ابي رايكم شفت حركه حلوه بعرس بالسعوديه و حبيت اخذ رايكم فيها لما يدش المعرس الصاله

[توتاي]

شخباركم بنات

انا شفت حركه حلوه بعرس بالسعوديه و حبيت اخذ رايكم فيها ،

الحركه هي لما يدش المعرس الصاله و يروح الكوشه ،، توقف العروس له و لما يجي صوبها تقعد يمه

حيل فيها تقدير للرجال

شرايكم انتو ؟​

 

[M!ss CoLoRz]

رد: ابي رايكم

هالحركة نسويها عندنا في البحرين عادة في الملجة يعني إذا دشت العروس قبل الريال لا اراديا تصير الحركة وتوقف لما ايي

سويتها في ملجتي وما حبيتها واكبر احراج حق الريال

حلاتها يدي في يده وداشين مع بعض هالسيستم له طعم خاص ما يتكرر​

 

[M!SS.LOBY]

مو شرط على حسب العادات والتقاليد
بعضهم عادي والأخرين يفسرونه من ناحية الأستهزاء

 

[ي حليليِ]

^^
م فهمتج مس كولورز !!
توتاي قصدها بالعرس ، مو بالملجة ؟
بالملجة اكيد بوقف له
مممم انا ماجربت الملجة وجذي بس هذا اللي اعرفه ..
واحياناً يكون قاعد بالديوانية وانا ادخل يشوفني واطلع !!


^^
مادري بنات اذا كلامي فيه غلط صلحولي ><

مشكوره توتاي

 

[بنك بااستا]

soo niice

 

[مدّهره !]

إي أكيد توقف أختي عيل تتم جالسه !!

كل العروس أشوفهاا بهالطريقه عمري مااشفت عروس جالسه ..~

....~

 

[نوف الصقعبي]

اذا انتى بخاطرج هالشي سويه
وهى ليله بالعمر​

 

[PuPa^^SWeeT]

لا والله مادري


في ناس جذي و في ناس ماتوقف


ما مر علي احد وقف

 

[تجي نعشق]

م قد شفت هيكك


تكون قاعده ويجي هو يقعد جمبهاا بالكوشهه


وبث

 

[اميره^_^بحلآها]

بدون هالحركات احسن والله ..~!
و الراي لج

 

[مآنسيتك]

آنآ مع هالحركة وبقوووة احسها حلوة اول مايدش يشوفها بشكل واضح وهي واقفة مو ينتظرها لما توقف وياة

 

[رنيم الروح]

انا جربتها حبيبتي في الكوشه كنت داخله قبله ولما دخل وقرب مني وقفت اله وبعدها جلسنا حلوووه مره

 

[بنوته ستايل]

اممممم مادري انا ما ايد الحركات ..حلاته تكون دخله العروس مافيها حركات ..


وانتي براحتج..وربي يوفقج ويهنيج انشالله..

 

[Rimaa2233]

انا وقت ملكتي بالزفة كنت جالسه وهو جا المشكلة اني ماقدرت اقووم والله وقتها مدري وش صار فيني
احس. بروودة جسمي وحرارة ماني عارفة اشرح لكم وزادها علي عيون الناس مالها داعي تخوف
تمنيت انوا نزفينا لوحدنا مو قدام احد
افضل شي ينزفوا سوا

 

[عادت ذكرياتي]

على راحتج ^-^

 

[دلوعه غناتي]

كيفج انتي سوي الي بخاطرج ويسلموو ع الموضوع

 

[يـاكـرهـي $:]

عندنا العككس المعرس يدش مع الرياجيل قبل ويرقصون لوول ويسلمون ويطلعون الرياججيل
وبعدين تدشش العرووس ويكون المعرس واقف @@
وبجذي يخزها عدددددل .. هالحركه احلى احسس وشوفي اللي يريحج ..

 

[مدّهره !]

ههههههههههه عز الله مااتحركت زين مااتتشنج مكانهاا

هههههههههه :krkrkr:

 

[دلال. الحلوة]

×

والله اختي انا سعــودية مادري عنكم يا اهل الكويت كف طريقتكم

بس حظرت كم عرس لكم العروس تكون جالسه ومتغطية بقطعه بيضاء لين يطلعون الرجال

بصراحة مب حلوة الحركة فاضيه اتغطى ناقصه اموت حرر واختنق

//

حنــا بالسعودية

المعترف فيه يدخلون ( ابو المعرس واخوانة والاقارب درجة اولى وهو معاهم يزفونة ويرقصون ويطلعون كلهم .. يتم بس هو واهل العروس ابوها واخوانها وعمامها والخوال .. أو بس الابو والاخوان )

بعــدها تدخل العروس على الزفه حقتها بروحها ويكون بنص الممشى الزوج ينتظرها موقف لها ويمسكها من يدها ويحب راسها ويزفها لين الكوشة ويجلسون .

أو يكون منتظرها على الكوشة لين توصل له ..

طول ماهي تمشي من اول ماتطلع لين توصل الكوشة يكون موقف لها

وبس وسلامتك

بس هالحركة احسها جداً جميلة ورايقة هذا المعترف فيه عندنا بالسعودية

وانتي ياقلبي سوا الي يريحك

وربي يتمم لك ويوفقك
​

 

[ي حليليِ]

عندنا العككس المعرس يدش مع الرياجيل قبل ويرقصون لوول ويسلمون ويطلعون الرياججيل
وبعدين تدشش العرووس ويكون المعرس واقف @@
وبجذي يخزها عدددددل .. هالحركه احلى احسس وشوفي اللي يريحج ..

الله حبيت هالحركة والله :eh_s(22):
عفواً وين انتي بالكويت ولا اي دولة ؟؟؟
لان ما عمري شفت جذي صراحةشيء حلوووو احسن شيء :ggdw: