حــارة الطواله) بالسعوديه
خلينا نروح لها ... يمكن الله يكتب لنا .. وراحو لها واخذو معاهم التقارير وكل شي .. ولما شافتهم المره قالت له ترى فيه علاج لك بس تراه قوي مرررررره وانت رجال كبير يمكن ماتتحمله .. قال الرجال اذا فيه امل بتحمله والله هالمسكين اخذ العلاج يمكن سنه وهو يراجع عندها وحـــــملت مرته وجاهم ولد يهبل الله يحفظه لهم ...
فمراد من سالفتي روحي لهالمره يمكن الله يكتب لك عندها الخير ... ترى هي مصرح لها من وزارة الصحة السعودية وتعالج من سنين وكثيييييييير من اهلنا تعالجو عندها ... وخالي عقيم وماخلا مكان في السعوديه وبرى السعوديه ماراح له واتفقو على انه عقيم .. ولما راح لها قالت له لك علاج بس قوي تتحمله خالي قال ايه بس للاسف خالي اخذ العلاج مره وحده وتركه قال ماتحملته
والحلو بهالمره انها من اول مره تقول لك يافيه امل او لا .... وترى هي معروفه بكل حفر الباطن يعني لوتسألين هندي يمشي بالشارع بيدليك عليها .. على فكره هي تطلب كل اوراق التحاليل اذا مسوين وتسألك عن أدق التفاصيل

ومن ناحية المستشفيات أرشح لك مستشفى عــــــــــرفان بــــجده عند دكتور سوداني .. كان زوجي يتعالج عنده عن امراض الذكورة .. دكتووووور شاطر ... ولاااااااااااااااااا تنسين الصدقه والاستغفار مفعولهم عجيب ..

وياربي ياحبيبي انك ترزقها وتعطيها لين ترضيها يارب .. اهي وكل محرومه يارب ​

 

[بحرينيه كوول21]

حبيبتيي الله يفرجها عليج ويرزقج ان شاءالله بالذريه
ويرزق كللل محروومه ياارب

 

[شذا الياسمين]

ياحياتي انتي الله يرزقج بالذرية الصالحة صدقيني مابعد الصبر الا الفرج الله يعوض صبرج خير ويعطيج وكل محرومة يآآآآآآآرب ..

 

[miss_whitemocha]

عسى ربي يريح بالج و يفرح قلبج و تصيرين أم عن قريب بإذن الله..
تفائلي خير..وترى كل ما صار الموضوع أصعب معناها الفرج قريب..وربي راح يعوضج خير إنشالله..​

 

[الجاردينيا]

الله يصبرج يارب ويرزقج حبيبتي كلها اسباب سواء منه او لا سمح الله لو كان منج الله بهالوقت مو قاسم لج بس تاكدي الدعاء يغير الحال الى حال ثاني بس انتي توكلي على الله في ناس مافي سبب يمنع الانجاب عندهم ومع هذا الله ماكتب لهم خلي نفسج من داخل على يقين ان الله بيرزقج وكثري استغفار وصلاة الليل لمدة اربعين يوم وسورة مريم والبقرة وانسي سالفة الحمل وانا ابشرك انك راح تحملين باذن الله انا لي 5سنين وللحين صابرة وادري الله راح يعطيني مو الاطباء الله يرزقكم كلكم ياخواتي بالذرية الصالحه

 

[رووح حبيبي]

الله يرزقج بالذرية الصالحه عاجلا غير اجل

 

[roona]

مشكورين كل الي دشو و قرو قصتي و دعولي.... الله يرزقنا جميعا يااااااا رب

حبيبتي ريميه أنا ودي نجرب العلاج الشعبي بس زوجي مو راضي بس ان شاء الله بحاول اقنعه

بس عندي استفسار يا بنات منو نفس حالتنا و ريلها تعالج و حملت سواء طبيعي او عملية.... منو ريلها كان عنده خلل بالهرمونات مثل زوجي و شنو سوت.... الله يعافيكم فيدوني


الله يرزق الكل الصحة والعافية و راحة البال *

 

[كويتيه مذهله 87]

حبيبتي والله لج اجر كبير عند رب العالمين صبرتي وتمسكتي بريلج صدقيني لو يضعف راح تلاقون نتيجه حلوه
واهم شي تفاائلي بالخير حبيبتي وان شالله يارب يارب يرزقج بتوأم صبيان وبنات يااارب

 

[wujud]

الله يرزقج بحق الواحد الاحد

 

[ثنايا الورد]

ربي يرزقج ويررزق الجميع

 

[mlakiya]

الله يرزقج يارب ويفرح قلبج

 

[معلمة الاجيال]

اسال الله العظيم رب العرش العظيم ان يرزقج الذرية الصالحه ... وتشوفين عيالج وعيال عيالج ..


لا تيسأسين .. فرحمه الله واسعه .. اهم شي الاستغفااااااااااااااار


وصدقيني ماكو شي ما له علاج ... شدراج يمكن فجأه تحملين . سبحان الله اذا قال كن فيكون ..

 

[في قلب زوجي]

يارب يرزقج الذريه الصالحه

 

[برونزية رشيقة]

حبيبتي واضبي انتي وريلج عالتالي :

1- كثرة الاتستغفار ( اقري سورة نوح شوفي الله سبحانه شيقول عن الاستغفار)
2-الصدقة بنية الحمل .
3- سورة البقرة .. ختميها يوميا وإذا ما تقدرين كل 3 أيام .
4- قيام الليل ولو بركعتين وادعي : ربي لاتذرني فردا وأنت خير الوارثين.

اسأل الله العظيم رب العرش العرش أن يشفي زوجج ويرزقكم الذرية الصالحة عاجلا غير آجل يارب العالمين .

 

[roona]

الله يفرح قلوبكم مثل ما قاعد تريحوني بدعواتكم...

وين أحسن عسل ينباع حق حله زوجي؟ و يكون عسل خاليي ولا مخلوط بعشاب؟

 

[ميمي الحلوه]

انتي بس قولي الله كريم

ياقلبي انتي

وربي خنقتني العبره

 

[فتون777]

عورتي قلبي وبكيت معك
الله يرزقك بتؤام يارب عاجلا غير اجلا