ابي انقـل للأوقاف ساعدونـــي ؟؟!!

[أشبـاهـ المطـر]

سراب يعطيج العافيه عن جد انقذتيني
لا والله الاوقاف ولا التربية قطيعه اسأل مجرب
لوووعة جبد وكرف ولاترقيات ولا علاوات وكل شي بالعزر

 

[أشبـاهـ المطـر]

بعد اذن صاحبه الموضوع تنصحوني اشيل الربط من الاوقاف وبعد مايقبلوني الوزاره الثانيه احول للاوقاف تصدقون ماقعد احد ماسالته هالسؤال ومالقيت الاجابه الشافيه ............... وماخاب من استشار*************

اذا خاطرج بالاوقاف
لاتشيلين الربط ترا مساله النقل مو هينه
كــلش والله يوفقج

 

[أشبـاهـ المطـر]

اذا تبين نصيحتي خليج بمكانج احسن

انا بالاوقاف ولايعه جبدي من هالوزارة السكه اللي مافيها شي سنع وودي انقل منها اليوم قبل باجر
بس اذا كنتي معزمه بقولج الطريقه وانتي كيفج

روحي حق مكتب اي عضو بمنطقتكم وخليه يسويلج كتاب نقل حق الاوقاف ويوقعه من الوزير وبعدها اخذي هالكتاب وروحي مجمع الوزارات وصعدي الدور الثاني على مااعتقد صوب وكيل الوزاره وهناك يوقعون لج 100 توقيع وهم يقولون لج شنو تسوين

وموفقه يارب

اي وزير ؟؟ << توها تستوعب
الاوقاف ولا التربية ؟؟؟


ومشكوره مره ثانيه

 

[أشبـاهـ المطـر]

آآآآآب

 

[نسمة هوا]

حبيبتي مايصير تنقلين قبل لا تكملين سنتين في وزارة التربية وإذا بتتأكيد سألي ديوان الخدمة المدنية أفضل

 

[sraab]

وزير الاوقاف

بس ع فكره ترى حتى الاوقاف مافيها ترقيات ولا علاوات ولا شي

وسالفة السنتين ممكن يمشونها بالواسطه يعني لا تحاتين

وموفقه حبوبه

 

[عزتي مالها حد]

رد : ابي انقـل للأوقاف ساعدونـــي ؟؟!!

عسى الله ييسر امورج

 

[واثقه خطاي]

روحي سألي بديوان الخدمه

 

[دنيا جديده]

اذا تبين نصيحتي خليج بمكانج احسن

انا بالاوقاف ولايعه جبدي من هالوزارة السكه اللي مافيها شي سنع وودي انقل منها اليوم قبل باجر
بس اذا كنتي معزمه بقولج الطريقه وانتي كيفج

روحي حق مكتب اي عضو بمنطقتكم وخليه يسويلج كتاب نقل حق الاوقاف ويوقعه من الوزير وبعدها اخذي هالكتاب وروحي مجمع الوزارات وصعدي الدور الثاني على مااعتقد صوب وكيل الوزاره وهناك يوقعون لج 100 توقيع وهم يقولون لج شنو تسوين

وموفقه يارب

صاااجه انا بعد بالاوقااف لاعت جبدي منها وصارلي سنه استغفر الله وابي انقل لوزارة الاشغال ابصم واطلع

 

[smilmoon]

رد : ابي انقـل للأوقاف ساعدونـــي ؟؟!!

اخت سراب ودنيا جديدة ...انتم موظفين بالوزارة نفسها ولا دوور القران اللي تبع االاوقاف؟؟وشنو اللي ماتحبونه بالوزارة؟
لاني كنت افكر انقل لها ...بس التربية مجلبه فيني

 

[أشبـاهـ المطـر]

الدنــيا تركض مرررت سنتين
اجتزت المده الحين شلون انقل خدماتي ؟؟​

 

[foshia girl]

حبيبتي انا راح اقولج الطريقه الصحيحه للنقل واذا تم نقلج تكفين ادعيلي دعوه حلوه منج



أول شي الاجراءات اللي تصير ان تروحين قسم التنقلات بوزارة التربيه وتقدمين نقل لوزاره ثانيه لانج تجاوزتي سنتين

وبعدين تقدمين كتاب لمن يهمه الامر لوزير الأوقاف ( يعني تخاطبين وزير الاوقاف ) مختوم من نائب بمجلس الامه ( هذا اذا تبين واسطه )

تالي هالنائب يباشر الكتاب أول بأول ( او مندوب النائب اهو اللي يباشر ورقتج شصار عليها ) يعني ليما يتوقع من الوزير مال الاوقاف ويتم الموافقه عليج نهائيا" اهني الاوقاف راح يرسلون كتاب يخاطبون التربيه علشان تنتقلين عندهم

بس هاااا لازم واسطتج تكون قويه ولازم ماتهملين وورقتج النقل وكتابج اللي مختوم من النائب يعني السالفه فيها مراكض

يبا انتقلي افتكي من التربيه انا كنت فيها اذبحوني خلوني اكره شي اسمه دوام حسبي الله ونعم الوكيل

الله يوفقج وربي من قلبي ابي لج الخير ..

 

[أشبـاهـ المطـر]

مشكوره حبيبتي جزاج الله خير
وانا بصراحه واسطتي مو نائب للاسف
لكنه يعمل بالاوقاف ...


الي فهمته من كلامج اني اراجع الوزاره يعني مو من المنطقه اقدم النقل ؟؟

سـوأل انتي وين انتقلتي ؟؟ ​

 

[سبحان الي خلقني]

موفقه

 

[SILVER RAIN]

تبين نصيحتي
قدمي على دراسية
ومن تاخذين شهادة سنعة صيري مدرسة
ومعاشج يصير شحلاتة

 

[أشبـاهـ المطـر]

مشكوره حبيبتي على النصيحه
ان شاء الله ناويه اكمل دراستي
بس مدرسه لا والله رحم الله امرءٍ عرف قدر نفسه
لاطاقة لي بتدريس وشرح والتعليم ^^​

 

[أحلى من الخيال]

بعد إذن صاحبة الموضوع
اشلون الندب لمعلمة من التربية إلى الأوقاف​

 

[*الهنوف*]

تري كلنا اول سنه ماتقبلنا وظايفنا
انا وحده من الناس شكثر نقلت من اداره لي اداره
والدوام ترا دايم يغث لو وين تروحين