ابي حللل سااعدووني والي يرحم والديكم

[بحرينيه كوول21]

الموضوع مثل ماهو مبين فالعنوان
ابيكم تساعدوني







حبايبي انه من تزوجت صار لي سنه وشي شهر 7 بدش السنتين
ومن بدايه زواجي ماكنت ابي احمل عشان الدراسه لكن الحين ابي احمل
وماقاعد اصير صار لي جم شهر احاول بس مافي شي
رحت المستشفى والحمدلله مافيني شي ورحمي اووكي
شسوي؟؟:eh_s(2):
حددددددي خاطري بيااهل يملي علي حياتي انه وزوجي:eh_s(2):

 

[شنوووفه]

اخذي كلووميد علشاان يسااعد عالحماال انا خذيت شهرين وحملت مع انه ماكان فيني شي :>
موفقه حبيبتي والله يرزقج

 

[فرااااولة]

دام ما فيج شي نطري
توج صارلج جم شهر تحاولين
لا اتقطين نفسج عالاطبة من الحين
لا تغلطين نفسي
من طبيب لي طبيب واخر شي حملت بروحي

 

[ملامح تميميه]

يارب ترزق كل وحده تبي الذريه وانا معاهم يارب ولاتخسرنه ولاتعبنه يارب

 

[lovemyself]

طيب يا اختى وريلج فحص؟اذا مافيه شى ولا انتى فيج ما انصحج تاخذين كلوميد بدون اذن دكتور لانها فى بعض الحالات حسب ما سمعت ممكن تسوى تكيسات
احسن راجعى دكتورة اهى يمكن توصفلج شى ينشط عندج الحمل
والله كريم يرزقكم ياااااااااارب

 

[مواصله]

صح كلام لوف ماي سيلف ،،عطي نفسج فرصه3شهور حاولي تتابعين التبويض بنفسج عن طريق الافرازات اللي تكون من يوم

10الدوره لمدة اسبوع او عن طريق جهاز بالصيدليات تلاقينه وبيوم التبويض واللي بعده ركزو علي الجماع

الله يرزقج يااارب

 

[فوفى]

الله يرزقج ويرزقنى ويرزق كل محرومة يارب العالمين.

 

[أبله جهراويه]

انتي متزوجه معاي نفس تاريخي بالظبط شهر٧ اكمل اكمل سنتين
وماحملت
يالله الله كريم متا ما الله كاتبه بنحمل

 

[بحرينيه كوول21]

مشكورين حبايب قلبي فرحتوني بمشاركاتكم
وياارب يرزق كل وحده بيااهل يفرحها ويملي عليها حياتها
بس شنو ذي كلوومييد تنصحوني اخذه؟

 

[مواصله]

الكلوميد منشط للبويضات بس ماتاخذينه الا لما تكشف عليج الطبيبه

لانج لو اخذتيه من نفسج احتمال يسبب تكييسات

 

[انجبر قلبي]

الله يرزقج انشالله

حاولي يكون الجماع بيوم 12 من الدورة

و كل يوم وترك

يعني يوم 12، بعدين 14، بعدين 16، كل يوم وترك حسب كلام الدكتور قاله لزوجي

و حاولي باكثر من وضعيه مره على ظهرج نامي ومرة على بطنج

ولا يكون الجماع كل يوم لان السائل اذا كل يوم يدخل داخل راح يخرب ع الحمل باغلب الحالات

وخلي دكتورة اتابعج

 

[زين ودلال]

الله يرزقج ياااااااااااارب ويرزق كل من تبي الحمل

 

[OM-TURKY]

الله يرزقج ويرزقنا يارب اللهم آميييين​

 

[كويتية خجولة]

الله يرزقج ياااااااااااارب .​

 

[الزيـــــ^^ـــــن]

خلي زوجج يفحص

واذا ثنيناتكم اوكي

التزمي بايام التبويض وخليج لي الصبح لاتقومين

وخلي الجماع يوم وترك وان شاءالله بتحملين

 

[@محروسه@]

حبيبتي لله يرزقج لكن لاتاكلين كلوميد دون استشاره دكتور هذل اكبر غلط
لازم تتابعين التبويض عشان تاخذين الكلوميد
ممكن تكون بويضاتج زينه غلط تاكلين كلوميد تكبرينهم اكثر
سونار قبل كل شي لاتستعجلين وانا وياج بنفس الشهر راح يصيرلي سنتين
بس نصيحه لا تكدرين بالج وتوسوسين اذا ربج يبي يكتب لج الحمل راح يصير

 

[أمونـه الحمادي]

اللهم ارزقنا الذرية الصالحة عاجلا غير اجلا يارب العالمين

 

[فانتا ستروبري]

الله يرزقج يارب
​

 

[أم سيف وسلطان]

اولا عليج بقيام الليل والأستغفار وقراءة سورة البقره

وثانيا عليج بالحجامه جربيها إذا مانفعتج مابا تضرج

وثالثا عليج بالعسل يوميا ملعقه الصبح على الريج والاناناس عقب الدوره على طول

إن شاء الله بتكبر بويضاتج وبيزيدن والله يرزقج ويرزقنا اجمعين

 

[ابدا يالغالي مانساك]

ربي بيرزقج ان شالله
ويرزقنا ويااااااااج

مثل ماقالوا البنااااات خذي كلوميد
من استشاره دكتورتج