ابي حل للصراصييير الكبااار (الزهيوية)

[سعودية من نجد]

فية دواء اسمة ديزانول الطريقة موجودة على العلبة كل اسبوع مرة3 مرات يقضي على جد الصراصير:krkrkr:

 

[دانة من البحرين]

انا دشيت اشوف قلت يمكن حاصة صورة الزهيوية >>> وجه على باله كل موضوع لازم فيه صورة :dddds::d

 

[om_hasson86]

نفس الحاله والمشكله اخاف اذبحه وعلى ما اروح انادي احد عشان يذبحه ألا هو مختفي وبعدين اوسوس ما اقدر انام لين يعفسون الغرفه ويلاقونه:0bee2e8d89:

 

[عتيبيه مزيونه]

انا من كثر مااخاف منهم حاطه بداري بف باف وبالحمام تكرمون حاطه ثاني يعني بصراحه لاعت جبدي وانا اشوفهم يتخطرفون المشكله مو بالزهيوي يعني مقدور عليه ترشينه يموت بس الطامة الكبرى الي اهيا البريعصي ويييييييييييييييع ويييييييييييييييييع اكرهه

 

[fat]

شوفي انت مثل حالتي كنت متأذية من لزهيوية بس الحين الف الحمدلله ولا زهيوي في بيتي اول شي انا ما دري ان في القوارض اييون ورشون وانت بكرامة البواليع بادةوية لا وبلاش ووالحملله رشو وانا صبيت كلوركس في المغسلة المطبخ والحمدلله الحين نظف بيتي وفتكيت منهم الله يعافي حكومتنا

 

[دانه الهيرات]

حبيبتي ييبي شركه ترش شقتج و بواليع الحوش لانهم الاساس بس ييبيهم بوقت حمولتج مو موجودين و عقب رشي قاز بالبواليع و سكريهم كلهم و هذا شي مهم عشان ينقمتون بالبالوعه خصوصا الجو حر الحين واذا رجعتي ثاني يوم خلي دايما اسفنيك على البواليع لان ريحته مع الماي توخرهم . يارب تفتكين منهم .