ابي رايكم بأسس بنتي بس بدخلها روضه حكوميه

[ريح قهوه]

السلام عليكم

بنات ابي فكره خطه والله شايله هم بنتي اكبر عيالي ان شاء الله بتروح ثانيه روضه حكومي بس ابي أأسسها شلون حق اولى ابتدائي ابيها تدش شاطره وفاهمه المنهج غير فكرة ادخلها روضه خاصه

 

[أم حسوون]

السلام عليكم
ما أدري سمعت واجد عن حريم يجيبون قصص صغيرة فيها أرقام بالانجليزي والعربي ليما العشرة ، وكتيبات فيها الأحرف الأبجدية ويعلمون عيالهم ، ويجيبون في البداية كتب تلوين علشان الطفل من خلال التلوين يتعلم مسكة القلم ومن خلال التلوين يتعلم التركيز وأنه ما يطلع عن حدود الرسمة وشغلات واجد ، بس هذا يبي أم متفرغة و بالها وسيع ، أو تجيبين مدرسة على الاقل مرة وحدة بالأسبوع تأسسها عربي ورياضيات ، ومدرسة تعلمها حروف الإنجليزي ، يبي لج تتعبين شوي معاها بالبداية علشان تتعلم ، هذا اذا ما كنتي تبين حضانة خاصة والله يسهل عليج.

 

[ملامح بريئة]

يحليلها البنت انتي تحفظينها الاحرف وتعلمينها مسكة القلم ووديها اشبيلية تاسسها حصة العفاسي ماعندي وقمها بس الروضة احلى تعيش طفولتها وتتعلم لان الحضانات الخاصة بس الامريكيات المتعوب عليهم

 

[برينقز]

دخليها تأسيس العصر بمركز تويتر في خيطان
بفتره قصيره راح تلاحظين الفرق
رقمهم 66890166

 

[م.الحمد]

روضه الحكومه مافيها تأسيس كله لعب
دخليها التقويه العصر فـِي عندهم تأسيس
او تجيبيلها مدرسه خاصه للبيت تأسسها

 

[Pink_Roses]

الروضة الحكومية مافيها تاسيس ولا اهتمام بالطفل بس اغاني وطلبات غبية

انا اشوف اليهال بعايلتنا ماشاءالله عليهم يعرفون يكتبون الاحرف عربي وانجليزي وحافظين قران كل من الحضانات الخاصة

 

[زوجة حياتي]

درسيها بالبيت ارقام ألوان اسماء الحيوانات الحواس الخمس وغيره من المفردات السهلة والمهمة بنفس الوقت وطبعا حاولي تعلميها بالعربي والإنجليزي واعطيها قلم وألوان وكراسة علشان تتعود على مسكة القلم

 

[rose of kw]

وعليكم السلام هلا اختي
انا عندي عيالي حاطتهم بالباكستانية و العربي عندهم زفت والانجليزي بعد العن و العن بس الحمدلله ربي طيحني بوحدة بنت حلال واسعارها لاهي غالية ولا هي رخيصة بس والله العظيم ارتحت وقطيت همي على ربي ثم عليها ما همتني الفلوس اصلا تروح وترد بفضل الكريم ... تأسس عدل عربي وانجليزي واسلوبها حلو ومشوق واذا تبين رقمها كلميني عالخاص.. والحمدلله النتيجة طيبة قامو يقرون كلمات ثلاثية وان شاء الله شوي شوي يتمكنون عدل والله يا اختي قبل يكرهون شي اسمه مدرسة بس ربج ما يترك احد والحمدلله على كل حال ... ويعطيج العافية

 

[حمرة الورد]

دخليها ثنائية لغه وراح تتأسس