ابي خادمة حنونة على اليهال من وين تنصحوني اطلب

[0oR0R0 honeyo0]

السلام عليكم


بدش بالموضوع انا الله يسلمكم كانت عندي خدامة اثيوبيه مسيحية
كل ماطلبت منها شي قامت تتحلطم وتقول استغفرالله وتطول لسانها يننتني
حياتي بسبتها صارت جحيم والله ماخلت شي ماباقته من البيت غير الاشياء الي تيبها من عند الخدم وتخبيها بجنطة البيبي موبايلات وجينزات وقمصان نوم الله وكيكلم كرهت الخدم عفتهم من عقبها
سفرتها من شهر وقررت ماأييب خدامة


تدرون
مااقدر ع شغل البيت بروحي
ابي تنصحوني شنو الجنسيه الي ايبها تكون حنونه ع اليهال؟؟
تكفون بنات طلبتكم دلوني اييبها متزوجه وعندها يهال ولا بنت ؟؟
(على فكرة خدامتي مشتغله من قبل بالبنان بالصالون ودبي والدمام وهي بنت )






الي بترد لها من دعوة من القلب:yaaaaaarb:

 

[0oR0R0 honeyo0]

الله يوفق الي ترد علي ويحقق الي ببالها

 

[.. Ro3a ..]

انا بعد مثلج حامل وابي خداااامه حنونه ع اليهال سمعت الهنديه بس اللي اعرفه انهم موو نظااف
ان شاء البنات يفيدونا

 

[meen_ana]

حبيبتي الخدم حضووض لا تقولين عن الجنسيه انا خدامتي اثيوبيه مسحيه وحمدلله ماشي حالها
واذا تبين حنونه يمدحون الهنود والسيلانيات بس الله يعينج عالقرقه وشرطهم يطلعون يوم بالشهر

 

[مذهلة 78]

والله حبيبتي ما فيه جنسيه معينه تقدرين تحكمين عليهم بالحنيه عاليهال

انا عندي فلبينيه وسيلانيه وثنتينهم ماشالله عليهم كل وحده احن من الثانيه

 

[*ماي الورد*]

انتي وحظج
اخوي يقول عالمعاملة اذا تعاملونهم زين بتحصدون ثمار المعاملة

 

[0oR0R0 honeyo0]

الله يجزاكم خير ويرزقني وياكم الخدم الحنونين الزينين يارب

 

[0oR0R0 honeyo0]

روعه حبيبتي الله يتمملج على خير يارب الهنود خايسه ريحتهم وانا ماارضى اقعد طفلي عند خدامة ريحتها خايسه والاثيوبيات طناقرهم ماتخلص
وفيهم برود موطبيعي جربي السيلانيات بس يقولون لسانهم طويل انا افكر بفلبينيه الصراحه انا حيل يهمني نظافه البيت الله يوفقنا ونختار الخدم الزينين

 

[ام زهقانه]

نصيحه جيبي خدامه متزوجه عندها اعيال تصلح لج
انا جربت خدامه بنت وووعععع
تلوع الجبد ما تصبر علي اعيال
اخذي سلانيه ابرك بس والله هنديه حبوبه بس حظ ونصيب

 

[Gifts&Occaions]

فلبينيه احسن شي بس متزوجه تحسنلج تكون واعيه مو دلوعه

 

[شهرزاد الحكاية]

والله حبيبتي في هنود زينين ونظاف خصوصا اللي من بنغلور ويعرفون انجليزي احسهم حنونين على اليهال

 

[.. Ro3a ..]

مشكوورة حبيبتي
انا سمعت شكثر ان الهنود مو نظاف
السيلانيه زينه بس لساااااان ....
اما فلبينيه وربعها زوجي رافض اجيب منهم ):
اي والله .. الله يوفقنا بالخدم الزينين

 

[0oR0R0 honeyo0]

مشكورين بعد قلبي ماقصرتو الله يوفقكم ويحققلكم الي ببالكم كلكم امين ويفرج هم كل مهمومة ويرزق كل محرومة بالضنا الي يفرح قلبها
تشكراااات حبايبي

 

[Melazlaza]

الي اعرفه النيبالية مطيعة وتخاف والياهل ما تجيسه خدامة ايدهم ثقيلة ومايعطون من قلب نيباليه وعلميها على طريقتج بالتنظيف والترتيب

الله يوفقج

 

[زهور المحبة]

والله مايعجبهم عجب مو شرط المعامله
والله معاملتي لهم زينه وارحمهم واكرمهم
بس مو كفو اخر وحده كانت اطق ولدي
لي 3 شهور اعاني اجيب واودي
يارب ترزقني بالخدامه الرحومه والحبيبه لعيالي

 

[هجووورة]

الله يااااااااااااااخذ السلانيات اللسان طويييييييييل ونكارات جميل مهما سويتي فيها ما يبين بعينها وتسبج خاصه اذا مشتغله وخبرة ابتعدي عنها تجي شايفه عمرها تقولين خبيرة تربيه وهي اللي تختارج مو انتي اللي تختارينها سالي مجرب عمابعينهم وفوق هذا سفارتهم وراهم تقولين يزودون الكويت بخبراء بيئه وذرة
الله ييسر امورج وهذي نصيحتي تبين سيلانيه اخذي اول مرة او حذيهاا خبرة سنتين ابتعدي عن اللي جايات سياحهاللي فووق خمس سنوات لانهم شبعانات فما عندهم هذف غير المغازل اما اللي اول مرة تجي تبي تكون نفسها

 

[ms.fayoon]

شوفي احلي جنسية الفلبينيات واندسيات بس الأسف الحين ماكو اندونسيات بس أنصحج اخذي فلبينية ان شاء الله تلقين


تحياتي

 

[0oR0R0 honeyo0]

مشكورين حبايبي ماقصرتو الله يرزقكم كلكم بالخدم الزينين يارب يكونون رحيمين عليكم وعلى عيالكم يارب ويكفينا ويكفيكم شرهم


والله الخدم شر لابد منه خاصه اذا ماعندج لحد من اهلج وبغربه داااائمة مويوم الله كريم
وبصراحه بنات انا اهل ريلي مايعتمد عليهم كلش بصراحه وانا كل مكان اطلعه لازم اخذ اليهال معاي فتعب من جذي انا محتاجه خدامة الله المستعان بس

انا مجربه الخدامة البنت تلوع الجبد ماتصبر على الياهل تمنعه من الحركه واللعب وتصارخ عليه ماينفعون كلش

مشكورين على تفاعلكم ماقصرتو
*