ابي الشور منكم خواتي بليز

[الهجر والوجد]

السلام عليكم
اشونكم خزواتي
باخذ شوركم وانشالله ناتخيبون ظني
انا الله يسلمكم عندي طباخه تعرف كل شي فلبينيه
وبيتنا مو من كبره بس مبرده قلبي واي شي ابيه تسويه
هيا الان عندي سنتين نوص قالت بكمل 3 سنوات واسافر شهر وارد لج
قلت اوكي بس نطري يخلص رمضان وروحي تدرون لوية رمضان
المهم بدينا بالتدلع
مره تقول برد ومره ثانيه يبي خدامه
سالتها ليش
تضحك
قلت في مشكله ششي من كم يوم سالتج قلتي بتروحين وتردين
قالت مدام ابي موبايل وابي معاشي 60
قلت المعاش نقدر عليه لانه اليديده نفس معاشش 60 هذا الكلام بقلبي قلت مو مشكله بس الموبايل صعبه انا عندي تلفون البيت
قالت لا موبايل اكلم فلبين بس اذا شفتي اكلم ريال طقيني وكله التلفون بليل عندج والصبح يم التلفزيون ما اخليه او اخشه
انا هني اقول الان كل الخدم عندهم موبايل واليديده تبي يمكن تقول ابي بس هذي عارفه اخلاقها
انا متردده اردها ولا ايب يديده
جني طولت عليكم
بردو قلبي بالردود الله يبرد قلبكم

 

[لليانه]

والله مادري بس ماحبيت ادخل واطلع من غير ماارد وبنات المنتدى ماراح بقصرون وياج

 

[الغزلان]

عطيها اللي تبيه بس راقبيها عدل


الله يسخرها لج

 

[الهجر والوجد]

مشكورين
ابي ردود بعد

 

[ريماا]

والله اذا اهى زينة عطيها وراقبيها من بعيد

 

[الصامتة]

نصيحتى لج يا إختى إنج ما تردينها واللة كشفها لج بالضحكة اللى ما تدرين إش وراها والإبتزاز أحسن لج لا تردينها لإنها ناوية على أشاء ثانية اللة العالم شنو إهى والفلبن والأندونسيات ما ينبغون وإنتى كيفج وصلى إستخارة

 

[legally blonde]

انا من رايي دام مبرده قلبج خليها تاخذ موبايل
لأن ترا صج كلامها المكالمات للفلبين وايد ارخص عن طريق الموبايل
بعدين اهيه استأذنت ترا غيرها ما يستأذنون يشترون الموبايل و ما يقولون لج
و بعدين شبيصير يعني؟
اللي في بالها تسوي شي شين راح تسويه حتى لو تحطينها بحبس انفرادي
انا اقول وافقي و الله خير حافظ

 

[منارة الإيمان]

حبيبتى .. أنصحج خليها دام مبردة قلبج .. ألحين مافى خدم يبردون القلب .. تبي تلفون عطيها شتسوين كل الخدم عندهم تلفون ألحين .. شلي بتسويه .. أكثر من الخدم ألي قاعدين يسونة .. ألحين كل الخدم موزينين ألا مارحم ربي .. هذي على الأقل عارفتلج .. والله حبيبتى نصيحة خليها ولا تضيعينها .. ترى الخدم ألي يريحون بهذا الزمن نعمة وفضل من رب العالمين عليج .. والله يوفقج فيها ويكفيج شره ..

 

[غير كل الناس]

اذا ع الموبايل بسيطه

 

[الهجر والوجد]

مشكورين
بس اعتقد التجديد مطلوب لانه لو بردها ادري بيشتغل قلبي وطق ابي اجازه وها الخرابيط
مشكوريييييييين

 

[ms_royality]

قوليلها عقب ما تردين من الاجازه معاشج يكون 60 و التلفون مثل ما قالتلج بالليل عندج ... اذا بتعطبنها من الحين شكلها بتيمع و بتلعب بيدها و ريلها و عقب بترووووح و مهي راده .

 

[Q8_QT]

آنا كان عندي فلبينية وكنت معطيتها موبايل لأن ماعندي تلفون بالبيت وأبي أطمن على ولدي في البيت وكانت وايد زينه ولدي يموت فيها ومالاحظت عليها شي كلش وبس حطيت تلفون بالبيت خذته منها لأن مالها حاجة فيه
واليوم اللي بتسافر فيه اكتشفت إن شاريتلها تلفون من وراي وعندها بوي فرند تكلمه ولا بايقه صورتي ومصورتني بالموبايل بس مسحتهم بس آنا ماكنت أبي أرجعها أصلا
انتي أحسلج صلي استخارة وشوفي شالله يكتبلج لأن الخدم الحين أغلبهم موزينين وانتي وحظج

 

[ياعشيري جعلك السلال]

دامها نافعتج ومبرده قلبج زيدي معاشها وعطيها موبايل وكيفها على نفسها اذا تكلم ريال حمدي ربج ماقالت بطلع

 

[الهجر والوجد]

والله يا خواتي لبي ينفزني حيل لانه هيا عارفه اطفارتي الموبايل واي مسج لهلها ولا تكلمهم انا اعطيها بس ليش حبكت على ها الاساس مادري
مشكورين خواتي