ابي المشورة العاجلة بيتحدد فيها مصيري الليلة

[بنت الاحلام]

اسمحيلي انتي طمعتيه وخليتي يتدلع المفروض يتدلع اوكي بس هم يدلعج مو كل شي مدلعته ولا يمد بوزه كيفه يبه تدرين الحل شنو

مع هالنوعيه خل يزعل واكلي واشربي وحقريه دامج مو مقصره بحقه واهو يتزعل كيفه

 

[عيبي طيبتي]

اي و الله شاف على ايدي دلع ماشافه في بيت اهله

 

[ام _خلودي]

شقوولج

الله يسخره لج ويهديه ياارب

وان شاء الله سحايه صيف وتعدى

 

[الشيخه ام شيخه]

رد : ابي المشورة العاجلة بيتحدد فيها مصيري الليلة

الله يكون بعونج وربي يسخره لج ان شاء الله و يهدي سركم


شوفي اختي مالج إلا الدعاء و الصبر و جربي انج تصيرين قوية شوي و لا تقعدين تدلعينه حقريه ووريه انج إذا طيبه و تدلعين و تدللين فهو لأنج تحبينه و لأنج بنت سنع تداري زوجها و لأنج تعرفين واجباتج كزوجة مو لأنج ضعيفه و خايفه!

لازم يفهم انج طيبه بمزاجج و انه لازم يحترمج ويعاملج بنفس الطيب و الدلال مو يدوس ببطنج

حقريه وشوفي شنو ردة فعله وان شاء الله ازمه و تعدي

الله يهديه لج و يصلح حاله ان شاء الله

ما عليه اختي والله انا حاسة فيج اكثر من ما تتصورين بس الله كريم ان شاء الله تتعدل و ما ضاقت إلا انفرجت و الأنفصال ترا مو حل! ديري بالج تفكرين جذي لا يأختي مسكي بيتج و ريلج ولا تدخلين احد بمشاكلج لا اهل ولا صديقات و ان شاء الله ربي بيهديه

الله يهديه غصبن عنه ان شاء الله​

 

[ابلة لولوة]

الله يهديه

مادري ليش الرياييل عندهم حساسيه من اهل المرة

لوتقوله بطلع ويه اهلك وماترد الا الفير عادي عنده

ولو تبي تطلع ويه اهلها يزعل ويطنقر جنها مواعدة رفيجها مو اهلها

مادري ليش .

 

[عيبي طيبتي]

الشيخه ام شيخه : كل كلمة قلتيها صح و بجرب ان شاء الله
و الله يهديه لان صج صج تعبت و الله

 

[عيبي طيبتي]

ابلة لولوة : و لو تشوفين اهلي و الله حيل يحبونه ومايرفضوله طلب بس الرياييل مايبين بعينهم الطيب

 

[فوفو22]

قريت الموضوع

بس وين المشكله ؟؟؟؟

تحلطم وبس

ابي اطلع ورفض.

حاولت فيه ورفض

سويت فطور وما اكل

يرجع بالفجر


اتوقع موضوع يصير بكل بيت ....

احيانا يرضى واحيانا يقبل...

وسالفة السهر هذا رمضان الكل يسهر بديوانية..... بمسجد ....ببيت ...بقهوه...

الكل ينتظر اذان الفجر وعقب يصلون ويسرون

فوفو

 

[نمله معصبه]

ياعمري انتي والله ماعندي خبره لاني مومتزوجه..بس اللي اقدر اقوله الله يسخره لج ويحنن قلبه ويسعدكم ويا بعض قولي امين..كسرتي خاطري والله..,

 

[عيبي طيبتي]

فوفو22 : لا ماكو مشكلة بالنسبة لج لكن بالنسبة لي انا اشوفها مشاكل
عفوا اختي لا تحكمين على المكشلة بهالطريقة لانج صغرتيها وايد
و هالمشاكل مايت من اليوم وبس

 

[عيبي طيبتي]

نملة معصبة : رب يارب يرزقج الزوج الصالح الادمي الي يسر خاطرج و انا اقولج و انا اختج ترى الزواج شر لابد منه انتي بنعمه محد حاس فيها الا المتزوج

 

[i'am THE ONE]

سالفه انه يتزعل لا تحرين نفسك وخلي روحك ما انتبهتي انه زعل و لا تراضينه وابد لما يمل بس ها مو تنفجرين تخربين علي عمرك

اكلي و فطري اذا هذا طبعه تاقلي و طنشي

سالفه انه يكون مثل الحصان بالديوانية و يرجع لك مريض هذول الرياييل كلهم جذي و ياما كتب طلعت ان الرجل يبالغ بالمرض مو من دلع بس سبحان الله احنا الحريم جسمنا اقوي - اذا صار مريض دلعيه و بالغي في مداراته

 

[ЗтhВňŸ 'ЗМơơDk]

الله يسهل امووورج يا رب ..

ويهديلج زوجج ياا رب ..

بس احسن شي الحقران لي صار بغرفه روحي لغرفه ثاانيه ,, خليه يحس بقيمتج ,, ويحس بالفرق ..

 

[i'am THE ONE]

تأقلمي ع طبعه و خلي عندك مناعه من زعله و انك تتزثرين من اسلوبه

 

[عيبي طيبتي]

و الله مادري شقولكم
و الله كلامكم صح بس انا قلبي حار ما اعبر على الزعل

 

[أم ورود]

نصيجتي قضبي ارضج واخذي حقج
لا تساحلينه
عامليه ب المثل
حقرانوووو
واذا كنتي مفكرة انج بتروحين بيت اهلج بتأدبينه
تراج غلطانة حدج
راح يزيد ومايهتم
خصوصا انه السالفة متعلقة باهلج

 

[Spanish Princess]

لا تروحين بيت اهلج خليه اخر حل

مثل ما قالو البنات حقريه مره وحده بس وشوفي شلون بيحس

وحاولي تعاملينه مثل ما يعاملج

والله يهديه ويسخره لج

 

[الفخر كله]

الله يهديه

مادري ليش الرياييل عندهم حساسيه من اهل المرة

لوتقوله بطلع ويه اهلك وماترد الا الفير عادي عنده

ولو تبي تطلع ويه اهلها يزعل ويطنقر جنها مواعدة رفيجها مو اهلها

مادري ليش .

اي والله نفس حالتي الله يهدية

 

[عيبي طيبتي]

و الله ليلحين مقهورة حتى مالي نفس اشوف ويهه
قاهرني بشكل مو طبيعي

 

[احلى سماء]

نفس زوجي

جان لقيتي حل

قوليلي

هم هو مستضعفني

ومو عاجبه شي