ابي حل لحقوووو علي

[ذليته بعيوني]

سلامـ عليكمــ كويتيات بليززز ابي حل ضروري وسريع وابي مساعتدكم وربي لو ماهمني رايكمــ جان ماحطيت مشكلتي

مابي اطول عليكم شوفو المشكله

انا اعرف شخص مجذب علي بكل شي بإسمه وعمره وعايلته وسكن وبكل شي وانا ادري انه جذااب ابي اقوله ترا انا ادري بكل شي بس اشلون اوصل المعلومه هاذي وكل يوم يجذب ومتغير علي وااايد وكل ماصار شي يقولي انتي تبين تتهاوشين
بس شخص هاذا وربي اعزه حيييل انا قطيت له نغزه يبت اسم عايلته على اساس وحده اعرفه اهوا اهني سكت بس مليت وربي تعبت ابي اطلع لي بقلبي بس مودري اشلون اظل سااكته ولا اتحجى وبليززز لكل يقولي رااايه :0bee2e8d89:

 

[(كويتيه عسل)]

تقولين احبه شعليه تحبينه حبته القراااااااااده تلقينه يكلم 60000000 وحده غيرج

وهالاشكال مومالت زواج قاعد يلعب ويتسلى بمشاعرج ويضيع وقته فراغه

وصدقيني تراه مايحبج لو يحبج يقولج الصج مايجذب

تبينه يموت قهر كشتي فيه

يعني لاتدقين عليه ولا تكلمينه ولا تعاتبينه

اهوا اكيد بتصل عليج انتي حقريه


واذا دزلج مسج لاتردين عليه عطيه طاف


واذا سألج شفيج واحاتيج واحبج وخايف عليج ومن هالحجي <<<<<يعني بيكسر خاطرج


لاتردين عليه واذا تقدرين تغيرين رقمج هم احسن


وانسيه وخليها على ربج مثل مااهوا جذب عليج ربج راح يبليه بوحده بتجذب عليه


والله اذا عاتبتيه راح يستانس وبيحس نفسه منتصر واهوا راح يتركج


انتي تركيه قبل يتركج يعني تغدي فيه قبل لايتعشى فيج

صدقيني ماراح ينام الليل لما بنيه تهده وبيخاف لان موعارف انتي

ليش هديتيه فجأه بدون لا تكلمينه وبيحس نفسه انهزم وانتي اللي انتصرتي عليه عرفتي

 

[ذليته بعيوني]

وربي ينيت اشكره اليوم نادني بس حبيبته لي قبل انا سكت اهني قلت يلا باي قال تعالي قلت بعدين اكلمك وسكرته وقبل امس ماصدق انام امبجر راح كلمها وامس دق علي وربي دقيقه وسكره قالي بنام واهوا يحاجيها شي يبط الجبد اووووووووووف

 

[وجدان الكويت]

حبيبتي عزي نفسج تلاقيها

انتي تدرين انة يجذب عليج وهم للحين تحبينة!!!

قوليلة بكل اللي تعرفينة وقوليلة انا ماكمل مع انسان مجذب علي حتى باسمة !!!

 

[(كويتيه عسل)]

وربي ينيت اشكره اليوم نادني بس حبيبته لي قبل انا سكت اهني قلت يلا باي قال تعالي قلت بعدين اكلمك وسكرته وقبل امس ماصدق انام امبجر راح كلمها وامس دق علي وربي دقيقه وسكره قالي بنام واهوا يحاجيها شي يبط الجبد اووووووووووف

بعدددددددددددددد

فوق شينه قوات عينه يجذب ويكلم وحده ثانيه

واااااااي انتي تبطين الجبد شعليه تحبينه

 

[∫ ∫ ∫ ∫ جــوان ∫ ∫ ∫ ∫]

اختى ترى انتى قاعده تغضبين ربج وتكلمين شخص مو من محارمج ولا بين وبينه اى صله انتبهى لروحج حياتى ترى هالعلاقات مايجى من وراها الا الفضايح واهو لو يحبج ونيته شريفه جان صارحج بكل شى وقرر يخطبج بس واضح انه يلعب وناوى يتركج علشان جذيه ما يبيج تعرفين عنه اى شى علشان لا تلاحقينه

فكرى عدل واتجهى لربج بالصلاه والدعاء

الله يحفظج

 

[" كبرياء أنثى "]

حبيبتي انتي شلون للحين مكمله معآه وانتي تدرين انه كذااب هذا وهو مكذب بإسمه وعمرهـ اجل شلون بعدين بيكذب بكل شي ~
نصيحتي لك أختي الغاليه انك تبتعدين عن هالشخص لأن باين عليه يلعب مو حق زواج وحاولي بقد مافيك هالفتره انك تقللين مكالماتك والا احسن شي بعد من اليوم اتركيه احسن لك واستر عليك أختي هالناس اللي كذا ماتجي من وراهم اللي المصايب وعوار الراس والفضايح بعد وشوفي اذا هو كلمك وكذب عليك اعرفي انه مكلم مليون قبلك ~

