ابي انساااا شلووون يابنات كرهت نفسي وربي

[احساس ملكه]

تبين الصراحه ومن غير زعل؟

هو صاج انتى بنك متحرك وانتى مثل الكره يطقج بالطوقه وترجعيله والله ااقرا سوالفج معاه وقول معقوله ماعندج كرامه ؟ للهدرجه لاعب يعقلج

الرجال الى يطلب من مره فلوس ومابينهم اى رابط شرعى اعرفيه انه مو رجال ولا اصيل وقليل اصل وردى

ااحمدى ربج انه ربي حبيبى سخر لج هالعامل اللبناني الى فضح هالانتهازي الحقير الى كنتى تحبينه والله انها ارجل من الواطى الى حبيتيه

اانتبهى على بيتج وزوجج وووانسى الماضى التعيس وغيرى رقمج اذا يعرفه ووامسحيه من حياتج لانها بيمثل عليج ويمكن تضعفين بلحظه ضعف فاانتبهى من هالاشكال شياطين الانس حسبى الله عليهم

 

[التفاؤل عنواني]

حبيبتي انتي من البداية يوم شفتية يطلبج فلوس المفروض ماتلبني طلبه لان معروف نيتة ..اذا كان يحبج صدق ماياخذ منج ولا دينار
الله يسخرلج ريلج اتمنى لج السعادة من كل قلبي
ولاعاد تفكرين في هالخايس النذل

 

[MiSs Roma]

انا ما راح اعاتبج و اقولج انتي غلطانة ألف بالمية و لا بقول ليش سويتي جذي​

>>> الحين الي صار صار و الله رزقج بولد الحلال و الحين انتي حامل​

(( خلص شغلي نفسج بزوجج و بالياهل الي ياي بالطريج ))​

النسيان أكيد صعب لكن يكون سهل لما الانسان يطيح من عينج​

شتبين بانسان مثل هذا !! خليه يولي ولا تفكرين فيه​

كل ما يطري عليج تذكري خيانته و جذبه و استغلاله و اخلاقه الدنيئة​

* حزتها بتكرهينه و بتنسينه ،، بس شغلي نفسج *​

شوفي الفرق بينه و بين زوجج و بتعرفين منو الأحسن ​

" و حسابه عند رب العالمين حقج ما يضيع يوم القيامة "​

-------​

 

[خواطر المساء]

ليش تنسين .......؟


صدمات الحياة لا تُنسـى يالغالية ...
الجميل في الذكريات مهما كانت مؤلمة أنها تقرر الإنسان بنعمة الله عليه .. خصوصاً انه يتذكرها وهو في أحسن حال

تخيلي !
لو كنتِ ضحية حقيقة لهذا المجرم ..
لو كنت مُهددة .. ومفضوحة .. وفاقدة للأمـــل !

هل ستكون الذكرى مجرّد غصّة ؟

أم واقع مليء بالمآســـي

الحمد لله الذي سخر لك الخير والزوج الصالح ..
أحمدي الله كثيراً والحب بينك وبين زوجك سيأتي بالعشــرة ..

أعذب أُمنيَآتي

 

[للعرايس فقط]

انتي حطيتي هالموضوع عشان تنسين صح ؟؟

أول شي ان اللي سويتيه من الدايه غلط وانتي عارفه هالشي والحمدلله انها تمت على جذي

ويا ليت البنات يعتبرون لأن كل اللي عايشين فيه وهم وعايشين على مصلحة غيرهم والله خسارة حلالج وحلال أهلج فيه

بس الله بيجازيه ,

وعلى فكره ما كنتي تحبينه بس تخيلتي جذيه لأنج كنتي مراهقه وأي أحد عطاج وجهه حبيتيه . .

