ابي زوجي يغار علي شلووون..

[Roty]

قوة بنات

انا متزوجه من سنتين ابي زوجي يغار علي شلون بنات علموني

ودي احس انه يغار مليت بس انا اللي اغار :bbbiu:

فوفو22 احبج واحب مواضيعج وخبرتج علميني ساعديني شوري علي:eh_s(7):

شكراااا​

 

[Roty]

اب اب

 

[محتارة وبصيح]

بسيطة اذا طلع مغني ولا ممثل بالتلفزيون مدحيه قولي واي شحلاته يهبل عسل واي وسيم احبه وبيغار عليج

 

[إنسانه وأكثر]

حبيبتي خلي الشي يطلع عفوي منه ماله داعي تختبرينه واذا اهو يحبج وانتي حاسه بهالشي فأكيد يغار عليج

بس وايد رياييل يحاتون مشاعر الزوجه ويخاف انه لي بين لج غيرته تتضايقين
او يحاتي انه اذا غار عليج وبين هالشي تصيرين مغروره
واااايد ازواج يكتمون الحب والغيره بقلبهم من خوفهم انج تغترين باجر وتتغلين عليه

عسى الله يسخرلج زوجج وازواجنا يارب

 

[مألوفة]

واايد ازواج ما يبينون حق حريمهم انهم يغارون

وها النوع وااايد وخصوصا اللي تكون البنية احلى منه

طبعا اكلمج عن تجربة

 

[بوغاتي88]

وبعدين اذا بين لج غيرته تتضايقين وتزعلين وتقولين بنات لحقوني ريلي يغااااااااار علي خليه جذي احسن لج

 

[أحلى بنوووته]

انا من رايي خليه جذي احسن شلج بعوار الراس ياما تطلقو ناس بسبة الغيره والله اريح وانتي لاتبينيله حيل انج تغارين مثل مايسوي سوي نفسج انج تغارين عليه بس يبيها بغشمره يعني بس جذي ولا انا مو هامني ..احم احم طمووشه

 

[الأميرة جوري]

اذا غار بتكرهين حياتج خليه جذيه وااايد تطلقوا والسبب الشك والغيره اللي مو محلها ....اكيد يغار بس ما يبين

 

[zaina alotibi]

اهي حلوة اذا كانت طبيعية وغير ممزوجة بشك من الطرفين الزوج والزوجة
شلووون تخليييينه يغاااار ؟؟؟؟؟

جربي ذكري جدامه موقف صار معاج .... وشوفي مدا غيرته وعلى فكرة يمكن اهو يغار عليييج بطريقة ما انتي مافهمتيها ليلحين كل زوج وله طريقته بالتعبير عن حبه وغيرته

 

[dubai girl]

تشتغلين ..؟

ولا

ربة بيت ؟؟

 

[ام زايد العتيبي]

حمدي ربج تري ما يغار واايد الا الخربان لانه اللي يخرب يكون شكاك حتى بروحه

 

[om.googi]

زوجج من النوع اللي يغـار بس ما يتكلم .. يخاف تقوى شوكتج عليه وتنفخين ريشج .. جذي بعضهم يفكرون ..
واذا ما يغار أحسن بعد .. الغيرة محمودة بحدود ومذمومة بالعام .. نادر ما تعرفين وحدة ريلها ما يغار عليها
والغيرة درجات ..
فا لا تبطلين باب اهو مسكر .. واذا تبينه يغار واجهيه بهالسؤال ( انت تغار علي ) اذا قال اي
واهو مومبين لج انه يغار فا فهميها واهي طايرة ( يغار عليج بحدود العقل ) يعني واعي ..
والله يوفقكم :yaaaaaarb:​

 

[مولاي الفرج]

ترى الغيره تلوع الجبد ههههههه والله صج

يعني كافي غيرته لما يقولج ديري بالج عدلي حجابج لبسي وسيع

بس ان تصير سوالف بسبه غيرته

شي خايس ومو كل وحده تتحمله

الله يخليه لج

 

[Roty]

انا اشتغل

صح كلامكم بس ودي يغار لو شوي

ودي يصير تفاعل شوي مليت من الروتين

 

[حلم مها]

شكلك ودك بأكشن على حساب حياتك لا ياقلبي الغيره دمار زي ماقالو الخوات قبلي لبسي كذا وعدلي حجابك وقصري صوتك هذي الغيره ....اقولك الغيره إللي ودك فيها وتخيلي نفسك تقدرين عليها ((((((...لاتطلعين إلا بإذن ..السوق ماتروحين الا معي...اهلك انا اوديك وإذا عندهم خواللك اوعمامك مافيه روحه..لاأشوفك ماسكه التلفون تكلمين مين هالوقت...لبسك مو عاجبني غيريه...مشغل نسائي مافيه اش دراني يمكن فيه كميرات...حاطه عدسات لمنو لبسيهم بالبيت بس ...وطلعات مطاعم وسينما وغيره انسيها بس حق التقزز..واصدقاء العمل بالعمل بس ولا اقول مافيه وظيفه احسن))))) هاه اش رايك بالاكشن ترا هاذي حياة إللي ازواجهم يغارون احمدي ربك زوجك عاقل ولو مو واثق فيك كان شفتيه طبق كل ألكلام إللي قلته ..

 

[ثريا الكون]

المحبه من الله ونصيحه غيرة الريال تذبح وتخنق​

 

[أحلى البشر]

والله ماعندج سالفه تهدين الراحه وتدورين الشقاا

 

[كويتية نايس]

اممم امدحي ممثل جدامه مزيون او مغني قولي حلاته يهبل يااي >>بس بدلع
او اسئلي انته تغار علي؟؟خخخخ>>>>>>احم احم طموشه

 

[Queen of shr]

ذكرتيني بمسلسل جميل وهناء خخخ خليج جذي اريح لج

 

[OM BARAK]

لا تسوين شي باجر بدال الغيره يصير شك و تصير حياتج جحيم​