ابي انسسى ابي اتغييير

[خطآي انت]

السسلام عليكم ورحمة الله وبركاته

انا مو عارفه اشلون ابلش بالموضوع :eh_s(2):
بس قبل كل شي لاتدش وحده وتقول لي انتي تجاهرين بالمعصيه
لان انا ابي اتغييير مابي اظل على هالحااال

انا احب بنيه - ادري بتقولون شاااذه -
بسس والله العظييم انا مادري شلون وصلت لي هالحاله ..
لي فتره احاول اتوب احاول اتقرب من الله، ابي الله يغففففر ليي مابيي اموت وانا جذيي
وقبل ٣ اسابيع الله احبها تقدم لها واحد زييين ماينعاب واهلها وافقوا مع انها ارفضت بس اغصبوهاا!!
ماتدرووون اشكثر احترق قلبيي اهيي حلاااالي اشلون اتصصير له اششلوون
بعديين اقول لااا اصلااً انا ابببي اتغييير يمككن زواجهاا يساعدنيي ارد نفسس قبل
بسس ابليسسسي قووي ياربي مادري شسسوي في شي غصب يردني لهاا

والله العظيييم اتمنالها الخيير بسس احبهاا وهالحب مااادري شلون اششيله من قلبي
اشششلون انسسى اشلووون!!!!

عفييه ابي احد يساعدني اشلون اقدررر اتقرب من الله
شنو اسووي شنو ادعي
اكمل معاها ما اكمل معاهاا اهي خاييفه اتقول لي لا تهدييني : "(
اناا ضاااايعه

عفييه اللي تدشش موضووعي حتى لو ماترد بس تدعي لي بسرها ان الله يهدينيي ويسستر علي وعليهاا :eh_s(2):

 

[حورية الكويت]

الله يهديكم

لاحول ولا قوة الا بالله

استغفري الله كثير في كل لحظة و ادعيه ان الله يهديج و يبعد عنج هالوساوس

حبيبتي انتي (((أنثى ))) تدرين شنو يعني انثى ؟

يعني الله خلقج لادم و ليس حواء

تذكري قوم لوط الرجال كانوا يعشقون الرجال و شوفي الله شلون خسف فيهم

شنو تقولين ( حلالي ) عيب و حرام هالكلام !!! ما يجوز شرعا

تذكري يوم الحساب ... انتي شنو عملتي له ... اكيد انتي مراهقة و لازلت في مقتبل عمرك لا تضيعينه

حاولي تغيرين من نفسج قولي انا انثى و خلقني الله لاكمل الرجل و بناء اسرة و لاصلاح البشرية لا افسادها

ترا الامور هذي تييب الامراض لا سمح الله و امراض قاتلة

اتق الله في نفسج و تذكري اهلك الي ربوج و امج خصوصا حرام الي تسوينه بنفسج

ترا هذا ابلييييييييييس يا جماعة لا يقص عليكم

الله يهديكم

 

[zgrtya]

الله يستر عليج و يهديج :/

 

[om-3azo-83z]

اذا صج تحبينه على قولتج خليها تعيش حياه طبيعيه و حلوه مع ريلها بعييييد عنج

 

[لمى الهاجري]

وانتي بنت المفروض تحبين رجال ممكن نعديها الرجال هو الي بيحميج هو الي بيعطج الحب والحنان هو الي بيحتويج

 

[فهههده]

الله يهديك ويردك للصواب والطريق المستقيم وتنخطبين وتتزوجين وتحبين زوجك موووت
ويسخركم ربي لبعضكم وتضحكين على تفكيرك الشاذ هذا وتقولين استغفرالله انا كنت اقول كذا ايه الله الهادي

 

[قلبي وينك]

الله يستر ما ادري شاااااااااااااقولج

 

[سكوتي بذوقي]

لاحول ولا قوة إلا بالله

الله يهديكِ ويهديها يارب

الزمي الإستغفار صلي وادعي الله دايم

يهديكِ ويصلح حالك

 

[بيلسسان]

فكري بآخرتج

 

[ملهمه حبيبها]

كثري لستغفار حبيبتي وصلاة الليل لا تطوفينها لو ركعتين واطلبي ربج انه يرزقج بولد الحلال الي يشغلج ويلهيج ويسعدج
وكثري من لستغفار هذا
استغفر الله الذي لا اله الا هو الحي القيوم الرحمن الرحيم بديع السماوات والارض من جميع ضلمي وجرمي واسرافي ع نفسي واتوب اليه
كرريها اكثر من ١٠٠ مره باليوم وخلي لستغفار دايم ع لسانج

*

 

[سفييره الكويت]

هذا نتيجه للكبت العاطفي تحبين الجنس اللي مثلج وتميلين له لو كنتي محصنه وايمانج قوي ما انجرفتي لهالشي..!

