ابي رايكم بهالسالفة.....ساعدوني حبيباتي

[kwaiteyah100%]

قوة حبوبات...

انا الصراحة اول مرة اييب اندونيسية في بيتي _مو متعودة على هالجنسية _ بس هالمرة الظروف حدتني عليهم ..... والله خير الحين بيصير لها اسبوع عندي وما شفت منها شي .... يعني تشتغل .... ومن يوم شريت لها كرت وقلتلها كلمي اهلج وطمنيهم انج وصلتي ....

وانا اتفقت معاها ان مرة بالشهر اشتري لها كرت وتتصل على اهلها وتكلمهم .... وقالت انزين ....اشوفها بعدين تقولي ( مدام عطيني رقم تلفون البيت علشان ريلي اذا يبي يتصل فيني ويكلمني ) وانا الصراحة مو متعودة على جذي .... يعني كل الخدم اللي عندي يتصلون مرة بالشهر باهاليهم ويحاجونهم .....او انها تطرش مكاتيب حق اهلها ..... والصراحة انا مرة فتحت المجال حق وحدة ....اهلها صكو راسي بالتلفونات بالليل او الفير واكثر من مرة ويشغلونها بمشاكلهم وتلقونها تقعد تبجي ومالها خلق تشتغل .... من بعدها حرمت اسوي هالشي ....
ادري بتقولولي غربة وهادين بيتهم وعيالهم ....بس همن انا ابي راحت البال ...يعني انا مو حارمتها من شي بس خواتي ما ابي افتح الباب حق كلمن هب ودب ياخذ رقمنا وانتو تعرفون (هذي اختي-جارة يدة يدتي ...الخ ).... وياخوفي اخرتها القى رقم البيت موزعينه بالنت (لوووول )

شوروا علي حبيباتي ....مابي اخسرها ولا افتح على روحي باب ما يتسكر

يلا باااااااااااااااااي

 

[love love]

انا مااشوف فيها شي دام شايلتني وامريحتني وتشتغل لي خلاص انا بعد بريحها حرام احنا بيوم الواحد ندق على اهلنا مره مرتيين هم اهي غربه
وكلنا موظفات ونحب مسؤولتنا تعاملنا عدل واتريحنا صح ولا لا؟
انا اول نفسج بعدين لا والله قمت افج عنهم مالي خلق تنحاش ولا تعنفص ابي ارتاااح الصراحه
وخدامتي اندونيسيه
انا عطيت حقها رقم موبايل ثاني علشان اقدر اطفييه باي وقت اذا صار ازعاج ولا شي وخل يدقون عليها وقولي لها مواعييد الي يدقون عليها مو الفير- واخليها تدق منه على اهلها بعد


ديري بالج هذول بسرعه يحقدووون فلا تفتحيين مجال عليج حرام دام تقولين انج مرتاحه منها وماشفتي منها شي

 

[HaPpY_SpiRiT]

والله انا من رايي انج تقولين لها اشكرة انج متفقة معاها على مرة وحدة بالشهر و اذا تبين تدقين اكثر من مرة هم مو مشكلة بس انا ما احب الازعاج بالتلفونات و كل ساعة مدقدقين عليج و جذي ماراح تركزين بشغلج و لا شي
و لا تحاتين هم ماراح اقصر معاج
خليج صريحة معاها و هذا رايي

 

[kwaiteyah100%]

ما قصرتو حبوبات .....

عالم حواء....مشكورة حبيبتي وعارفة كلامج ..... بس اذا بخليها تستخدم الموبايل كل مرة يبيلي ميزانية

HaPpY_SpiRiT ...حبوبة انا قلتلها نفس كلامج....بس اهي تبي ان اهلها يدقون عليها من هناك .....اهني القمندة وانا الصراحة ما ابي افتح المجال حق عوار الراس....

 

[ياعشيري جعلك السلال]

فهميها هالشي وانج ما تبين ازعاج ومرة بالشهر تكلمهم
وقوليلها ان عندها رسايل وبس