جيكي ع الخاص

 

[محل ثقتكم]

الله يعينك
تعوذي من ابليس ايش تستفيدين لو قعدتي تتذكرينه انسان مايستااهل
زوجك حلالك ابتسمي عشانه وفرفشي واعطيه اغلب وقتك هذا هو اللي يستاهل
والله يفرج همي وهمك وهموم كل مهمووم

 

[queenbeeuty]

الله يوفقك و يهديك

 

[بنتج يآكويت]

الله يعيينج حبيبببتي

 

[مريومه النزغه]

ياحياتي والله الله يكون بعونج حبيبتي باجر بتولدين بالسلامه ان شالله وتلهين مع ولدج وزوجته كوني رفيجات طيبات من الدوام طلعلي مع اهلج وخواتج وهذا ربي راح يجازيه واذا بتنسين فانا اقولج العقل مومثل التلفون اي شي بنسويله دليت يروح بسرعه يبيلج تتحملين وتتناسين وعقب بتنسين باذن الله

 

[& شرطان الذهب &]

اتجهي للصلاه وللمصحف واحمدي ربج انها وقفت عند هالحد
والنسيان سهل حاولي تشغلين وقتج مع زوجج واذا طرا عليج العله
ع طوووووووووووووووووووووول قومي صلي
والله المستعان

 

[ASOMA]

مع عسوله مطيريه

خلج اجتماعيه مايمر اسبوع الا انتي ناسيه كل شي

 

[أم منيـرة]

حسبي الله ونعـم الوكيـل ..

عيشـي حيـآتج ، وإنسـي الي طاف ، واذا مانسيتـي حاولي تتنـآسينه ..
لانه مايستاهل ينذكر حتى !

 

[sunshine22]

استغفر الله​

اشلون يعرف رقم بيت اهلج​

شتسوى عليج لو دق وفضحج هااااااااااااا​

لاحول ولا قوه الا بالله​

يالله عسا اللي يلعب ببنات خلق الله يلعب الله ببناته وخواته ياررررررررب ويرزقه زوجه نفس طينته​

انتي اسمحيلي مغفله
يعني الوحده من مره مرتين تفهم
انتي تعطينه مبالغ ضخمه 1500 وتصليح سياره​

الوحده لي عرفت تعرف شين عدل انتي عرفتي فقران منتف​

وعموما شي حرااااااااااام وما يجوز بالشرع​

خصوصا عيال الكويت
لي عرفو وحده مسخروها بالدوانيه ومسحو فيها مثل حالتج
حسبالج انجليزي يقدر المره ويحترمها​

نفس سالفت اللي عطت رفيجها صورها لسنين طويله
وآخرتها فاضحها عند ربعه بالدوانيه يراويهم صورها​

يابنات
كبرو عقولكم
لا يضحكون عليكم الشباب المستهتر​

 

[sunshine22]

اي وترا نعمه تزوجتي وحامل



غيرج يفضحها والا تفقد عذريتها




يعني انتي الحين بدال ما تقولين اشلون انساه
قولي الحمدلله زوجت وانضفيت غيرج تفقد عذريتها وتتسمخر وتكره الدنيا واللي فيها وتتحول حياتها لمأســـــــــااااه

 

[є 3 τ и α q]

ياحياتي ,
اللي راح انسيه واي شي يربطك فيه تخلصي منه
وحاولي انك ما تتركين له مجال يوصلك .. اللي فآت مات
انتِ الحين ركزي على حياتك وعلى زوجك ..
ترا الحب مايجي بسرعه ولا تقولين ل نفسك ماقدر احبه
تقدرين بس تخلصي من هذا بَ الاول ,

لآ تتركين الماضي يهدم مستقبلك .. وبخصوص كلآمه لك
انك بنك ومادري ايش .. كلها استفزاز ولو دل على شي دل على الآلم اللي يعيش
من القهر والالم جالس يحطمك ويقهرك ..

/

استمتعي بَ حياتك .. ولا تجلسين تعطينه اكبر من حجمة
الله يمسح على قلبك .. وينسيك كل شي ,

دعوآتِ ترافقكك ..