ابي حبيبي مابي زوجي

[نسمه بارده]

اختي صفحه ولد خالج اطويها اصلا تلقينه الحين تعرف علي 10000وحده ومشكلتنا يالحريم نعيش ونفكر بالمشكله نفسها مو بطريقه حلها والرجل غيررررررررررررررررر انصحج بقراءة كتب عن الحياه الزوجيه جرير مليانه مهم وصدقيي ريلج هذا اهو نصيبج لاتفرطين فيه وترفسين النعمه وانتي غيريه وعدليه وخليج شخصيه قويه واخذي حقج ولاتتهاوني من الحين شدي عليه عشان يعرف انج موطوفه هبيطه واذا مدح عمره قولي اي لو مانك محظوظ ماخذتني انا القمر يتصبح بوجهيييييييييي اي ولاتصيرين بجايه ويقول ويهج نكد وفقر واي استفسارات راسليني خاص

 

[احلى الورود]

الله يكون بعونج ويصبر قلبج

 

[زوجة^حمني]

تسلمووون و ما قصرتو كلكم

 

[مكنتوشه]

زوجة حمني ..> ومادري ليش احس حمني اهوا ولد خالتج

الله يكون بعونج

والصراحه المفروض من البدايه ما توافقين على الزواج .. اكيد بعد مده راح تهدا الاوضاع بين ابوج وخالج ( كان في امل تاخذين حمني )


شوفي اذا زوجج ليلحين ما دخل عليج وما صار شي في مجال انج تنفصلين عنه .. بس اذا دخل عليج خلاااااااااااص انسي حمني


وخلج دايما انتي الي تاخذين القرارا الي تخصج مو واحد من اهلج وبالذات ابوووووووج

 

[أط أط]

السلام عليكم ورحمة الله وبركاته ..

الحين منو الريال أنتي ولا ولد خالتج ؟؟

منو اللي لازم يبادر ويحاول يدافع عن حبه ؟؟

انزين أنتي حاولتي كذا مرة ترفضين الرياييل اللي يتقدمون لج وما قصرتي ..

أهو شنو سوه ؟؟ شنو كان دوره ؟؟

أنا أعتقد أن أنتي ضحيتي بما فيه الكفاية بس هذا نصيبج وهذا اللي الله مقدرلج ياه ..

الحين في بنات شكثر مو حاصلهم الزواج ويتمنونه ..

وأنتي الله رزقج بزوج .. الحمدلله زين .. وعلى الرومانسية .. هذي شغلات أنتي باجر تعودينه عليها ..

وعلى فكرة أغلب رياييل الكويت مافيهم رومانسية ..

أنسي ولد خالتج .. وحبي ريلج وصدقيني إذا حبيتيه بتشوفين كل شي يسويه حلو ..

بس لأنج كارهته تشوفين كل شي فيه مو حلو ..

أستغفري ربج .. وتمتعي بالحلال اللي الله كتبه لج ..

والله يوفقج إن شاء الله ..

 

[بولندية]

شوفي اولا واخرا مالج الا الدعاء و الاستغفار


اذا امج من النوع اللي تقدر تكلم ابوج خليها تكلمه و تفهمه ان الزواج مو بالغصب و فهميهم ان حرام تاخذين واحد ما تبينه

الله لا يقوله اذا خذيته الحين علشان اهلج باجر راح تتطلقين انتي اللي راح تاكلينها الحين و بعدين لا حبيبتي لا تخلين احد يتحكم بنصيبج افتكي من ريلج الحين و حاولي انج تدافعين عن حبج والله يوفقج

 

[ماريا ابنة الحي]

سالفتج تعور القلب


بس شوفي حبوبه
الريال قلبه مثل الفندق عند اكثر من غرفه

يعني يحبج اليوم
باجر يمووت بزوجته ام عياله
وينسى موضوعج

وومكن يحب الف وحده

احنا البنات عندنا الوضع يختلف

لكن اهم غير

مو حلوه بحقج تتطلقين وبعدين ترجعين لبيت اهلج مطلقه
وولد خالتج يكسر فيج كسره قويه ومايتقدم لج يا خلاص عافج الخاطر او يتخلى عنج مثل ماتخليتي عنه كأنتقام

