ابي رايكممممم حبايب قلبي

[!الجادل الصعب!]

يبي وحده متحرره وعادي لبس وبحر وستايل يعني كلش مايكلمني البس قصير ضيج الحياة سعيده​

يا حليله والله .. هرررفي ..!

 

[دنيتى زوجي M]

تدرين بشنو قاعده افكر ؟؟

بامج وابوج شلون كانو مستانسين فيج عروس

وطااايرين فيج وصدمتيهم وضيقتي خلقهم بالخبر

الله يهديج ويهدي ريلللللللللللج مشاءالله عليه

 

[dodo.q]

تااااكدي وحطيه في بالك انك مارح تصيرين سعيده في حياتك الزوجيه وهاذي بدايتها..

توبي لربك واكثري الاستغفار وادعي ربي يهديك..

 

[لوازم العائلة]

حبيبتي مابني على باطل كان باطلا
زواجج من هالشخص بدا بمعصيه واتفاقكم على معصيه
تتوقعين انه ربج بيوفقكم بزواجكم؟
شهالريال الي ماعنده غيره عليج صج انج زوجته بس رخيصه بنظره لو انه يحبج صج جان (غار)عليج موخلاج هدد الكل يشوفج وينهش بلحمج
بنظراتهم
شوفي نهاية هالزواج واااااااااااااااااااااااااااااااااااااااااااااااضحه
الله يهديج ويهدي الي متزوجته

 

[EleGanZa]

الله يهديج بس ريلج ماراح ينفعج بالقبر
الله يحفظ بناتنا بس

 

[فـلـفـلـهـ]

فصخيه حبيبتي وانتي الخسرانه

بتخسرين وااااااايد أشياء

والله يعينج .. ابليس عرف لج

 

[لوازم العائلة]

تدرين بشنو قاعده افكر ؟؟

بامج وابوج شلون كانو مستانسين فيج عروس

وطااايرين فيج وصدمتيهم وضيقتي خلقهم بالخبر

الله يهديج ويهدي ريلللللللللللج مشاءالله عليه

صاجه على بالهم معطينها حق ريال بيصونها:eh_s(16):

 

[سفيرة العشق]

اذا انتي تقولين انج متحجبة من صغرج يعني اعتقد فيج دين
والوحدة تدور رضا ربها مو رضا زوجها

لاطاعة لمخلوق في معصية الخالق

الله يهديج انتي وزوجج

 

[DooLy88]

سمعيني انتي طلبتي الراي و تحملي كلامي يمكن مايعجبج و يمكن حتى تعتبرينه إهآنة بس انا مسؤولة جدآم ربي لو اشوف منكر جدآمي وما اتكلم !!!
اول شي انصدمممممممت من ردود بعض البنات الي مأيدينج و بـ شدة !!!!!!!

ثآني شي مو عذر لا تقولين انا تحجبت صغيرة .. انا وحدة جدامج تحجبت و انا عمري 8 سنين و نص و يكون بعلمج انا تحجبت غصبن عن امي و ابووووي و عمري مافكرت ولا راح افكر بيوم اتنآزل عن شرفي و عرضي لا تقولين هذا حجاب شكو بالشرف الحين لو وحدة متحجبة ايي واحد بالسوق يسحب حجابها ويطلع شعرها هاذي مو مصيـبة ؟!!!
ولا خلاص وصلنا لمرحلة مآكو حيآ مآكو غآرية على دينآ !!!! :eh_s(14):
و اسمحيييييلي لكن ريلج مو ريال ولا فيه ذرة رجولة من متى صارت الحرية والتفتح بهالطريقة !! لآ يآ مآمآ الانسان المتفتح متفتح بعقله لكن ملتزم بدينه و يعتز ويفتخرررررررر لما يقول انآ مسلم وانتي لو وحدة عندج غارية على نفسج و عرضج و دينج تلبسين حجابج على رااااسج وانتي رافعة راسج و تقولين مسلمة وافتخر :eh_s(14):


هذا كلامج !!




يعني شنو مآحبه ؟؟ الصلاة مو فرض ؟ الصيام مو فرض ؟ باجر لا تصلين ولا تصومين و اذا سألو ليش قولي والله مآحبها شسوي !!!!
ولا تقوليلي ماكو مجال للمقارنة لا تتحآيلين ع الدين !!





جذآبة !! إنتي لو حآطة غضب ريلج لـ لحظة جدآم عينج جآن مافكرتي بهالشي !!!


