ابي اكون مثقفة واستفيد من القراءة

[ام مشعل المطيري]

شلونكم بنات أنا ودي من زمان اقرأ الكتب واتثقف بس للأسف كل ماقرا كتاب يجيني النوم:eh_s(11):
وحتى لو اقرأ مستوعب لازم اقرأ الصفحة اكثر من مرة
أبيكم تشرحون لي كتب اقرأها وتحببني بالقراءة

 

[بتول البغلي]

بسم الله الرحمن الرحيم
حاولي تبلشين بكتب بسيطة جداً ,, إذا تحبين الرعب أنصحج بسلسله صرخه الرعب سلسله جميلة جداً وتشد الواحد
وبالتدريج إن شاء الله تقرين أكثر وأكثر

 

[ام مشعل المطيري]

لا رعب لايحوووووشك أنا اميل للتاريخ وتطوير الذات زين شلون. لما اقرا كتاب استفيد من المعلومة مثل احداث او تواريخ شي جذي لقراهم اكثر من مرة والا شلون

 

[نبض الجود]

يَ هلا ام مشعل ،
اذا تحبين كتب تطوير ذات اقري لـ ابراهيم الفقي ،
الكل ينصح بكتبه ،​

 

[Bent extra 3asal]

انا عكسج ما اتملل بس تيني دووخة ههههه

لا لا جد مشكلتي ما اعرف انقي الكتب

 

[blue ocean]

ههههههه ضحكتيني حبيبتي على سالفة النوم وايد تحوشني

شوفي يالغاليه روحي للمكتبه ودوري كتب تعجبج عناوينها او احد مادحلج اياها

مبدئيآ لا تقرين بمجال انتي مو حابته اختاري اللي تحبين ( روايات / كتب تثقيفيه )

وبلشي بكتب خفيفه يعني ماتعدي 200 صفحه او 150 صفحه مبدئيآ ..

مسألة انج تعيدين على الصفحه هذا قل تركيز يكون مخج مشتت بأمور ثانيه ويمكن بعد

تكونين مو متحمسه للقرايه .. اختي اللي لازم تعرفينه بأغلب الكتب اللي نقراها محد يندمج من اول شي

اغلب الكتب تندمجين يمكن من نص الكتاب او حتى من بعد صفحات طويله ..

المسأله يبيلها صبر خفيف وتبدين صح ان شالله .. موفقه ان شالله​

 

[ام مشعل المطيري]

مشكورين حبايبي

 

[الؤلؤة السوداء]

سالفة النوم وايد ناس تصير لهم يعني أنا مدمنة كتب وأنام أحياناً وأنا أقرا لوووول

ويصير بعد إني أسرح أحياناً وما أستوعب وارجع أقرا الفقرة خصوصاً إذا الكتاب ممل

بس القراءة بشكل عام رووووعة

ممكن وانتي تقرين تخلين معاج دفتر عشان كلما مريتي بجملة أو معلومة مهمة أو جذبتج تسجلينها

وشي زين إنج تحبين كتب التاريخ وتطوير الذات ما شاء الله

بالنسبة حق تطوير الذات في سلسلة كتب اسمها Chicken Soup For The Soul

وأظن ترجموها عربي (شوربة دجاج)

هي عبارة عن قصص حقيقة وااااايد مؤثرة ومشجعة نصيحتي لج اقري هالكتب

وموفقة إن شاء الله
​

 

[cup-cacke]

حياج معانا ف النادي يمكن تحصلين كتب تحبينها

 

[ام مشعل المطيري]

فدييييتكم بنات حدي تحمست للقراءة
زين بالنسبة لسلسلة شوربة دجاج وين احصلها ؟؟؟

 

[amami al-kuwai]

هلا حبيبتي ام مشعل

اول شغل لازم تسوينها تقرين كتب خفيفه مثل ما قالو لج

واكبر غلط اتسوينه انج تقرين الصفحه اكثر من مره

واذا تحبين كتب تطوير الذات بلشي بكتاب القراءة السريعه لتوني بوزان شوي كبير ومعقد بس راح يساعدج تقرين اسرع وتستوعبين اكثر

اول شي لا تقرين وانتي بالفراش واقري فمكان اضاءته ممتازه يعني مو خافته

ثاني شي لا تقرين الكتاب كامل قسميه مثلاً مبدئياً ١٠ صفحات وبعدين زيدي ١٥ وبعدها ٢٠ والخ

لاتقرين الصفحه اكثر من مره

وحاولي مايكون في ازعاج عندج علشان تركزين

 

[sarah__k]

شي حلو انج تحبين تطورين من نفسج.