وهذا اللي اقدر اقوله لك خيتوو ~

الله يحميك ويستر عليك ان شاء الله ويكتب لك الخير بدربك يارب ~

أختك :

" كبرياء أنثى "

 

[النهج الاسمى]

حرام عليج خافي ربج >>>شنو يعني تكلمين واحد

يعني عادي تكلمين رجال غريب وتسولفين وياه

انتي مايهمج سمعة اهلج؟؟؟

ارجعي لله وتوبي ولا عاد تكلميه >>>اللي تخاف علىاهلها ماتنزل راسهم للقاع

وهالامور ماوراها الا الضياع والفضايح

ترى هذي نصيحه من اخت لاختها

مو اي احد ينصحج

 

[ذليته بعيوني]

المشكله مو مشكلتي مشكلة وحده اعرفها وياما نصحتها بس ماكو فايده اهيا لي قالتلي المشكله هاذي وانا حطيتها بس شنسوي اكلمها مني يطلع مناااااك

 

[tmtmt]

حبيبتي يعني فوق انج قاعده تسوين شي غلط وهم على شخص مكا يسوى

بيدج الحل شلون نقولج شنو الحل
يعني انتي قاعده تقولين ما يحبني بس انا قاطه عمري عليييه !!! شنو تبينه نقولج

يجذب وتبين تقوليلخ دقي وقوليله يالجذاب وتنتهي السالفه

الله يهدي الجميع

 

[كويتيه رزتها ملكيه]

؟؟؟؟

شالساالفه هى المشكله لج ولا لرفيجتج؟؟

حددى بالضبط 00واذا لرفيجتج قوليلها انت مدمغه تدرين انه جذاااااااااااااااااااااااااااااااااااااااب وللحين مستمره معاه

منو يحب الحين حبيبتى !!! اانتهى الحب والشباب الحين اغلبهم يبون تسليه وتقزيره 00نصيحه لاتضيع سمعتها وايام عمرها وقبل هالشى تغضب ربها

 

[عروسة]

حبيبتي الكتاب واضح من عنوانه
هذا لعااااب
اللحين وانتي غريبه يجذب عليج شلون لو صرتي مرته وببيت واحد (معروف دايم الواحد يطلع اللي عنده بالعلاقات اللي مثل جذي يعني مايهمه تعرفينه او لا ولكن وقت الزواج يطلع الجذب كله على مرته)
نصيحتي واتوقع نصيحة كلالبنات اللي قروا عنج انج تبعدين عنه لان مهما قالج كلمه حتى وهو صادق فيها كلمه بس والباقي حذب فهو انسان مريض وجذاب
لاتضيعين وقتج معاه وبعدين باين انج متأكده انه يكلم غيرج شكو مستمره معاه (لاتنسين انج بنت ناس ولج كرامه مو واحد مثل هذا يلعب فيج مثل الكوره)


هذي رأيي الشخصي...

 

[shai5at al3arab]

ما تحتاج حل

قطعي علاقتج معاه

سهلة

 

[غزلان]

دزي مسج له اكتبي كل شي بخاطرج فيه وتعرفينه عنه اصدمي عشان مايحس انج معفله

 

[أشكي عليك الحال]

الله يهديييج


اللي المفروض تسوينه انج تتركينه وتخلين هالسوالف عنج

 

[روح الدنيا]

كل هذا و معاه .. ماكو حل لجذي حالات

 

[Miss_yaNNi]

شتبين فييييييييييييييييييييه عزي نفسج وخل يولي هذا مسوي في نفسه مقلب .... حبوبه شوفي نفسج وانتي مليون واحد يتمناج وانشالله ترجعين لعقلج وقلبج قفليييييييييييييييييييه لريلج

 

[Super_Star]

هديه خل يولي و لا تضيعين وقتج معاه با جر تتحسفين

هذا ما يستاهلج

بس قبل لا تهدينه بطيها بويها قوليله ادري انك جذاب و اعرف عنك كل شي

 

[ياعشيري جعلك السلال]

تحبين واحد جذاب !!

لو يحبج قالج كل شي وتزوجج

انا بعرف شنو فايدة الحب بدون ما يجي يخطبج !!!


يعني يلعب ويكلمج وتحبينه واخر شي يتزوج ويخليج



دزيله مسج الحين وكتبي فيه اسمة الكامل

وقوليله انا ما احب الجذب واذا هالعلاقه كلها جذب انا بقطعها وشوفي اذا بيقولج الله يخليج لا

لانه يكلم غيرج مليووون

 

[@ام ضاري@]

انا مع اللي قالوو شتبين فيه

ديري بالج حبوبه من الاخطااء يعني فكري عدل