ابي تخطيط عدل مدل ياخبيرات سويسرا

[المشخوطه]

بأد انا سيم سيم سؤاال مل هذا نفر
وااااااااااااااااي شفينا قلبنا هنود كلا من سبت السفر والله مانلام

 

[& الذاهبه &]

هههههاي

ماننلام والله من كثر ما انكرفناا طول السنه نبي نتسيح في بلالاد الله ا...

الله ييسر امورنااا يارب العالمين

 

[@style@]

up up

 

[HERMITAGE]

نصيحه لا تروحين جنيف روحي لوزيرن واسكني فندق همرتاج شي خيالي على البحيره والمنطقه روعه سياحيه والخليج بس الذربين فيها مو نفس جنيف هيلق وعندج بعد لوغانو تبعد عن لوزيرن ساعتين حلوه وقريبه من الاوت لت اسمه فوكس وتقدرين تروحين ايطاليا ميلانو بلد التسوق والماراكات وسياحه اسكني في الدومو كل شي يصير حولج مطاعم سوق كل شي ماتاخذ 40 دقيقه وفي منطقه وانتي داخله ايطاليا اسمها كومو يالهو اموت عليها تهبل
انا اقترحت عليج لوزبرن لان ميزتها بالوسط تقدرين تروحين للي قلتلج وتقدرين تروحين انترلاكن وفيفيا ومونترو
وعن الملابس الجو حااااااااااااار اخذي صيفي واحتياط جاكييييت خفيف واهم شي الشمسيه لان دايم مطر
والله يتمم لج امورج على خير ويسرلج دربج وهنيج وتروحين وتردين بالسلامه بس ها وصيه حبيلي طوف سويسرا واذا رحتي الدومو حبيبت قلبي تكفين بوسيها لي بالهوى ههههههههههههههههههه لاني هالسنه انا من الصامدووووووووون من الديره حسبي الله على البورصه والي اخترعو البورصه

 

[& الذاهبه &]

يا هلا بفاتنه الخط السرريع

زين شنوو المخطط من اي مطار نروح لوزرين وانترلاكن

سفرتي 11 يووووم

 

[ظلال القرآن]

بنات مو على بالكم الاوت لت بلاش لا ترا غالي وانا العام تمشيت بالفوكس تاون ماشريت ذاك لزود
لان الماركات غاليه يعني خاصمين بالجنطه حوالي 100 دينار بس
حتى البربري على 300 و الفندي على 500 انصدمت صراحه وهي اساسا موديل قديم والجناط مثل السيارات اذا قدم موديلها ما تونس
والله انا اقول سافري واستانسي ولا تخلين هدفج السوق
واخذي جنطه موديل السنه احسن مليون مره من تاخذين جنطه موديل قديم وسعرها ب الميات

 

[omjasim]

[
ههههههههههههههههههه لاني هالسنه انا من الصامدووووووووون من الديره حسبي الله على البورصه والي اخترعو البورصه [/b][/color][/QUOTE]

هههههه ردينا على سوالف البورصه الله يعينكم قهر والله كلنا صامدون هالسنه ما درى ليش ريلى مخرعه رمضان الضاهر اهوا اللى لازم يرمى المدفع :dfgl:

 

[& الذاهبه &]

وين المخطط ترى بتبلش العطله ومد خطط للرحله

بنتوتاات حلوات مزيونات رشيقااااات المستقبل ردووو

 

[ظلال القرآن]

ام خالد انا بدز لج خطتي لسفره العام سويسرا فرنسا واذا انتو ماجرين سياره راح تفيدج لان خطتنا تصلح للي عندهم سياره
بس صبري علي شوي بقول حق ولدي ينقلها من لابتوبه الى لابتوبي

 

[& الذاهبه &]

أوكيك ياا كيك وماتقصرين يا الغلا

 

[HERMITAGE]

[
ههههههههههههههههههه لاني هالسنه انا من الصامدووووووووون من الديره حسبي الله على البورصه والي اخترعو البورصه [/b][/color]

هههههه ردينا على سوالف البورصه الله يعينكم قهر والله كلنا صامدون هالسنه ما درى ليش ريلى مخرعه رمضان الضاهر اهوا اللى لازم يرمى المدفع :dfgl:[/QUOTE]

ام جسوم تبون نعاونكم ونرمي معاكم المدفع هههههههههههههه:dddds: وااااااااااااااااااااي ا

 

[HERMITAGE]