عموما اللي تسوينه عليه لعنه واللعنه تعني طرد من رحمه الله سبحانه ابتعدي عنها وانسيها كل فتاه تتمنى رجلا لتسكن قلبه ويسكن

في قلبها وتفتح معاه بيت وتييب عيال منه مو بنت !!

انا اشوف انحرفتي بحبج لها..!


http://www.youtube.com/watch?v=TOfTgmdNNqg&feature=player_embedded

(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ )

 

[* ليــــدي *]

توقعت حب الرفيجات العادي بس دام ذكرتي ان حبج شذوذ من كلمة حلالي !!

شوفي اذا صج تحبينهآ خليهآ تعيش حيآتها وتعيش مع زوجها بعيد عن الحرآم
اول شي بتقولج لاتخليني ابيج ومن هالكلام بعد زواجها بتلهى عنج وتبعد عنج
فــ اذا ملجت حاولي تبعدين عنها بالتدريج لما تتعودين غيابها ..
ولا تزوجت احضري عرسها طبيعي عقب اتركيها نهائيا خلي التواصل بس واتس اب وحزتها تكونين متعوده غيابها
بعدها شوي شوي تردين طبيعيه
و اتركي العلاقات مع بنات و شباب حراااام ..

 

[Şhώasha . . ~]

:s

الله يهديج ويبعد حبها من قلبج !

 

[خطآي انت]

بنات انا ادري ان اللي انا فيه حرام ..
انا دشيت اهني وكتبت مشكلتي علشان اتساعدوني
انا قلت ابي شي يساعدني اتوب .. شي يقربني من الله

وانا مو مراهقه .. عمري ٢٥.. ووصحيح ان حبي لها شاذ وقلت اني مادري شلون وصلت لي هالمرحله !!
و الله العالم ان مابي لها غير الخير وانها اتوفق ابحياتها
انا ماوقفت بنصيبها بالعكس انا للحين معاها بس لمن اتذكر انها بتروح مني ابعد واحاول اتاقلم على غيابها مع ان هالبعد يكسرني ماحسس بوجودي الا معاها .. مثل ماذكرت اكو شي يردني لها غصب. شنو اهو! مادري

الله يهديني .. : )

يعطيكم العافيه ومشكورين

 

[* ليــــدي *]

اهي بتتغير اصلا عليج بعد زواجها
وراح تتعبين اكثررر واكثررر اذا ماحاولتي من الحين نصيحه حاااولي من الحين انج شوي تبعدين
اول شي بتقولين كارثه صعبه مستحيييل ماقدر شلون معقوله لا مابي بموت بدونها طامه كبرى
عقب مع الوقت والله العظيم تتعودين ..
الله يمسح على قلبج ..

 

[Patcholli]

وشنو نهاية هالحب ..؟؟

بتتزوجون ولا بتظلون عوانس وتحبون بعض ؟؟

اعتبريني اختج الكبيره بشد عليج وماراح اطبطب عليج لانج بعمر حرج وضايعه بهالسوالف اللي لما تكبرين بتشوفينها سخافه ويمكن تعور قلبج لما تتذكرينها ..

باجر لي صرتي عيوزه وتجاعيدج تارسه ويهج بتدقين عليها وتقولينلها حبيبتي مشتاقتلج ؟؟

انا اقول استغفري ربج وتوبي وخلي عنج هالخرابيط والمحرمات والاشياء اللي ماترضي رب العالمين ..!!

رب العالمين خسف بقوم لوط بسبب الشذوذ واللواط ولعنهم .. يعني شوفي هالشي شكثر كبير وعظيم عند رب العالمين

لاتستهينون بهالاشياء وحسبالكم عاديه لا حبيبتي مو عادي والله يستر عليج ويهديج

استغفري ربج قبل لاتندمين ترى هالسوالف كلها اشياء عابره ماراح تنفعج ولا راح توصلج لنتيجة غير الذنوب والمحرمات

باجر وراج زواج ووراج ناس بيسئلون عنج من بنته ومنو اهلج ومنو ارفيجاتج مو زين تتلطخ سمعتج وتصيرين شاذه وكل من يسئل عنج حق خطبه ولا زواج ينقالهم ديرو بالكم منها كانت شاذه ..!!

