أوّل خطوة للتغيير أنجْ تبين تتوبين وتغيرين هالطريج
اسمعيني يَ حبيبتي : ربّج خلق الجنسين وخلق الميل الفطري
بينهم وحكمه بالزواج ، لكنْ الخارج عن الفطرة إنّج تحبّين من جنسج
وتميلين له ميل الرجل لانثى .
أوّل شي حطّيه ببالجْ أن اللي تسوينه تغضبين فيه ربّج ، أي توفيق اللي بييج
وأنتي تعيشين مطرودة من رحمة الله ؟ شاللي يسوى تخلينْ نفسجْ عاصية ؟
أمجْ وأبوجْ ربّوج أحسن تربية والدليل بذرة الخير الي لازالت موجودة فيج
وتأنيب ضميرج للشي اللي تسوينه ، لاتخلينهم يتحسفون عليج وعلى تربيتجْ
خليهم يفتخرونْ ببنتهم اللي ماضاعت التربية ولا التعب فيها ..
شتبين منها ؟ حُب؟ حنان؟ إهتمام ؟ تسلية ؟ تقضية وقت ؟
هذي ياحبيبتي مب سمعتجْ بس ، هذي سمعة أهلجْ لاتضيعينها
بلحظة غفلةْ .
اللي تدورين عليه فهالبنية اغرسيه في أهلجْ ، يمكن غفلوا عن بعض
الأشياء ، أنتي نبهيهم ، الفتي نظرهم على الاشياء اللي ناقصتنجْ .
روحي لمركز تحفيظ قرآن أضمن لج تلقين الصُحبة اللي تنسيجْ إياها
بتعيشين جَوْ مُختلفْ وياصُحبة صالحة تعينج على الخير والصلاحْ. اتركيها
وانسيها ، لأن اللي يشجّعج على الغلطْ مافيه خير لنفسه عشان يكون فيه خير
لجْ ، اتركيها وربّج بيعَوّضج خيير ْ.
علقي قلبج بربّج وذكره ، فأي مكان أنتي فيه حاولي تذكرين الله ، استغفري ،
اقري قرآن ، توبي لربج توبة نصوحة وربج بيعينجْ وبيّسر أمرج بس كوني صادقة
أقطعي علاقتج فيها وفكل شي يربطج/يذكرج فيها عشان تقدرين توصلين لطريج الخيرْ .
اصبري عشان توصلين للي تبينه بكل إصرار وقوّة ، لاتضعفِين .
تقربي من أمج/خواتج سدّي الفراغ اللي تعيشينه ، ورفيجاتج ان شاء الله
بيعينونج وراح تنسين .
ربي يفتحها علييج ويعينجْ وييسر أمرج ويسهله ويهديج ويثبت قلبجْ
