ابي رايكم شفت حركه حلوه بعرس بالسعوديه و حبيت اخذ رايكم فيها لما يدش المعرس الصاله

[أم يزيد &سديم&]

شخباركم بنات​

انا شفت حركه حلوه بعرس بالسعوديه و حبيت اخذ رايكم فيها ،​

الحركه هي لما يدش المعرس الصاله و يروح الكوشه ،، توقف العروس له و لما يجي صوبها تقعد يمه ​

حيل فيها تقدير للرجال ​

شرايكم انتو ؟ ​

لا حبيبتي وين شفتي هالحركة في أي مدينة بالسعودية

ينقسمون الناس إلى أقسام :
قسم ما ينزف المعرس ولا العروس دغري من القاعة إلى الفندق إإن كان حاجز أو الشقة
وقسم بس تنزف العروس لحالها
وقسم مرة منفتح تنزف العروس مع المعرس من أول لآخر الزفة
وترى ما فهمت طريقتكِ عدل أتمنى توضحينها أكثر
دمتي بود

 

[Riema]

ولاااااا مره سمعت وشفت العرووس توقف للمعرس

غرييبه علي الفكره ومانصحج خاصه اذا كنتي من مجتمع البدو راح ينقدون عليج او يطلعون ميه سالفه احس ماله داعي هذا رايي

تقبلي مروووري

 

[مشتطـه]

ماحبيتها كلش
شكلج بيكون غلط نتغطيه و واقفه


احنا يدشون ريياييل مع المعرس مادري عنكم شلون طريقتكم
بس مو حلوة الحركة

 

[دلع الشمال]

احنا بالكويت مو هذي عاداتنا

لانه اذا بصاله العرس المعرس مايدخل بروحه بيزفونه اخوانه وعمامه واصدقائه فالعروس بهذا الوقت تكون متغطيه وقاعده


يعد مايطلعون كل الرجال من الصاله العروس تشيل الرداء الي عليها ويشوفها المعرس

 

[بنوتة باباها]

بالعكس هالحركه وااايد منتشره عندنا بالكويت يعني لما يدش المعرسس يشوف العروس واقفه عالكوووشه وايي يوقف يمها وياخذون جم صوره ويقعدووون مافيها شي احسسن عالاقل يشوف كشختها عدل

 

[بنوتة باباها]

اي صحح اذا احد دخل مع المعرس بتغطى العرووس وانا شايفه ياتوقف واهي متغطيه او تقعد عادي يبه

 

[مس ^_^ تكانه]

ماأيد هالحركه لانه مامرت علينا

وانتي براحتج وموفقه حبيبتي

 

[نآعمـه]

اهم شي الاحترام التقدير بعد العرس مو بيوم العرس

 

[mrs.abk]

أصلا في عمري ما رحت عرس العروس فيه ما وقفت لزوجها !!

يبا إذا قاعدة في صالة بيت أمه ودخل هو أوقف طوالي .. الاحترام جيه يفرض

 

[تبيني آرضى عليك]

سوي اللي بخاااااطرج حبيبتي
موووووووووفقه

 

[إغواء]

كل العروس الي حظرتها م شفت هيك ؟
الي اعرفه :rerrerek:
يزفون العروسه وبس توصل للكوشه يغنون ي على امها او خواتها والعروسه ساعات تب تهدي رفيجاتها
بس يخلصون رقص يدش المعرس وتكون آهي قاعده ويجي
يقعد جمبها ونفس الحاله اغنيه لخوات المعرس يرقصون جدام اخوهم
يخلصون تصوير وبعدها يتوكلون على الله

 

[Royal jojo]

والله على حسب العادات والتقاليد
رغم ان هالحركه حلوة وانا ما اشوف فيه شي
يالتوفيق

 

[Laidy n3ooma]

اذا بيدخلون معاه ناس مو من محارمها اكيد قاعده اتخيلها واقفه ومتغطيييه يمممه تخرررع

لاكن اذا كانت مو متغطيه وكل اللي دخلوا يصيرون لها تكون قاعده واذا قرب لين نص الكوشه توقف ويحبها على راسها

اما ان تكون قاعده وهو يقعد يمها بدون ماتوقف ولا بوسه على الراس احس مب حلووووهه

يجي ويقعد يتصورون ويسحبها وراه .. مادري احس مب حلوه

 

[^لغموضي معاني^]

مادري احس مو حلوه


بس براحتج

 

[برنسيسة2007]

نصيحه لاتحطين في بالج اتسوين حركات مدروسه لانج وانتي داخل واعيون الناس عليكم ترتبكين فالافضل حطي في بالج اتدشين وتقعدين
وبما ان الحركه جديده عليج اكيد جديده علا مجتمعكم لذلك ماله داعي اتسوينها والحياة قدامكم طويله اتبينين فيها تقديرج واحترامج له والله يوفقج

 

[*مطبخ الذواقة*]

بصراحه حبيبتي على كثر ما حضرت عروس مو بس كويتين ﻻ خليجات بعد ..
ما عمري شفت عروس وقفت حق المعرس ...

ﻻن قبل مثلا يغطون العروس وتكون جدامها خالتها أم المعرس ويدخلون يزفونه الشباب وتعالي يطلعون ..ويروح هو ويقعد جنبها ..وهي متغطيه ولما يطلعون الشباب تكشف

بس الحين حاليا اغلب الكوش اللي اشوفها تكون الكوشه مسكرة ..يعني وقت زفه المعرس ماله داعي تتغطى العروس ﻻبس يسكرون الكوشه عليها ..ولما يطلعون الشباب يفتحونها ..تكون هي قاعده ..وحسب الاتفاق أنا حاطه دخان أو فقاعات ...





وسلامتكم ...

بس الاخت اللي قالت المعرس يدش قبل العروس

هذه وين هني بالكويت ؟!!

 

[أجنحة الورق]

نحن فالامارات كل اعراسنا جي

 

[فديت حلاتي]

بالعكس حنا بالسعوديه عندنا هالحركه اهم حركه

اذا دخل المعرس القاعه توقف له العروس عند الكوشه يجي يبوس راسها ويجلسون

 

[بنوتة عتيبه]

ما تعجبني احسها فيها مخفة للعروس وتقديس الرجل في اول ايام الزواج خصوصا يقبح المرأة

 

[ظبية بوظبي]

وليشّ. كيف النظّام عندكم !!

هذّا نظّامنا من فتحت عيني عالدنيا