ابي برنامج حلوووو حق ماليزيا

[ZoooQa]

برنامج نايس حق ماليزياااا


صباح الورد بنات عساكم بخير

ابي منكم برنامج حلووو حق ماليزيا انا بروح 9 ايام بس


وانا احب التورز والرحلات السوق خلوو اخر شي

و مابي رحلات داخليه بالطياره حدنا رحلات بحريه لانه مايمدي بس بتكون رحلة استجمام واستكشاف حق ماليزيا

اللي وايد حايسه هناك وتدل عدل تفيدني ،، وبعدين حق الماركات انا سمعت انه ارخص من الكويت و وين ؟؟


يالله شدوا حيلكم سوولي شي سنع

وماتقصرون



​

 

[^ حـلـــــوى و رهـــــش ^]

حياتي انتي بتقعدوون بـ كوالا ..
ولا تبوون تروحون جزر ..


اذا بس في كوالا ..

تقدروون تروحون جنتـغ .. في الباص ..
منطقه جبيله حلوووة .. تقضوون فيها يوووم كامل .. العاب ومطاعم

تقدروون تروحون القريه الفرنسيه أو افاموزا .. هم في التاكسي أتوقع بحدود 3 ساعات عن كوالالمبور ..


في كوالا نفسهـا ..
عندج ..
التون تورز ..
حديقه الفراشات ..
الماينز ووندر لاند ..
صن واي لاغووون ..

هذول تقدروون تروحون لهم بالتاكسي ..

في شارع العرب .. كله مجمعات وكافيهات ومطاعم ..

مجمع تايمز سكوير .. هو مجمع والعاب داخليه فووق اذا معاج يهال ..



هذا اذا تبووون بس في كوالا ...



واي سؤال حاضره حياتي

 

[ZoooQa]

بعد قلبي رهوشه انتي الوحيده اللي رديتي

ابي اطلع بره كوالمبور بس مو بطياره ابي جزر اللي اقدر اروحلها يوم واحد و مابات فيها سمعت لنجاوي ؟ شرايج ؟؟​

 

[ZoooQa]

وينكم بنات شدعوه محد رد الا رهش

ابي آراء مختلفه

 

[شياكه]

بعد قلبي رهوشه انتي الوحيده اللي رديتي

ابي اطلع بره كوالمبور بس مو بطياره ابي جزر اللي اقدر اروحلها يوم واحد و مابات فيها سمعت لنجاوي ؟ شرايج ؟؟​

اعتقد لازم رحله بالطياره بين كوالا و لنكاوي

انا يوم كنت بلنكاوي وبغيت اروح كوالا رحنا بطياره اعتقد المسافه بعيده

جنتنغ منطقه جبليه فيها فندق ومطاعم وسوق و ملاهي تقدرين تروحين لها بالتاكسي الصبح و ترجعين بالليل واذا حبيتي تباتين فيها ليله حلو

وفيه رحلة افاموسا سمعت عنها في كوالا بس ما رحت ماكان عندي وقت كافي ابحثي عنها بالنت

 

[maanooora]

شوفي حبيبتي انا الحين بكوالا واول مره ازورها اتصدقين ان كل شي تقدرين تسوينه من الفندق يعني قولي للفندق ابي برنامج سياحي وهم يعطونج كل اللي تبين ... هني سهالة ماشاء الله كأنج زايرتها من قبل

 

[ZoooQa]

اعتقد لازم رحله بالطياره بين كوالا و لنكاوي

انا يوم كنت بلنكاوي وبغيت اروح كوالا رحنا بطياره اعتقد المسافه بعيده

جنتنغ منطقه جبليه فيها فندق ومطاعم وسوق و ملاهي تقدرين تروحين لها بالتاكسي الصبح و ترجعين بالليل واذا حبيتي تباتين فيها ليله حلو

وفيه رحلة افاموسا سمعت عنها في كوالا بس ما رحت ماكان عندي وقت كافي ابحثي عنها بالنت

تسلمين حبيبتي اي صح انا سمعت عن افاموسا بس مادري شقصتها
بشوفها بالسيرك

ماقصرتي ​

 

[ZoooQa]

شوفي حبيبتي انا الحين بكوالا واول مره ازورها اتصدقين ان كل شي تقدرين تسوينه من الفندق يعني قولي للفندق ابي برنامج سياحي وهم يعطونج كل اللي تبين ... هني سهالة ماشاء الله كأنج زايرتها من قبل

ثانكس ياروحي
انا زايره شرق اسيا من قبل كلها جذي بس انا عندي 9 ايام بس و محتاره بين المناطق بس و ماني عارفه شللي يروحوله بالطياره و شنو اقدر اروحله بالسياره او بالبحر

 

[ريشه123]

مااظن يوم واحد كافي لاي جزيره ودج تروحينها على الاقل يبيلج 3 ايام مو اقل

واي الاماكن اللي ودج تروحين لها وانشاءالله افيدج باادق التفاصيل

 

[حنين قلبي]

السلام عليكم ...


انا توني رادة من ماليزيا وحلوة وايد وراح تستانسون فيها انشاء الله ...

فيها وايد اماكن و9 ايام ماراح تكفي بس في اماكن سياحية حلوة ...

برفق لج ملف .. انشاء الله يعجبج والله يونسج ويردج سالمة ...

تحياتي ...

 

[حنين قلبي]

المرفق يتجاوز الحد للارفاق ....:0bee2e8d89:

 

[haneen]

هلا ياقلبي ..

اول شي ترا 9 ايام ماتكفي كلش .. وثانيا ان شاء الله البرنامج يعجبج ..

عندي لج خوووووووش رحلة واتمنى انه ترضيج ..

اول شي ببدي اعطيج خلفية عنهم ..


الرحلة الأولى :

منطقة سلانجور..
منطقة راقية وهادية .. تقعدين فيها بفندق صـن واي لاقــون فنتدق ومنتجع فخم و روعه .. كل شي فيه كااامل
خدماته وفخامته والراحة اللي فيه روعه .. وبعدين كل شي يمة يعني ماراح تطلعون برا .. لازق فيه مجمع كبييير
تروحين له خلال ممر فيه كل شي المجمع شوبنغ ومطاعم وجمعية وصالة تزلج .. غير بالفندق فيه قرية مائية كبيرة
جنااان غير المحلات اللي برا غير المجمع .. يعني هالفندق انصحج في وبشدة ..

صورة للفندق:

الرحلة الثانية :

جزيرة بيننانج..
جزيرة الحركة كل شي فيها من مجمعات ورحلات وحدايق غير الاسواق الليليه .. يعني جزيرة عجيبة
قعدي فيها بفندق هوليدي ان .. فندق حلوووو بالسعر والشكل.. والاحلى قريب من كل شي عجيب ..

صورة للفندق:

الرحلة الثالثة :

العاصمة كوالالمبور..
مدينة الاحلام .. اعجز عن وصفها عقب الوناسة بالجزيرة وسلانجور راحت حتاجين للراحة والتمشي
والتسوق الاصلي .. راح تلقينها فيها وبما انج تحبين البرجين .. مالج الا فندق تريدرز ماشاء الله فضيع
واهو قبال البرجين بالضبط وحتى لما تنامين وتطفين اللمبات راح تشوفين نور البرجين بالغرفة روعه ..
وغير هذا تبين انتي الماركات وهالفندق قبال البرجين واهو في تحته مبنى الماركات المعروف
كي ال سي سي .. كل الماركاااااااااااات فيه .. اي تبين فيه .. حتى وانتي تطلعين من الفتدق تروحين له
مشي قريب حيل بينهم حديقة تونس .. تتمشين وتوصلين له .. الفندق 5 نجوم ومية مية ..

صورة للفندق:

الجدول :

راح يكـــــون ..

2 يوم ..... منطقة سلانجور ( فنــدق صــن واي لاقـــون )

3 يوم ..... جزيرة بيننانج ( فنـــدق هوليـــدي أن )

4 يوم ..... العاصمة كوالالمبور ( فنــدق تريــدرز )



واتمنى لج رحلة سعيدة ..
وان شاء الله اكون كفيت ووفيت وسامحيني على القصـــــــور ..​