سمعيني انا ماراح ادش بقبرج ولا اتحاسب بدالج محد يدش بقبر احد بس يويييلج من عذاب ربي مستخفة بالدين بهالشكل بآجر الله بيعلقج بنآر جهنم من شعرج و حزتهآ قولي مابيه و ماحبه حزتهآ بتقولين ياااربي ردني الدنيآ بس عشان اصلح هالغلطة !!!


انا مادري شنو بيطلعون عيآلكم دآم انتي وريلج تفكيركم جذي و بديتو حيآتكم بالبآطل !!!

تحآتين زعل و غضب الناس ومآتحآتين غضب ربج !؟
تحطين حساب للعبيد و مآ تحسبين أدنآ حسآب لـ الي خلقج !!!!
اللـه يعينج على نفسج !!!!! انتي قاعدة تعطين صورة غير مشرفة نهائيـًـا للبنت الي على قولتج واثقة بنفسها و الي براسها تسويه !
الحمدلله انا وحدة من الناس الي براسي اسويه و كل شي ابيه اتعب عشان اوصل له لو شنو كآن لكن لي وصلت لديني و حجآبي لآ والله طززززززززززززززززز بكل أحلآمي اذا بتحرمني من رضآ ربي !!!

قلتلج ردي ماراح يعجبج و يمكن ماراح يعجب وآآآيد بنات بعد !
بس تدرين مو هآمني لآني مو محتآجة إن أسلوبي يعجب نآس مآعندهم اي غارية على دينهم ولا عرضهم !!!

فديت هالرد والاسلوب العسل - :eh_s(9):
والله اتمنى ان السالفة تكون جذب لان عورني قلبي وانقهرت وكلامي انا بعد مابيعجبج

لبس وضيج وقصير وستايل وبحر @@ ؟؟؟ جدام الرياييل والهنود وكل من هب ودب على اساس ان انا وزوجتي فري ؟؟ الحمممممممممدلله والشكر - ماخذ شهادة دكتوراة على شنو ذي ؟؟ يعني مثقف اللي يقول لج تفصخي جدام العالم ؟؟
يحليلها البنت خايفة من ردة فعل ابوها وماخافت من عرش الله عرش الرحمن لما اهتز بغضب بسبة خلع الحجاب !! والعذر؟؟ عشان ديوث مايتسمى ريال عشان ترضيه @@ خافو ربكم

تبون الناس تجوفج فري وكاشفة شعرج ولابسة ضيج مطلعة كرشج وفخوذج ليش؟؟ نسيتي القيامة والاخرة - استغفري ربج وخلج على حجابج ان شالله بالجنة سوي اللي تبينه - انتي حدج فاااااااشلة بالاختبار اللي الله معطج اياه

اذا اقتنعتي بحجابج بتحبينه - واذا الله هدا هالديوث اللي معاج بتحبين حجابج - واذا ماتحبينه ولبستيه لرضى ربج - جوفي الاجر اللي بتحصلينه
واذا زوجج مايبيج بحجاب - فرقاه عيد وربج بيعوضج احسن منه بألف مرة << ماقول لج تركيه بس حاولي تهدينه لطريج الصواب
من ترك شي لله عوضه احسن منه

انتي تقولين ان كل شي تبينه تسوين تحدي بينج وبين نفسج وتوصلين له << حلو وبرافو
لكن
توصل ان تتحدين الله وتشيلين حجابج @@ ماتخافين الله ياخذ امانتج وانتي بشهر العسل؟؟؟؟؟؟؟؟؟؟؟؟؟؟

ادري كلامي مابيعجبج - بس من حرة قلبي - ماتوقعت في ناس ترخص بدينها لهدرجة - وسالفة انج تحجبتي وانتي صغيرة خلاص عاد راحت وماتنفع انها تكون عذر عشان تعرضين روحج وتشيلين حجابج جدام اللي يسوا واللي مايسوا

:botetoo:

الله يهديكم بس

 

[LiPss]

وشنو الوناسه بالسفوووور اساسا!!!!!