ام خالد مطار زيورخ اقرب شي للمناطق الي ذكرتها لج

 

[ظلال القرآن]

ام خالد مطار زيورخ اقرب شي للمناطق الي ذكرتها لج

اذا جذي روحي على طيران الامارات تطب في زيورخ وهم الحين احسن وارخص عروض بشركات الطيران
والسياره تقدرين تاخذينها من مطار وتسلمينها بمطار ثاني عادي
احنا اخذناها من جنيف وسلمنها في باريس

 

[أم جوني]

حبيبيتي اذا بتروحين سوسيسرا أول مكان لاطوفينه الشومنيه وقمة المونت بلانك مكان ماراح تنسينه طول عمرج وهذي ثاني أعلى قمة في العالم واذا صعدتيها راح تحسين بوناسة غريبة ورهبة من الله ومن المكان لأنج راح تكونين قريبة من ربجج والمكان بارد ثلج 20 تحت الصفر شيء خيالي ورحي في نفس المنطقة كهف الثلج والرحلاقيات وبعدين هم في أماكن وايد حلوه انترلاكن ملتقى البحيرات روعة المكان جنج بالجنة والمنطقه حيل بارده والطبيعة فيها تينن تدخلين بعبارة داخل الشلال وتشوفين الكهوف والمناظر ولاتنسين تاكلين الفوندون وتشربين الشوربة وتاكيلن الكاكاو بالكيلو وروحي بعد زيورخ حدها حلوه ولوزرين مدينة الجسر الخشبي وفيها مطعم فلوركلوري تروحين تشوفين العروض السوسيرية راح تستانسين وايد شعبهم حبوب وطيب وروحي بعد شافهوسن لما تكونين بزيورخ اخذي القطار وروحي المنطقة فيها أكبر شلالات بأروبا الماكن روعة كافي التمشي بالغابة وتشوفين أشجار الفواكة والتوت والورد وناسة وروحي جنيف بس لاتقعدين فيها وايد اهي حلوه بس دايما العاصمة مو حلوة نفس المناطق الداخلية والخارجية والريف لانها زحمة وروحي مونترو ولوزان وروحي انسي وروحي قشتاد ودبلوري تروحين بالقطار وايد أونس اتشوفين الطبيعة الخلابة الي ترد الروح لما توصلي دبلوري صعدي بالترفيك عشان توصلين قشتاد القمة تكون في قشتاد فوق في زحلاقيات على الثلوج فوق الجبل وفي تكرمين عربة تجرها أربع جلاب تتمشين فيها على جبل الثلج اتحسين انج قصة من قصص ألف ليلة ولية أو قصة ملكة الثلج حلوه حلوه سوسيسرا وفيها وايد مناطق لو اقولج الصفحة بتنترس اذا عندج اي استفسار قولولي لاني فرتيها من اولها لي اخرها

 

[& الذاهبه &]

أم جوني حبيبة قلبي

وظلال القرأن

ابي مخطط توضيحي للرحلة مدتها 11 يوووم فهموني ابي يعني احلا المناطق وكل منطقة جم يووم اقعد فيهاااا

 

[أم جوني]