يعني جد جد مو حلوه
ولا تتوقعين لو اطلقتي راح يوافق ابوج على ولد خالتج هذا اذا تقدم لج ولد خالتج بالاساس

/
لانج مو حابه زوجج فماتتقبلين عيوبه

لكن لو فرضنا هل عيوب بولد خالتج جان قلتي ياحلاته وياحلات عيوبه

ادعي ربج انه يحببج بزوجج ويزيل من قلبج محبتج لولد خالتج ويضع هل محبه لزوجج


ياما اشخاص يحبون بعض ويموتون ببعض وماصار لهم نصيب يتزوجون بعض وكل واحد راح بنصيبه واقتعو بنصيبيهم وارتاح وعاشو بسعاده
مو شرط اتزوج الي احبه علشان اكون سعيده بحياتي الزوجيه <الحب ممكن يكون بعد الزواج

الله يوفقج ويسعدج ويكتب لج الخير وين ماكان

 

[kingq8q8]

الله يعينج بس دام ابوج راكب راسه وامبين ان خلاص ماراح يتراجع بكلامه

انا اقول اقلمي عمرج مع حياتج الجديده

والله يعطيج الصبر لا والمشكله ان حبيبج ولد خالتج يعني ماراح يطلع من حياتج او تقدرين تنسيه بسرعه
الله يصبرج

 

[ام بديير]

حبيبتي بعد شتسوين هذا مكتوب ولازم ترضين فيه ابوج لو تقعدين عانس ما راح يرضى على ولد خالتج فشيلي من بالج عشان تمشي حياتج وادري انها صعبه شوي بس خلاص انتي صرتي على ذمه ريال ,., وبالنسبه لريلج قعدي معاه بهدوء وتفاهمي معاه على الاشياء اللي مو عاجتج فيه دام انتو توكم على البر ,., ومووفقه ..

 

[جوهره الجواهر]

الله يكتبلج الي فيه الخير

 

[كنووووور]

اذا ولد خالتج يبيج خلاص لاتتزوجين وتعيشين بنكد
صدقيني باجر ابوج راح يوافق على ولد خالتج وتردين له
الصبر مفتاح الفرج ليش استعجلتي حيييل
والمشكله اللي خذيتيه فيه عيوب بعد كلشششش مايساعد
الله يعينج حياتي والمووضوع راجعلج بالاخير
لاتنسين الصلاه والدعاء

 

[Om_Ksha]

الله يسر امرج ..
موعارفه شقول !

بس لاتحطين ابالج اذا تطلقتي بتردين لود خالج يمكن خلاص عافج فشوفي نفسج الحين حاولي تتقبلينه اتغيرينه لا تستعيلين ترا لقب مطلقه مو حلوه بحقج خاصه انه توكم ومافيه عيوووب اللي صج ماتتعاشر .. الله يكتب اللي فيه الخير

 

[NauGhty nuRse]

هذا كله راح يصير ذكريات وراح تضحكين على هالوقت
كملي حياتج مع زوجج والله يوفقج وراح يتغير ان شاء الله
الانسان يتغير اذا يحب الثاني فخليه يحبج ويتغير والتغيير
ما يصير بيوم وليله نطري عليه وخلاص هذا نصيبج

انا مع مس لولو
صح لسانج

 

[Om_F6OoOoma]

والله ما ادري شنو اقووووولج ياقلبي
بس انشالله الله يهدي زوجج لي جدااااااام
والله يعطيج انتي وريلج الصحه والعافيه وتقدرون تسعدون بعض انشالله

وعلى طاري ولد خالتج خلاص ياقلبي الي فات مات وانتي عيشي يومج قبل باجر واستانسي ابحياتج مع زوجج
ترى اول الايام جذي كل واحد تفكيره غير عن الثاني بس مع الايام والعشره راح اتشوفين اهو شنو واتعرفين اهو شنو حبيبتي
كل شي يكتبه رب العالمين لنا خير وبركه وما تدرييييين كلشي وله حكمه من ربج و مع الايام كلشي راح اباااااااااااان اذا خيره لج ولا لا
موفقه ياقلبي