شلونكم بنات
هذي اول مشاركه لي كنت اقرا مواضيعكم بس ... و قلت حق اشترك لان توني متزوجه صارلي سبوعين و عرسي بعد شهر اذا الله كتب لي عمر
بنات كنت احب ولد خالتي ... اموووت فيه و اهوا يموت فيني و كنا متفقين ان احنا نتزوج و ناخذ بعض و العاايله كلها كانت تدري عنا ... المهم
صارت مشكله كبييييييره مع ابوي و ريل خالتي اللي اهوا ابوه و تهاوشو و انا وياه صرنا ضحية المشكله
ابوي ريال كبير قالي لو على قص رقبتي ما تاخذينه و خلاص شيليه من مخج
و انا ؟؟؟ شلون يعني ما اخذ اللي ابيه
من احنا يهال كله يقولون فلانه حق فلان
و حيييل تعلقنا ابعض
المهم مرت الايام و قامو يتقدون لي ناس و كله ارفض لما تقدم لي واحد وااااااااااايد وايد زين و اهني ابوي قالي خلاص عاد تزوجي و مادري شنو و لي امتى و انتي عبالج انا راح اوافق على ولد فلان !!!!!!!!!!!
المهم سكر الباااب بويهيييييي
لما يه اليوم اللي انخطبت فيه و صارت خطبتي على لسان كل اهلنا
وصله الخبر
دق علي يبجيييييييي حيل يقولي مو مصدق شلون حبيبتي مالتي انتي حقي شلون تروحين مني
قمت ابجي وياه واقوله والله مو بكيفي ... جان يقولي ماكو شي غصب و انتي لو كنتي صج تبيني تسوين المستحيل عشان تاخذيني... بس شفايدة الكلام الحين ... عن اذنج ما اقدر اكلم وحده مخطوبه و على ذمة ريال و سكر التلفون بوييهي
انقهررررررررررررررررت حديييي
انهرت من البجي ... حسيت ضغط علي واايد
المهم لما قبل سبوعين خلاص تمت ملجتي
مشكلتي الحين يا بنات ماني قادره اتقبله ... و ادري اهوا ماله ذنب بولا شي!!! بس هم قاعده اقارنه بينه و بين ريلي هذا كلششششششششش مو رومانسي و حده دفش و يعاملني جني واحد من الربع اقوله ليش ما ادلعني يقولي انا مو مال هالسوالف و ما احب جذي ... احس مالي خلق اطالع ويهه استغفر الله مادري شسوي ... قاعده افكر هذاااا ريلي؟
خلاص يعني !!! حبيبي راح يتزوج غيري راح يحب غيري مع الايام ... وانا ماني قادره افكر حيل شلون بعيش مع هالانسان اللي مادري منو اهوا
طبعا اهوا وايد عنيد ريلي و كله ما ياخذ كلامي و لا رايي بولا شي حتى شقتنا اللي قاعدين نسويها على ذوقه اقوله بسوي شي يقولي انتي شعرفج و مادري شنو و خليني اناا اسوي ... و مره بجيت كنت متضايقه بجيت جدامه ما سوى شي يقولي شفيج ما رديت اول مره خلاني و راح ما همه و ماني قادره اتعود على اهله
طبعهم غييير عنا بكل شيييييي مادري شقولكم ... حتى لما نروح السوق ولا مره دفع لي حق اي شي اشتريه كله منة فلوسي اوكي انا مابيك تشتريلي بس على الاقل قولي تبين و لا لا ... قولي عندج فلوس محتاجه شي ... مو كله انا انا اناااااااا و وايد معجب بروحه زياده عن اللزوم كله يقولي انتي يا بختج خذيتيني و كله يشوف روحه بالمنظره و يمدح روحه و ما يمدحني انا اللي اعرفه اللي توهم متزوجين رياايلهم يتغزلون فيهم مو انا كلشششششششششششششششششششششش بس صج قاعد ايني احساس اني قاعده اكره حياتي و قاعده اقول متى تخلص الدنيا عشان افتك من كل شي و من تفكيري
وصلت لي درجة اني اقول داخل قلبي انشااااءالله يارب ولد خالتي ما يتزوج طول عمره
شريره وايد صح ؟ و انانية يمكن بس غصبن علي مو بكيفيبنات والله ودي اتقبل ريلي بس شسوي قولولي شلون اتقبله و انا ماني قادره اشيل حبيبي من قلبي
ادري طولت بس احس اني بصير مينونه من التفكير