ادري ماراح تقتنعين بس صدقيني على عمري هاذا وانا مره كبيره وام عيال اصادف بنات كانو معاي بالثانويه وكان معروف عنهم هالسوالف وربي ليلحين اطالعهم بنظره انهم كانو بويات ولا كانو شذوذ ..

قبل اسبوعين صادفت وحده .. مع انها بعمري ليلحين ماتزوجت وفوق هذا اخوانها يوصلونها ويبونها مانعينها من السواقه

ياترى ليش ..؟؟

مو لان ماعندهم ثقه فيها ولان سمعتها اتشوهت ؟؟

شوفيها الحين ارفيجتج بتتزوج وبتصير مره ويمكن الزواج يهديها ويعقلها وراح تنسى هالخرابيط
وانتي بتظلين معلقه لا انتي عايشه حياتج طبيعيه ولا انتي عايشه مع اللي تحبينها لان بالاساس هالشي باطل وخرابيط ..!!

 

[سفييره الكويت]

بنات انا ادري ان اللي انا فيه حرام ..
انا دشيت اهني وكتبت مشكلتي علشان اتساعدوني
انا قلت ابي شي يساعدني اتوب .. شي يقربني من الله

وانا مو مراهقه .. عمري 25.. ووصحيح ان حبي لها شاذ وقلت اني مادري شلون وصلت لي هالمرحله !!
و الله العالم ان مابي لها غير الخير وانها اتوفق ابحياتها
انا ماوقفت بنصيبها بالعكس انا للحين معاها بس لمن اتذكر انها بتروح مني ابعد واحاول اتاقلم على غيابها مع ان هالبعد يكسرني ماحسس بوجودي الا معاها .. مثل ماذكرت اكو شي يردني لها غصب. شنو اهو! مادري

الله يهديني .. : )

يعطيكم العافيه ومشكورين

إذا ما قال لي ربي اما استحييت تعصيني


وتخفي الذنب عن خلقي وبالعصيان تأتيني



فكيف أجيبُ يا ويحي ومن ذا سوف يحميني؟


أسُلي النفس بالآمالِ من حينٍ الى حيني


وأنسى ما وراء الموت ماذا سوف تكفيني


كأني قد ضّمنتُ العيش ليس الموت يأتيني


وجائت سكرة الموت الشديدة من سيحميني؟؟


نظرتُ الى الوُجوهِ أليـس منُهم من سيفدينـــي؟


سأسأل ما الذي قدمت في دنياي ينجيني


فكيف إجابتي من بعد ما فرطت في ديني

....


:eh_s(7): الله يهديج ياقلبي :eh_s(7):

 

[..rum rum..]

الله يهديج يارب
أول شي زواجها يه من صالحج حبيبتي عشان شوي شوي توخرين عنها
اهيا أكيد مع الوقت بتلهى مع زوجها و راح تفج عنج
انتي لازم توخرين بعد و حافظي على صلاتج واكثري من الدعاء
وحاولي تشغلين نفسج مع رفيجاتج وخواتج بنات خالتج بنات عمتج طلعي زوري روحي ردي
أشغلي نفسج بأشياء ثانيه ..
والله يرزقج بولد الحلال اللي يحافظ عليج ويقدرج
والله يستر عليكم وعلى كل بنات المسلمين

 

[غراوي]

حلو حسيتي بالغلط وتبين تتوبين هذا اول الخير
راح تنسينها اذا تزوجت لانها راح تلهي عنج

وتري حطي ابالج ان العلاقه بين المره والرجال احلي من علاقة البنت للبنت*

 

[قمر بيت أبوها]

حبيبتي تمسكي بكلام الله كل شي تحسين بيخرب اخلاقك اشتغلي عنه بالقرآن والصيام
وعندي استفسار بسيط
هالحاله متي جات لك
( لان سبق دخلت بمحاضره لداعيه تقول نسبه كبيره من الشواذ عندهم عشق من الجن ممكن لان تعلقك فيها غير معقول اعرضي نفسك علي راقي متمكن نصيحه )
والله يهديك ويستر عليك ويبعدك انتي وبنات المسلمين عن هالمعاصي