هذا يدل على انج انسانه راقية.

انصحج بكتاب استمتع بحياتك لمحمد العريفي .

وفي كتب جميلة جدا مثل روايات في حقبة معينة من الزمن

منها تاريخ ومنها قصة

مثل : الحب في زمن الكوليرا - كبرياء وهوى - نساء صغيرات

كتب جميلة وتستمتعين فيها وحاولي انج تصبرين على الكتاب اللي تقرينه

وراح تلقين نفسج متشوقه تخلصين الصفحات .

والله يوفقج دنيا وآخرى

 

[عادت ذكرياتي]

نصيحة مني لج ولكل اللي يبي يقرا :::


أفضل وقت بعد صلاة الفجر وقت الشروق وقت مشجع للقراءة ويفتح النفس ولا تنسين تبدين يومج بقراءة القرآن انشراح بالصدر ^_^


ومثل ما قالولج البنات ابدي بكتيبات خفيفة لطيفة وإذا إنتي من النوع الملول نصيحة مني لج اقري صفحات قليلة ((( قليل دائم خير من كثير منقطع )) لو صفحة باليوم نعمة أهم شي تغذين عقلج بالقراءة حتى أسلوبج يتغير من غير لا تحسين بس اللي حولج يلاحظون هالشي ^_^

 

[مسس كارميلا]

شلونكم بنات أنا ودي من زمان اقرأ الكتب واتثقف بس للأسف كل ماقرا كتاب يجيني النوم:eh_s(11):
وحتى لو اقرأ مستوعب لازم اقرأ الصفحة اكثر من مرة
أبيكم تشرحون لي كتب اقرأها وتحببني بالقراءة

انا نفس حالتج بضبط
وكتشفت اني اخذ كتاب مو ممتع
يعني احب تطوير الذات بس هالكتب مو مال تقرينا سحبه وحده حلاته كل يوم تقرين شويه الانها تدوخ
اخذي لج كتاب ممتع تستمتعين فيه واخذي لج كتاب تتثقفين منه
وصدقييني بتحبين القرائه

واذا تبين تقرين لا تقرين وانتي منسدحه ولا مريحه او وكت تكونين دايخه شوي
لا خلي لج مكان اضائته زينه وقعدتج مريحه و شربي قهوه او جاي

من الكتب الي صج صج استمتعت فيها
كتاب اسمه كخ بابا لعبد الله المغلوث عن نقد الضواهر الاجتماعيه
وبيكاسوا وستاربكس لياسر حارب
انصحج بقرائتهم مفيدين و بنفس الوكت ممتعين :eh_s(17):

 

[أحلى قصة]

اااااااااااااااااااااااااب

 

[هنا22]

شوفي انت اي نوعيه تحبين يعني تاريخيه ولا بوليسيه ولا ايش ابدي بالكتب الصغيره كتيبات بعدين بالكتب

 

[روز بآريس]

آب اب اب اب
موفقةة ي قلبي

 

[Laidy n3ooma]

احمد الشقيري يحدد بقلم الرصاص على الاشياء اللي تعجبه وتشده مثل الحكم والاشياء الجديده عليه وانا بطبق اللي يسويه

 

[ضــمــاد]

أم مشعل .. أنصحج من كل قلبي بكتاب ( كوني مختلفه ) متوفر بجرير


الكتاب أقل ما يقال عنه روعه .. يجمع التاريخ + علم النفس + التربيه + تطوير الذات

التحفيز + التغيير + قصص لنساء مميزات أو لنساء صنعن رجــال ..


القصص كلها مصاغه بطريقه حديثه تناسب عصرنا الحالي

لدي الكثير من الكتب ,, ولكن هالكتاب مميز مميز مميز


أنصح به ِ وبشده .. فهو شامل ان اردتيه للتاريخ ستجدين ظالتك به


وان اردتيه لعلم النفس فستجدين ما ترغبين به