حبيبتي أم خالد طبعا زين انج تسويين اول شي انج ماتبين تاخذين اليهال لانه اوربا موحق اليهال حق الرومانسية وراحة البال أما اذا ريلج مستخف على النمسا فأنا أكثر النمسا خيال سويسرا طبيعتها أحلى بس النمسا تجذب أكثر لأنها تاريخية أما سويسرا حلوة بساطتها تحسين انج هايدي في جبال الألب اهي كلها جبال وبيوت خشب وطبيعة خيالية شوفي انا سويتلج مخطط وانشالله يعجبج بس 11 يوم وايد شويه حق سويسرا بس انا بعطيج المناطق الطبيعية الساحرة وانشالله تعجبج لأني انا أموت على الطبيعة والألوان الخضرة اذا بتنزلين جنيف قعدي 5 أيام افتري بجنيف يومين لأنه وايد عليها و3 أيام طلعي الى المناطق الجريبه منها عشان لاتحجزين وايد فنادق اليوم الثالث رحلتج حق مونترو ولوزان يم بعض ومناطق تستحق انج تشوفينها بالقطار اعتقد نص ساعة اذا مو أقل اليوم الرابع روحي المناطق الي على على حدود سويسرا المناطق الفرنسية مدينة ديفون تبعد ساعة بالقطار مدينة روعة كلها ينابيع فورارة من الارض وفيها بحيرة وقهاوي تينن وشعبها طيب واجري قولري مثل الخيران وافتري دار مدار البحيرة وايد حلو المكان ولاتنسين تاخذين يورو لانج راح تعتبرين بفرنسا واهم يتعاملون باليور وبعدها بنفس اليوم روحي مدينة انسي وشوفي بحيرتها وشكثر تونس المدينة وفي اليوم الخامس واعتقد راح تكون الرحلة الأروع الشومنيه تبعد ساعتين بالسيارة من جنيف طلعي من الصبح عشان تستمتعين عدل فيها وصعدي قمة المونت بلانك وذكريني لانج راح تحسين باحساس غريب في هل المكان طبعا اذا كنتي جريئه وماتخافين وتحبين المغامرة وهذا الي يكون احلى شي بالسفر واعتفد انا قتلج برسالتي الأولى عن الأماكن الي بالمنطقة ومثل ماقتلج اخذي يورو لأتها بفرنسا على حدود جنيف بعدها اليوم السادس حجزي 4 أيام في انترلاكن مدينة وسط سويسرا ملتقلى البحيرات البحيرة الغربية والشرقية اذا مارحتي جنج موشايفه طبيعة سويسرا الأصلية انا اعتبرتها جنة الله على الارض مكان يسحر القلب والعين افتري فيها يومين واليوم الثالث اخذي رحلة حق لوزرين مدينة الجسر الخشبي وانا قتلج برسالتي الأولى شنو فيها هل المدينة وشلون راح تسمتعين اذا رحتي المطعم الفلكلوري وشفتي العجايب استانسي ترى الدنيا ماتسوى شي وهل الأيام راح تذكرينها وتريحج اذا ذكرتيها وفي اليوم الرابع طبعا يعتبر اليوم التاسع لج بسويسرا يعني الرابع في انترلاكن وماأدراك ماانترلاكن روحي دبلوري وقشتاد يالقطار أكرر بالقطار لانه المشي بالقطار وتشوفين المناظر الخلابة الي السيارة ماتقدر تصعدلها على الجسور والجبال واطراف البحيرات والغابات متعه بحد عينها لما توصلين دبلوري ولازم يكون امبجر عشان تلحقين على التلفريك الي يصعدج قشتاد ركبي الزحلاقيات وهم شوفي قمة الجيل وركبي عرية الجلاب طبعا هل الجبل أصغر بشوي من جبل المونت بلانك بس تقدرين تتحركين عليها لانه أرضه شويه مسطحة وحاطينليج طريج حق التمشي على الثلج واحلى مافي الموضوع انج تشوفين الغيوم تحتج وانتي تلمسبنها اما قمة المونت بلانك من البرد ماتقدرين تسوين شي ارتفاععه 4842قدم عن الارض الطيارات ماتمر من يمه لانه اذا مرت بتحطم من جذي قتلج لاطوفين المغامرة المهم نرجع حق قشتاد بعد ماخلصتيها ونزلتي افتري بدبلوري وتعشي وشوفي البقالات الحلوه واسواق الخضار ورجعي انترلاكن اليوم التاسع حجزي اخر 3 أيام في زيورخ روحي السوق العجيب اي انا اعتبرته احلى سوق كله محلات الماس وفي شارع الماركات والله نسيت اسمه بس معروف اهناك كل اغنياء العالم فيها وزيرخ وايد حلوه اليوم الثاني روحي شلالات شاف هوسن الي قتلج عنها ورحلة ممتعة انشالله تعجبج مع انه في وايد مناطق ماراح تلحقين عليها

 

[& الذاهبه &]

ماشاء الله خوووش مخطط شي عجيب ... تسلم ايدج ام جوني لاخلا ولاعدم

بارك الله فيج .... تم حفظ المخطط وانشاء الله جاري التطبيق

شكرا يا الغالية

 

[far007a]

السلام عليكم
هذا الرابط فيه تقرير عن قصة عروس في شهر العسل وكلها في سويسرا وكل شي مكتوب بالتفصيل انشالله يفيدج

http://www.q8yat.net/showthread.php?t=151031

 

[& الذاهبه &]

مشكووورة ياقلبي

 

[aady]

بنات
يعنى انا لو بسافر جنيف
شنو الحلو الى فيها؟
و جم المده الى تنصحونى اقعد فيها؟