شحلاة الحجاب والستر

خلي وساوس الشيطان بعيده عنج والله يهديج

خافي من ربج


ترااا حرااام
الحجاب مو قيد للمره بالعكس الحجاب ستررررر
ومايمنعج تسوين اي شي بحياتج
والله يهديكم

انتي لو ماتدرين ان اللي قاعده تسوينه غلط جان ما استشرتينا

والبنات كفوا ووفوا

 

[جوري 2007]

شنو تبينا نقووووووووووووووول
هذا شي بينج وبين اهلج ، اكيد بيزعلون وايد ويمكن مايستقبلونج
انتي عروستهم وفرحتهم جذي تسوين
اللي لبسج الحجاب من عمر 8سنين شنو تتوقعين ردة فعله ؟؟؟؟؟؟؟؟؟؟

 

[جوري 2007]

وبعد موكل شي نبيه لازم نسويه
كلنا ودنا نتفصخ بهالحر بس مايجووووووووووووووووووووووووووووووووووووووووووووووووووووووووووووووووووووووووز
"ليس كل مايتمناه المرء يدركه "

 

[الأماكن]

خايفه من اهلج وماتخافين من ربج؟!
شلون بتقابلين ربج؟! شنو بتقولين له ليش فصختي الحجاب؟!

ودام ريلج يساعدج وفري فسوري بوصف ريلج بكلمة عربية فصيحه قالها الرسول عن اللي جذي واهي : ديوث (مو مسبه بس كلام رسولي)
الديوث: اهو اللي ما يغار على اهله وزوجته .. واهو ما يدش الجنة أبدا.. بحسب حديث قريته
يعني اللي جذي بايع اخرته؟ووعشان شنو؟
اصلا شلون عادي عنده غيره يشوف جمالج اصلا يدل انه ما يغار عليج؟! ولا يخاف عليج؟! يعني هالشي ما ينتقص من رجولته؟! ولافيه خير لج؟
بس دام اهو من زمان حاط اباله يبي بنت جذي
يعني عادي يبي يكشخ فيج عشان برستيجه جدام الناس
ترا وايد شباب فريي يحبون ربعهم يشوف حريمهم يعني يوريه ان مرته حلوه وفري؟!
ولا طاعة لمخلوق في معصية الخالق
عبالج الله بيوفقكم بزواجكم دام بديتوا حياتكم بعصيانه ؟! وبديتي اللي عاجب ريلج على أمر ربج؟!
وشنو يعني تحجبتي صغيره؟! يعني ما استانستي وايد ولا انظلمتي؟!
كنتي تؤجرين على هالشي حبيبتي
والحين خسرتي هالشي؟! بس الإنسان بإمكانه يصلح غلطته محد يضمن متى ساعته؟!
شنو فايدة تطلعين شعرج جدام الناس؟! كل شخص بيشوفج بتاخذين اثمه؟! هذا غير لبسج بعد؟!
لايغرونج السفور والناس الفري .. اخرتها بتتحسفين؟! وبيتحسفون سنين من عمرهم تضيع بآثام ما تخلص تجدد بشكل يومي ؟! للأسف
ومتى بتلحقين تكفرين ذنوبج؟! هذا اذا تأكدتي انج بتلحقين؟!

سامحيني اذا كلامي قاسي بس من خوفي عليج والرسول وصى اذا شفنا منكر نغيره والدين النصيحه..
أدري كنتي تتوقعين نصايح البنات نشجعج ونصحجج شلون تتصرفين مع اهلج؟!
بس ماقدر الرسول قال عن اللي ينصحون بشي فيه ضلاله راح اخذ اثمج واثم كل بنت سمعت نصيحتي؟!
وكل بنت بتنصحج بتاخذ نفس الجزاء دام شي فيه عصيان لأمر الله؟!
الله يهدينا ويصلحنا ويردنا إلى الحق ردا جميلا..
وانتي براحتج سوي اللي يعجبج وتقبلي مروري..
اللهم صلي وسلم على محمد وآل محمد..

أنا معاها 100%
شوفي حبيبتي لا تزعلين من ردود بعض البنات ... لإن احنا نبي مصلحتج
دام هذه بداية حياتكم معصية ... الله ما راح يوفقكم

هذا احنا متحجبات ومنقبات و عايشين حياتنا احلى عيشة ... طلعات و سفرات و سوق ماعلينا قصور
عمر الحجاب ما وقف عائق بينا و بين اللي نبيه

و صدقيني ريلج مايغار عليج

حلات الريال ... يغاااار و يخاف علي ... صدقيني بتستانسين لما تشوفين ريلج ما يبي احد يشوفج غيره

تحسين انج "ألماسة ثمينة" وبيحرص عليج

الزبدة :::>>> ردي لحجابج احسن لج ​

 

[LiPss]

