ابي راااااااااااايكم _ ياللي مسافرين لمااااليزياااا؟؟

[الوتيـــن]

السلااااام عليكم ..
آ
نا بسافر لماليزياا ان شالله .. وابي نصيحتكم لاي الجزر أروح ؟؟
وجم يوم تستاهل كل جزيره أقعد فيها ؟؟

 

[M!$$.3NoNa]

هلا حبيبتي
انا ماراح اروح جزر بس ماحبيت اطلع من غير لا ارد عليج ...
بروح الى تايلند جمن يوم وبعدها من مطار تايلند الى ماليزيا
انا رايحه من المطار داريكت الى سلانجور
3 ايام
وبعدها 10 ايام كوالامبور

 

[j-r-n-r]

انا رايحه ماليزيا 3 مرات الجزر حلوه ليلتين كافيه بننج نفس اجواء شرم الشيخ فندق الهوليدي ان جتي سكي وبقيات وخيل وقهاوي اجواءه بالضبط نفس الشاليهات اذا رايحه شرم لاتقعدين اكثر في اسوق وشارع السوق اللي بس بالسل نفس شارع الهوليدي ان ومورعة الفواكه عاديه ماتسوى والفراشات اتونس وفي القرده حلوه وتروحين وتردين بالسلامه

 

[haninoooo]

اللي مايروح جزر ماليزيا ماجنه سافر لماليزيا
انصحج روحي بيننق ولنقاوي وجنتنق خصوصا جنتنق اذا معاج يهال
وعلى فكره الجزر وااااايد ارخص سوقها من السنتر كوالالمبور

غندج جزيره بيننق فيها كذا حديقه وحده للفراشات ووحده للفواكه ووحده للقرود وعندج مدينة جورج تاون ومعبد الافعى ومصنع الالماس انا رحتله وااااااو شي شي
وعندج القطار الجبلي عجيييييييب
والاهم من هذا كله بالنسبه لنا احنا الحريم السوق اليلي
وعندج مجمعات واااايد حلوه وارخص من السنتر
وعن طريق جزيرة بيننق تقدرين تروحين حق لنقاوي
نفسها تقريبا بس اهدا واحلى
نفس الشي في جزيرة جنتنق فيها مدينة العاب وتلفريك
ومجمعات حلوه بس ترا الجزيره بارده لانها مرتفعه حيييييل
بحطلج بعض الصور عشان تتشجعين اكثر






هذي صور لنقاوي وبينانق
============================================

عندج الحين كوالالمبور العاصمه
الفنادق اغلبها يم بعض بشارع العرب والمطاعم
انا سكنت بماريوت فخم وحلو بس نار يا حبيبي نار حده غالي وسكنت كراون بلازا موتيرا
هذا الثاني يصلح حق الريال ومرته بدون يهال لان نظام الغرفه وااااايد حلو عندج الحمام واهم شي عندي نظامه حلو والبانيو يطل على الغرفه وتقدرين وانتي غاطسه ومتنقعه بالبانيو انج تشوفين التيفي لان فيه شباك تفتحينه صراحه وايد حلو

 

[haninoooo]

هذي صورة الشلالات بلنقاوي واسمها عيون الماي السبعه


وايد اشيا واماكن راح تستانسين فيها بالجزر وكل جزيره اخذي فيها 3 ايام لاتكثرين

طبعا هالشي يعتمد عليج اذا كنتي تحبين البحر واللعب والهيصه والوناسه والاهم الجت سكي والتمشي

اتمنى اكون فدتج بالنسبه للجزر

ورحله سعيده


انا رحتلها مرتين وناويه الثالثه انشالله بعد ما اولد انشالله بس ادعيلي الله يثبت حملي وييسر اموري

 

[haninoooo]

نصيحه لج طبعا هناك كل مكان بتروحيله لازم تاخذين تاكسي
اشري وكل واحد يوقفلج بس في عندهم محطة قطار تلاقينه تقريبا بكل مكان
ركبيه وخل يوصلج للمحطه اللي عقبها ارخصلج واحسن
في محطه جدام فندق كراون بلازا موتيرا كنا نركبه ويقلنا بالمحطه الثانيه وننزل والا احنا بنص السوق يعني ماياخذله الطريج 5 دقايق
واسمج وفرتي اشوي من التكاسي وغيرتي عن روتين التكاسي وركبتي شي يديد

 

[الوتيـــن]

مشكوريييييين حبايبي .. ما تقصرووووون ..

 

[الوتيـــن]

هذي صورة الشلالات بلنقاوي واسمها عيون الماي السبعه


وايد اشيا واماكن راح تستانسين فيها بالجزر وكل جزيره اخذي فيها 3 ايام لاتكثرين

طبعا هالشي يعتمد عليج اذا كنتي تحبين البحر واللعب والهيصه والوناسه والاهم الجت سكي والتمشي

اتمنى اكون فدتج بالنسبه للجزر

ورحله سعيده


انا رحتلها مرتين وناويه الثالثه انشالله بعد ما اولد انشالله بس ادعيلي الله يثبت حملي وييسر اموري

الله يسير امورج ويثبت حملج ياااارب ..