ابي دكتور زين لعملية لليزك قصر النظر

[شهرزاد الحكاية]

صباح الخير بنات

بغيت مشورتكم انا ودي اسوي عملية ليزك لعلاج قصر النظر

ابي عند دكتور زين من واقع تجاربكم الشخصية او تجارب اللي حواليكم منو الدكتور الزين وجم تكلف العملية وشلون نتايجها معاكم ؟؟

ومشكورين مقدما ..:eh_s(8):

 

[كتالونيه]

رفع
لعيوووووووووووووووووووووونج

 

[غـلآوي ّ ~]

الدكتور سامي الربيعه ماشاء الله معروووف مايبيله كلام

هذآ رقمهم مركز الربيعه الطـبي
1826826

 

[حكآية قلب]

معرووووووووووف بالكويت


سااامي الربيعه .. اللي قالت عنه غلاوي


انا سويت عنده

 

[hadoy]

انا رفيجتي سوت عند سامي الربيعه
وايد تمدحه وان ان شالله يمكن اسوي عنده
تكلفه العمليه 500 دينار
وشرت قطرات ترطيب 50 دينار هذا كلامها
تقول ماشالله وايد احسن

 

[أميرة-]

والله شوفي انا فريت عند اكثر من عيادة واللي ارتحت لهم العباد اللي كان بالعسكري هذا صج شاطر خواني سووا ليزر عنده ايام ماكان بالعسكري
والسبتي واهو رئيس وحدة الشبكية بمستشفى البحر بعد عنده عيادة خاصة انا رحت له بعيادته

بس بالسعر العباد اغلى واحد مادري اذا الحين الاسعار غير انا كنت جايته من سنة تقريبا او اكثر


اللي صج ما رتحت له الربيعة حسيت حيل مادي و ماعنده وقت يشرح او يتكلم مع المريض مادري عشان عنده زحمة .. مع انه الكل يمدحه بس مارتحت له كلش وكان يعالج عنده ولد اخوي فيه حول وقال غطوا عينه السليمة عشان الثانية يستعملها واللي صار انه عينه السليمة صار فيها كسل وقل النظر فيها يوم بعدين راح لندن يعالج قالوا له انه اللي سواه الدكتور غلط فما احسه شاطر


انا بالاخير سويت ليزك بدار الشفا عند وجيه والحمد لله مو متحسفه وبعد الظفيري بدار الشفا يمدحونه

 

[أعرفك نفسي]

لا تسوين غير عند اثنين وهذا بعد سؤال مني حق طبيب عيون
واحد ولد بهبهاني عيادته ورا الاميري ومن شطارتي نسيت اسمه
وواحد يا عجمي يا مطيري ما اتذكر وهم نسيت اسمه وعيادته بخيطان
واثنينهم تكلفتهم بحدود ال ٥٠٠
راح اسالج مرة وثانية ولي رجعه لج يا قلبي

 

[lilla]

انا سويت عند سلطان المطيري واناا واايد كان فيني انحراف وضعف بالنظر بس الحمدالله الحين وايد ارتحت
سويتها اب450 وكل مراجعه تدفعين 5

 

[I HAVE DREAMS]

انا سويت عند سامي الربيعة ب 500

صراحة مافي احسن من هالدكتور

 

[أعرفك نفسي]

جمال بهبهاني
سلطان المطيري

 

[جلنار 90]

انا سويتها عند احمد بركات بمستشفى هادي تكلفة العملية 400 دينار و القطرة ب 10 دنانير و فتح ملف ب 10 دنانير و باقي المراجعات اللي بعد العملية ببلاااااش , يعني كله على بعضه ب 420 دينار