كثري صلاة انتي الشيطاان تسلط علييج

سبحان الله كل وحده اعرفها مقبله عالزواج الا يتسلط عليها الشيطاااان بشي

انا اول ماتزوجت الشيطان تسلط علي بعباية الراس كرهتهاااااااااا
وبجي ومشاااكل وصراخ واحنا معاريس
تخيلي
بس فكرت بعقل
وقلت مستحيل اسمح للشيطان يمشي معاي انا وزوجي بطريق زواجنا
وصليت وكنت كله اكثر من دعاء اللهم اعني على ذكرك وشكرك وحسن عبادتك
كثري منه حيييل


بعدين انا عندي احساس كبير انج انغريتي بكلام زوجج
ولا سبحان الله من كان عمرج 8 سنين متحجبه ماكرهتيه الا لمن عرفتيه؟؟؟؟؟؟؟

ليش شنو كان يقوللجّ؟

يمدح باشكال السفوور؟
يذم الحجاب؟
ولايذم اللي شوهوا صورة الحجاب وانتي فهمتي عكس

فكري وتذكري
راح تلقين مربط الفرس وين

وحاولي تعالجينه

انا وحده متحجبه
بس لما اطلع مكان برووووووحي انا وزوجي مثل البحر ومايكون فيه احد ماتوقع يقوللي لأ
لان بروحنا فلا تحطينه عذر ودج تتكشخين بس الحجاب يمنع
لا يقلبي

ارجعي للحق اقتصيه من نفسج
لاتهدمين كل شي
نصييييييحه

 

[أسيرة_أحزاني]

و بتشوفين حتى لو رفضتي تعترفين لكن وربي بيوم وليلة بتنقلب حيآتج مع زوجج لـ جحيم لا تقولين انا ادعي عليج الحمدلله انا ما ادعي على احد بس ادعيلج بالهدآآآية مع إن " الله لا يغير ما بقوم حتى يغيروا ما في انفسهم ! " لكن بتصير كلها مشآكل بـ مشآكل لان مآبني على بآطل فـ هو بآطل !!!! رآجعي نفسج و صلحي اغلآطج شلون تبين ربي يوفقج بحيآتج ؟! و اذا تحسبين انه وفقج لا تظنين انه ناسي عذابج بنآر جهنم !!!

:eh_s(15):

 

[الاميره وبس]

ولا طاعة لمخلوق في معصية الخالق

 

['Basma']

يالله حسن الخاتمة

 

[المـــــها]

اعذريني حبيبتي
بس انتي تبين نصيحه مو مجامله
ما تبين الحجاب تبين التفصخ و غضب ربج
هذا واقع ما تبين الستر تبين الستايل و الضيج
الله يهديج
خل ينفعج زوجج و جوه و الستايل لا جا يوم القيامه و واجهتي ربج و اسألج عن حجابج و سترج
حزتها يا ترى شنو بتردين على ربج ؟؟؟
ستايل ؟؟
ما احب الحجاب ؟؟
زوجي جوه فري ؟؟؟؟



لا طاعة للزوج في معصية الله

بس انتي عصيتي ربج مو عشان بس زوجج
عشان نفسج و الشياطين اللي توسوس لج بالغلط

و لا تنسي اللي أهله مو راضين عنه
ما يشم ريحة الجنة


ما أعتقد إنج فكرتي بالجنة و النار قبل كل شي !!!
أعتقد كل تفكيرج بهالحياة و الوناسة و الفري و الستايل !!!!



فكري عدل !!!

 

[Princess Lady]

غريبه ما تبين أبوج يزعل ؟؟ وهذه حياتج أنتي وريلج !!

اممم ما فكرتي بالله سبحانه يوم الحساب تقدرين تقولين له هاي حياتي !!!

ما أظن

ترى جهنم حاااااره يماااا

 

[حور82]

ویییییییییییع یا کرهی للریال الی ما یغار علی مرته
سوری یعنی بس احس مثل الخرفان عادی کل شی عندهم
یاما بتشوفین مشاکل معاه هذا الی جذی لا تعتقدین بترتاحین معاه ولا بیرتاح معاج
احس الی هذا تفکیرهم صج فیهم نقص فیرقعون بلاویهم بالتفصخ مادری یعنی ربع متر حجاب شنو بیقید المره ولا المره صارت من الکمالیات الی یکشخ فیها الریال حالها حال النقال و الجوتی؟!!
بتزعلین عادی یعنی الی ما یهمها زعل ربها ما یهمنی زعلها